Pablo Martín Caminero, Merina Gris eta “Xorieri” Izaroren kantua saritu dituzte MIN sarietan
Carlos Aresek eta Valeria Castrok hiruna sari eraman dituzte musika independentearen Espainiako sarietan; Al cantek jazz álbum onenaren saria eraman du, Zuloak euskarazko disko onenarena eta Izaroren eta Baiucaren arteko lankidetzaren emaitzak ekoizpen onenaren saria, Alejandro Guillanen lanari esker.
MIN sarien irabazleen talde-argazkia. Argazkia: Efe.
Pablo Martín Caminero gasteiztar kontrabaxu-jotzaileak, Merina Gris pop elektronikoko hirukoteak eta Xorieri kantuak, Izarok eta Baiucak Oreka TXrekin batera Xorieri mintzo zen Mixel Labegueriren kantuari egindako egokitzapena, saritu dituzte bart Kordoban, musika independentearen Espainiako sarien hamazortzigarren edizioan.
MIN sariak 2009an sortu zituzten, “musikaren industriako enpresa txiki eta ertainek argitaratutako ekoizpenen kalitatea, talentu berriak, dibertsitate kulturala eta sormen artistikoa aitortzeko, eta musika independentearen sustapen nazionalerako eta nazioartekorako lanabes funtsezkoa dira”.
Hala, Al cante Pablo Martín Caminero gasteiztar kontrabaxu-jotzaile, ekoizle eta konpositoreak (Jorge Pardo, Chano Dominguez, Niño Josele, Rocío Molina, Enrike Solinis…) David Carpio xereztar kantaorearekin egindako diskoa jazz albumik onena izan dela ebatzi dute MIN sariok.
Horrez gain, Alejandro Guillán, Baiuca elektronika eta Galiziako folka uztartzen dituen proiektuaren atzeko gizona, hautatu dute ekoizpen onenaren atalean, “Xorieri” Izaro mallabiar musikariarekin batera egindako “Xorieri” kantuari esker.
Bestalde, euskarazko album onenaren Etxepare saria Zuloa Merina Grisen lanak eraman du, Ezezez eta Mirua taldeen zein Olaia Inziarteren eta Ruper Ordorikaren lanen aurretik.
Carlos Aresek (album, zuzeneko eta pop album onenak) eta Valeria Castrok (abesti, artista eta sustraietako album onenak) irabazi dituzte sari gehien Kordoban eman dituzten sarietan, eta sariak jaso dituzte, halaber, Sangijuelas del Guadianak (artista berri onena), Quique Gonzalezek (rock album eta jatorrizko hitz onenak), Pulpek (nazioarteko artista onena) eta Ana Currak (ohorezko saria).
Zure interesekoa izan daiteke
Dolly Parton hil da, country musikaren izar ospetsua
Abeslari eta konpositore estatubatuarra 80 urte zituela hil da. Azken hilabeteetan gaixorik ibili zen eta kontzertu batzuk bertan behera utzi zituen.
Zea Mays, Leire Martinez, Bebe, M-Clan... Aste Nagusiko kontzertu guztiak
Aste Nagusiak musikaz beteko du Bilbo aste osoan zehar, hiriko hainbat agertokitan banatutako kontzertu-programazio zabalarekin. Hauek dira jaietako musika-eskaintzaz gozatzeko emanaldi eta ordutegi nagusiak.
ETS taldeak dantzan jarriko du gaur Bilbo, Europa parkeko kontzertuen lehen gauean
Hitzordua 00:00etan da, Europa Parkean. Horrez gain, beste musika proposamen batzuk ere izango dira, besteak beste, Bilboko Udal Bandaren emanaldia, Serafin Zubirirekin batera, 23:30ean, Abandoibarran.
Leire Martinezek 13.000 lagun bildu ditu Abandoibarran, gau ahaztezin batean
Abeslari donostiarrak bere bakarkako ibilbidearen lehen lana aurkeztu du Aste Nagusian: “Historias de aquella niña”. Emozioz eta nostalgiarako tartez betetako kontzertua izan da, aro berri bati ekiteko.
Zea Maysek jendetza bildu du Abandoibarran rock doinuekin
Elektrizitatea abestiak jendea saltoka eta kantuan jarri du, gaueko unerik txalotuenetako batean. Kontzertuak Francis Diez Doctor Deseo taldeko abeslariaren parte-hartzea izan du, eta elkarrekin abestu dute Corazón de tango abestia.
ETSk Bilbon emango duen kontzertua abuztuaren 25era aurreratu dute, ikuskizunetako teknikarien greba dela eta
Hasiera batean abuztuaren 26rako aurreikusita zegoen En Tol Sarmiento taldearen kontzertua datorren asteartean izango da azkenean, taldeak eta Bilboko Udalak aldaketa adostu ostean.
Natxo de Felipe berriro oholtzara igo da Oskorrirekin argitaratu gabe geratu ziren abestiak berreskuratzeko
Natxo de Felipe musikari beteranoak abesti horiei hautsa kendu eta bizitza berri bat eman die "Abandonatuak" ikuskizunean, Arantzazuko Santutegian. Hitzordua Donostiako Musika Hamabostaldiaren programazioaren barruan txertatu da, eta EITBren parte-hartze eta babesarekin eraman da aurrera. Emanaldian, taldearen diskoetan sekula lekurik aurkitu ez zuten kantu horiek entzun ahal izan dira berriro, formatu berritu eta elektriko batean.
Juan Diego Florez tenor perutarraren emanaldia eta 9 ikuskizun Donostiako Musika Hamabostaldia abiatzeko
Gaur hasi eta abuztuaren 30era arte, 60 kontzertu baino gehiago izango dira Kursaalen, Victoria Eugenian eta Tabakaleran. Ikuskizun aipagarrien artean, "Arriaga harrigarria", Arriagaren heriotzaren bigarren mendeurrena gogoratuko duen kontzertua, eta Natxo de Felipek agertokietara egingo duen itzulera, Arantzazun izango den emanaldiarekin.
Zita bikoitza etxean
“Tantas cosas que contar” Amaia Montero abeslaria La Oreja de Van Gogh taldera itzuli izana ospatzen duen bira Donostiara iritsiko da asteburuan. Iluben, Donostia Arenan, dago jarrita hitzordua, ostiral-larunbatetarako.
Natxo de Felipe agertokietara itzuliko da "Abandonatuak" proiektu berriarekin
Oskorrik agur esan eta 11 urtera, Natxo de Felipe berriro igoko da agertokietara disko berri batekin: Abandonatuak. Argitaratu gabe geratu ziren talde mitikoaren kantuak berreskuratu ditu proiektu honetan, eta abuztuaren 20an zuzenean aurkeztuko du Arantzazuko Santutegian, Donostiako Musika Hamabostaldiaren programazioaren barruan. Philiperena taldearekin batera aritu da disko honetan, Xabier de Felipe, Przemysaw Pujanek, Esther Alba eta Karmele Castillorekin batera.