Kylie Minogue, Nathy Peluso, Damiano David eta Fat Dog, Kobetamendiko festa burutzeko
Bilbao BBK Liveri ordu batzuk gelditzen zaizkio ateak ixteko, baina azken jardunaldian egongo da, baiki, zer ikusi eta zer entzun: Kylie Minogue, Nathy Peluso eta Damiano David kartelburu sonatuen emanaldiak, berbarako.
Horiez gain, energia gorde dutenek bi espainiar talde interesgarri ikusteko aukera izango da arratsaldean, rocka gustuko dunenentzat, behintzat: Viva Belgrado (Johnnie Walker, 19:20) eta Carolina Durante (Nagusia, 20:15).
Jaialdiko lehen orduak euskal bandek beteko dituzte, ohikoa denez. 17:30ean, Malko Gaztearen Maketa Lehiaketaren irabazleek karpan (Johnnie Walker oholtza) joko dute, eta hamar minutu geroago hasiko dira Amateur donostiarrak. Gainera, Janus Lesterrek estreinakoz joko du Bilbao BBK Liven, 18:25ean.
L’Impératrice frantziar bandak 70eko rockean inspiratutako synth-pop emanaldia eskainiko du San Miguel oholtzan, Pulsar diskoaren nazioarteko biraren baitan. Proposamen alternatiboen ildotik, Heartworms post-punk taldeak (Jojo Orme britainiar artistaren banda) Johnnie Walkerren joko du, 21:30ean.
Gaua iristearekin batera, azken eguneko bi izen nagusiak taularatuko dira Nagusia oholtzan: Kylie Minogue australiarra eta Damiano David italiarra. Tension II izeneko diskoa gurean aurkezteaz gain, 90eko hamarkadatik pilatu dituen hitez osatutako errepertorioa eskainiko du Minoguek, 22:35etik aurrera.
Damiano Davidek hartuko dio lekukoa agertoki horretan australiarrari; 01:40an, Måneskin taldeko abeslari gisa ezagutu genuen italiar musikariak bere bakarkako lehen lana, Funny Little Fears, aurkeztuko du.
Eta bien artean, beste izar nabarmen bat arituko da Bilbao BBK Liven: Nathy Pelusok San Miguel oholtza beteko du 00:15etik aurrera. GRASA diskoan oinarritutako ikuskizuna AEBn eta Hego Amerikan aurkeztu ostean, Euskal Herriko publikoari erakutsiko dio, estreinakoz.
Ordu berean, 00:15ean, Fat Dog britainiarrek proposamen alternatiboagoen zaleak bilduko ditu Johnnie Walker oholtzan; kontzertu bizia izango da, seguru.
2025eko edizioa ixteko, The Blessed Madonna estatubatuar ekoizleak ‘We still believe’ showa egingo du San Miguel agertokian, eta Johnnie Walker oholtzan Enigma izeneko festaz gozatzeko aukera izango da, Fucknormal, Mina Galán eta Olvido artisten eskutik.
Horraino iritsiko da Bilbao BBK Live jaialdiaren aurtengo eskaintza. Gozatu!
Zure interesekoa izan daiteke
Robbie Williams zain da Kobetamendin
Britainiar musikariarena da jaialdiko bigarren jardunaldiko izen nagusia, baina beste artista eta talde interesgarri asko egongo dira gaur Bilbao BBK Liveko agertokietan: Marte Lasarte, La M.O.D.A., Alabama Shakes, Belle and Sebastian, Tomora, Soulwax…
Abian da 2026ko BBK Live jaialdia!
Gaur, uztailak 9, hasi da jaialdia Bilboko Kobetamendi parkean, eta uztailaren 11ra arte luzatuko da. Aurten 20. urteurren berezia ospatzen du topaketak, eta nazioarteko zein etxeko artistak bilduko ditu hiru egunetan zehar. Kobetamendiko eszenatokietan Robbie Williams, Calvin Harris, Lily Allen eta Interpol bezalako izen handiak arituko dira, Aimarz edo Gar bezalako euskal taldeekin eta tokiko talentuarekin batera, giro paregabean.
Bonnie Tylerren ibilbidea, bost abestitan
Galesko artista mitikoa 75 urterekin hil da, baina 80ko hamarkadako pop-rockaren ikur bilakatu zenak kantu zoragarriak utzi ditu bere ibilbidean zehar, oraindik bizi-bizirik dirautenak. Horietako bost errepasatu ditugu.
Bonnie Tyler hil da, pop musikaren mitoa
Besteak beste, "Total Eclipse of the Heart" arrakastagatik ezaguna, 80ko hamarkadako abeslari ikonikoa bart zendu da, 75 urterekin, familiak ohar baten bidez jakinazi duenez.
Bilbao BBK Liveko sorpresetako bat, argituta: Arde Bogotá Kobetamendin izango da
Egitarauan Bigger Splash bere single berriaren izenez programatuta zegoen murtziar taldeak larunbatean joko du, 18:00etatik aurrera, agertoki nagusian.
Jose Gonzalezek piztu du Bilbao BBK Liveko musika
Argentinar-suediar kantautoreak kontzertua eskaini du bart, Guggenheim Bilbao Museoan, Bilbao BBK Live jaialdiaren Bereziak zikloaren barruan. Kobetamendin gaur, ostegunarekin, hasiko dira bozgorailuak aldarrika, eta, Bilbon, musika ez da igandera arte isilduko.
Kobetamendi, festibalarien zain
BIlbao BBK Livek uztailaren 9tik 11ra ospatuko du 20. urteurrena, Robbie Williamsen, Calvin Harrisen, Lily Allenen, Idlesen eta beste haimaika artista eta talderen doinupean. Jaialdiko eremua prest dago, publikoaren gozagarri.
Bilbao BBK Liveko altxor ezkutuak
Sara Zozaya, Apparat, Tomora, Fatoumata Diawara, Cervatana... Bilbao BBK Liveko jaialdiko kartelaren letra handien itzalean aurkitu ditugun hainbat talde eta artista interesgarri zerrendatu ditugu.
Jaso daitezke jada BBK Liveko eskumuturrekoak: Adi, ez ahaztu zurea
Jendetza bildu da gaur goizean BBK Aretoaren aurrean, sarrerak eskumuturrekoekin trukatzeko. Eskumuturrekoa jaialdira sartzeko ez ezik, eremuan edozer erosteko ere ezinbestekoa da; ez da eskudirurik ez eta kreditu-txartelik onartuko. Horrez gain, eskumuturrekorik gabe ezingo da jaialdirako autobusa hartu.
Immanuel Wilkinsen saxofoi boteretsuak itxi du Getxo Jazz
Saxofoi-jotzaile estatubatuarraren laukotea izan da Getxoko jaialdiaren azken gaueko protagonista. Beraiekin batera, Lurium banda frantziarra aritu da, Getxoko Nazioarteko 49. Jazzaldiko Talde Lehiaketako irabazlea.