Bilbao BBK Live jaialdiak kartela itxi du Damiano David eta Sparksekin
Bilbao BBK Live jaialdiaren hamazortzigarren edizioa uztailaren 10, 11 eta 12an egingo dute, eta Damiano David Måneskin taldeko abeslaria, Kaytranada haitiar-kanadar ekoizlea eta Sparks talde beteranoa gehitu dituzte antolatzaileek kartelera gaur, artisten zerrenda itxitzat eman aurretik.
Bonuak salgai daude, 150 euroan, eta eguneko sarrerak (65 euro) martxoaren 27an jarriko dituzte salgai.
Ostegunean, uztailak 10, Pulp taldearen britpopa izango da nagusi Kobetamendin, eta horrekin batera egongo dira Kaytranada (diskoa, R&Ba, rapa, funkya…), Michael Kiwanuka soul gitarrista eta abeslaria, Bicep, Ca7riel y Paco Amoroso, Japanese Breakfast, Judeline, Maria Arnal (bakarkako formatu berrian), Hinds, Eider, English Teacher, Wunderhouse, Cala Vento, Pablopablo, Hofe, Mirua eta Tatta & Denso.
Ostiralerako, kartelaren goialdean daude Raye britainiarraren proposamen dotorea, Bad Gyal, Amaia nafarra, Amyl & The Sniffers australiarren punka, Polo & Pan, Orbitalen elektronika, Jalen Ngonda, Jessica Pratt, Obongjayar, Sofie Royer, Rusowsky, Baiuca, Abhir, Carlos Ares, Julieta katalana eta Sal del Coche eta Xsakara euskaldunak.
Larunbatean, ikusmin handia lortu duten hainbat artista izango dira Kobetamendin. Kylie Minogue australiarra izango da eguneko kartelburua, eta berarekin batera izango dira Nathy Peluso, Damiano David Måneskin taldeko burua Funny Little Fears diskoa aurkezten, Sparks talde beterano eta sailkaezina, Hidrogenesse, The Blessed Madonna, L'Imperatrice, Makaya McCraven, Heartworms, Alice Phoebe Lou, Carolina Durante, Fat Dogen britainiar punka, Viva Belgradoren pisua, Sidonie, Amateur, Malko Gaztearen Maketa Lehiaketaren irabazleak eta Janus Lester.
Basoak "inguru natural sakoneko rave bat" eskainiko du, DJ hauekin: Carista, CC:DISCO!, Fafi Abdel Nour y Pépe, eta Tiga y Cora Novoa ostegunean; Octo Octa, S-Candalo, Verraco, Xamana Jones ostiralean; eta Avalon Emerson, Roman Flügel, Pearson Sound, Jennifer Loveless eta Oma Totem larunbatean.
Lasai espazioak, ohi bezala, 100 bpm-tik beherako musika programatuko du, eta Gorria eremua estreinatuko dute aurten, "jaialdiko gau klub berria".
Zure interesekoa izan daiteke
ETSk iragarri du hirugarren kontzertu bat egingo duela Buesan, aurreko bietarako sarrera guztiak saldu ondoren
Talde arabarrak iragarri du martxoaren 13an ere eskainiko duela "Etxean" ikuskizuna Gasteizen, martxoaren 19ko eta 20ko kontzertuetarako 30.000 sarrerak 24 orduan saldu ondoren.
Saldu dira ETSren Gasteizko kontzerturako sarrera guztiak, eta beste emanaldi bat iragarri dute
Arabako taldeak beste kontzertu bat emango du Buesa Arena pabiloian, martxoaren 19an, Gasteizen martxoaren 20rako iragarri zuten "Etxean" kontzerturako sarrerak berehala, ordubete luzean, agortu baitituzte.
ETSk kontzertua emango du 2027ko martxoaren 20an Buesa Arenan
Horixe iragarri du taldeak Madrilen emandako kontzertu jendetsuan. ETB On eta Primeranen ikusgai dago jada Madrilgo kontzertua.
?fmt=png-alpha&qlt=80)
Iñigo Etxezarreta: “ETSren formatu ezberdinak egongo dira etorkizunean”
ETS taldeak “Bihotzen konkista” kontzertua emango du larunbatean Madrilen, Movistar Arena beteko duten 16.000 lagunen aurrean eta ETB1en eta ETB ONen pantailez bestaldeko ikusleentzat. Iñigo Etxezarreta kantari eta gitarristarekin hitz egin dugu, horren aitzakian, honetaz eta hartaz, luze eta zabal.
?fmt=webp-alpha&qlt=80)
Pantxoa eta Peiok jasoko dute Adarra saria
Lapurtar bikote aitzindariak ekainaren 21ean jasoko du Donostiako Udalaren eta Donostia Kulturaren saria, Victoria Eugenia antzokian, eta kontzertua egingo du jarraian.
Pello Reparazek hiru kantu abestu ditu kalean, Bilbon,"Mitoaroa III" ikuskizunaren aurkezpenean
Zetak taldeko abeslariak Begi beltz, Hileta kantu nafarra eta Itzulera kantuak abestu ditu Bilbon, kalean.
“Mitoaroa III” ikuskizun “futurista eta aldarrikatzailea” izango da
Zetak taldeak agerraldia egin du gaur Bilbon, ekainaren 19an eta 20an San Mamesen zabalduko duen ikuskizunaren zertzelada batzuk aletzeko.
Zetakek Bilbo erdialdera eraman du "Mitoaroa III"
Mitoaroa III unibertsoko figurak Bilboko Kale Nagusira agertu dira, Zetak taldeak San Mamesen ekainaren 19an eta 20an egingo duen ikuskizunaren lagintxo bat erakusteko.
Live Nationek eta Ticketmasterrek kontzertuen merkatuan monopolioa ezarri dutela ebatzi du AEBko epaimahai batek
Bost astez epaiketa gidatu duen epaileak enpresek zer zigor jasoko duten zehaztu beharko du orain: isunak, kalte ordainak edo negozio eredua aldatzeko eginbideak. Live Nationek adierazi du “handia eta arrakastatsua izatea” ez dela legez kanpokoa.
Xabier Anduagak “Werther” Masseneten opera egingo du Bartzelonan
Maiatzaren 2tik 17ra taularatuko du donostiar tenorrak Goetheren eleberrian oinarritutako opera. Lehenago, apirilaren 19an, gala liriko bat egingo du Liceun bertan, Pretty Yende hegoafrikar sopranoarekin batera. Gainera, Talia Arte Eszenikoen Espainiako Akademiaren sarietarako izendatuta dago Anduaga, lirikako gizonezko interprete onenaren atalean, La sonnambula operan egindako lanagatik.