Boni, Barricada taldeko gitarrista eta abeslaria, zendu da
Javier Hernandez "Boni", Barricada nafar taldeko gitarrista eta abeslaria, gaur, urtarrilak 8, zendu da, 58 urte zituela, familiak ohar batean zabaldu duenez.
Barricada taldeko kide 1982. urtean sortu zenetik 2013.ean taldea amaitutzat eman zuten arte, 2018an bakarkako bira bat bertan behera utzi behar izan zuen Bonik, laringeko minbizia zuela eta. Urte horretako ekainean, ebakuntza batean, hainbat eta hainbat belaunaldik hunkituta entzun duten ahotsa galdu zuen, besteak beste “No hay tregua”, “Rojo”, “Abrir y cerrar”, “Pasión por el ruido” eta “Por la libertad” kantuetan entzun den eta betiko entzungo den boza.
Boni 2010ean Londresen, eitb.eus-entzat egindako bideo batean, Barricadak "Abrir y cerrar" jo aurretik
Barricada
Barricada, gaztelaniaz kantatutako rockaren inoizko talderik garrantzitsuenetako bat, 1982an munduratu zen Txantrea Iruñeko auzoan, Enrique Villarreal Drogas-ek eta Javier Hernandez Boni-k gidatuta. “Noche de rock & roll” diskoa izan zen berezkoa zuten rock kaletarreko lehen lana.
Mikel Astrain bateriaren heriotzaren ondoren Fernando Coronadok partxeen bestaldean haren tokia hartuta eta Alfredo Piedrafita gitarrista taldera batuta, laukoteak ospe eta prestigio handiko urteak bizi izan zituen, besteak beste “Barrio conflictivo” (1985), “No hay tregua” (1987) eta “Por instinto” (1991) platinozko diskoari esker, Espainiako Estatu osoan pabiloiak bete eta bete.
Inoiz kantu onak egiteari utzi gabe disko esperimentalago batzuk argitaratu eta gero, taldearen amaiera zakar baten aurretik, laukoteak “La tierra está sorda” (2009) memoria historikoari buruzko disko hunkigarri eta ezinbestekoa utzi zuen, ordurako baterian Ibon Sagarna Ibi zuela.
“Peligroso animal de compañía”
Barricadatik kanpo, Bonik “Peligroso animal de compañía” bakarkako diskoa argitaratu zuen 1992an, taldeak atseden txiki bat hartu zuela baliatuta. Behin taldearen ibilbidea amaitutakoan, “Incandescente” (2015) eta “Réquiem por el mundo” (2018) diskoak argitaratu zituen.
Enrique Villarreal eta Alfredo Piedrafita kideek hunkituta agurtu dute Boni. Ondare infinitua utzi du.
Albiste gehiago musika
Akelarre bueltan da, bere ibilbidea jasotzen duen dokumental batekin
Taldearen historia, izan dituen kideen eta jarraitzaileen adierazpenak, une bereziak eta inoiz ikusi gabeko irudiak bilduko ditu dokumentalak. Udazkenean estreinatu nahi dute, azken ukituak egindakoan.
Steven Van Zandtek ezingo dio Springsteeni lagundu Anoetako bigarren kontzertuan
E Street Bandeko gitarristari ebakuntza egin behar izan diote Gipuzkoako hiriburuko ospitale batean New Jerseyko musikariak larunbatean eman zuen kontzertuaren ondoren, apendizitisak jota baitzegoen.
Bulego taldeak ez du Sonorica jaialdian joko
Castro Urdialeseko jaialdian jotzekoa zen taldea, uztailaren 18an, baina atzera egitea erabaki du Superstructi, KKR inbertsio funtsa atzean duen taldeari, baitagokio musika topagune hori.
Bruce Springsteenek 40.000 zale bildu ditu Anoetako lehen emanaldian
Sasoi onean dagoela erakutsiz, Bruce Springsteenek txundituta utzi zituen bart Anoeta bete zuten 40.000 zaleak. Kritika politikorako baliatu zuen emanaldia, eta, Trumpi aipamena eginez, batasuna aldarrikatu zuen autoritarismoen aurrean. Asteartean beste hainbat zale bilduko ditu Anoetan eskainiko duen bigarren kontzertuan.
Hunkituta jaso du Antton Valverdek Adarra Saria
Antton Valverde musikari donostiarrak jaso du aurtengo Adarra saria Eneko Goia alkatearen eskutik. Euskal kantagintzari egindako ekarpena aitortu diote. Saria musika sortzen jarraitzeko bultzada handia dela esan du sortzaile donostiarrak.
Bruce Springsteen Donostian da jada
Bart Frankfurten kontzertua eskaini ondoren, Springsteen eta bere talde osoa Hondarribiko aireportura iritsi dira bi charter hegalditan. Dozenaka lagun zituen zain Donostiako Maria Cristina Hoteleko atean, datozen egunetan bere kuartel nagusia izango den hotelean. Bossek bi kontzertu eskainiko ditu Anoeta estadioan. Lehenengoa larunbatean izango da, 38.000 jarraitzaileren aurrean, eta bigarrena, berriz, asteartean, ekainaren 24an.
50.000 musikazale espero ditu ateak ireki berri dituen Azkena Rock jaialdiak
Dinosaur Jr. estatubatuarrak izango dira osteguneko kartelburuak, eta The Damned britainiarren punka ere izango da entzungai. Ostiralean, John Fogerty eta bi urteren ostean Azkenara itzuliko den Lucinda Williams izango dira izen nagusiak. Johnny Rotten Sex Pistols taldeko abeslari ohiak indarra jarriko du. Larunbatean, Manic Street Preachers talde ezagunak, The Flaming Lipsen psikodeliak eta The Hellacopters suediarren 30. urteurrenak emango diote amaiera 23. edizioari.
Dena prest da Mendizabalan, Azkena Rock Festival hartzeko
Gaur hasiko da Gasteizko rock jaialdi beteranoaren 23. edizioa. Alfonso Santiago arduradunak esan digunez, "modan ez dagoen festibala" da Azkena Rock Festibal.
Akelarre musika taldea, pantailara
Bideografik durangar ekoiztetxea plaza taldearen 33 urteko historia biltzen duen dokumental bat grabatzen ari da. 2025eko udazkenean estreinatu nahi dute,
Dee Dee Bridgewater, Marc Ribot eta Bill Bruford sarituko dituzte Donostiako 60. Jazzaldian
Musika jaialdiak 88 kontzertu eskainiko ditu bederatzi egunean, horietatik 51 doakoak.