Etxebizitza babestuen % 30 errenta ertainentzat gordeko du Eusko Jaurlaritzak
Urtean 20.000 eta 46 000 euro bitarteko diru sarrerak dituzten bizikidetza unitateek etxebizitza babesturako sarbidea izango dute.
Babestutako etxebizitzak Gasteizen, artxiboko irudi batean.
Eusko Jaurlaritzak etxebizitza babestuen % 30 gordeko ditu errenta ertainentzat eta langileentzat, urtean 20.000 eta 46.000 euro bitarteko diru-sarrerak dituzten bizikidetza unitateentzat, alegia. Etxebide Etxebizitza Euskal Zerbitzua erreformatzeko arau berria izapidetzen hasi da ostegun honetan Etxebizitza Saila eta hori da aldaketa nagusietako bat.
Gaur goizean Bilbon egin den prentsaurrekoan Denis Itxaso Etxebizitza eta Hiri Agendaren sailburuak azpimarratu duenez, neurri horrekin bidea zabaldu nahi zaie "zentzu hertsian kalteberak izan gabe, merkatu librera jo ezin dutenei edo bizi-proiektu autonomoa eraiki ezin dutenei ere".
Edozein kasutan, diru-sarrera txikienak dituzten pertsonen eta familien babesa bermatuta, sistemaren erantzuteko ahalmena handitzea dela nabarmendu du Etxebizitza Sailak.
Beste berrikuntzetako bat da lehendik jabetzan etxebizitza bat duten bizikidetza unitateek etxebizitza babestua eskuratzeko aukera izango dutela, beti ere bizitokia familiaren beharretara jada egokitzen ez denean. Kasu horietan, aurreko etxebizitza entregatu, transmititu, laga edo eskura jarri beharko dute.
Ekimena herritarrei aldez aurreko kontsulta egiteko fasean dago gaurtik, testu arautzailea idatzi aurretik.
Antzinatasunari garrantzi handiagoa
Etxebide erregistroaren beraren funtzionamenduan aldaketak egingo ditu Eusko Jaurlaritzak, eta garrantzi handiagoa emango dio antzinatasunari.
Era berean, alokairuaren eta erosketaren modalitateen arteko lehentasun-aldaketak egiten dituztenek ez dituzte antzinatasunagatik pilatutako puntu guztiak automatikoki galduko, betiere modalitate berria gutxienez hiru urtez mantentzen badu.
Belaunaldien arteko apartamentu eredu berria
Dekretuak belaunaldien arteko apartamentu eredu berri bat garatzeko eta finkatzeko aukera ere emango du. Modelo horrek elkarrekin bizitzen jarriko ditu emantzipazio ibilbideei lotutako 36 urtetik beherako gazteak eta adineko autonomoak.
Gazteen kasuan, gutxienez lanbide arteko gutxieneko soldataren baliokidea izan beharko dute eta gehienez, 46.000 euro. Helburua emantzipazioa erraztea, aurreztea eta beste bizitoki baterako trantsizioa erraztea dira.
Adinekoei dagokienez, 70 urtetik 65 urtera jaitsiko da belaunaldien arteko apartamentu baterako sarbidea izateko gutxieneko adina. Gainera, pertsonak etxebizitza jabetzan duenean, etxebizitza hori Bizigune programari lagatzearekin lotu ahal izango da, modu horretan alokairu babestuaren eskaintza handitzen laguntzeko.
Zure interesekoa izan daiteke
Greban dauden teknikariek "ekintza" gehiago iragarri dituzte patronalak bere eskaerei erantzuten ez badie
Euskadiko ikuskizun eta ekitaldien sektoreko ehunka langilek lanuzteen jarraipen handia egin dute asteazken honetan Bilboko Aste Nagusian, eta ohartarazi dute ekintza berriak egingo dituztela patronalak ez badie jaramonik egiten euren aldarrikapenei. Elkarretaratzea egin dute Arriaga Antzokiko plazan, Teknikariok, ESK, LAB, UGT, CCOO, ELA eta CNT sindikatuek deituta. Bi urte eta erdi baino gehiago daramate lehen hitzarmena negoziatu nahian.
Beroak bultzatuta, 2005etik izan den mahats-bilketarik goiztiarrena hasi da
Abuztuaren 17an hasi ziren mahatsa biltzen Bizkaiko mahastietan. Aurtengoan, aurreko urteetan ez bezala, mildiu onddoak ez du kalterik eragin mahatsondoetan. Gauzak horrela, mahats-bilketa oparoa espero dute Bizkaiko Txakolina jatorri-deiturako upategietan, mordoak zein aleak handiak baitira.
CAFi esleitu diote Parisko eskualdean 15 tren-tranbia unitateren hornikuntza, 150 milioren truke
Hiriko kale eta plataformetan zein ohiko trenbidean zirkulatzeko diseinatutako 15 tren-tranbia hibridoak T13 linea handitzeko dira, eta Acheres herriraino luzatuko da linea.
Hipoteken kopuruak % 9,7 egin du gora EAEn, eta % 12,5, Nafarroan
EAEn etxebizitza erosteko 2.225 hipoteka erregistratu ziren ekainean, eta 514 Nafarroan. Nafarroa igoera handiena izan zuen seigarren erkidegoa izan zen, Estatuko batezbestekoaren (% 10,8) gainetik, eta EAE zazpigarren dago.
Greba eguna dute gaur ekitaldi eta ikuskizunetako teknikariek Bizkaian, lan-hitzarmen duina eskatzeko
Mobilizazio nagusia Arriaga plazan izango da; izan ere, elkarretaratzea egingo dute bertan, 17:00etan. Egunean zehar, Bilboko hainbat gunetan piketeak izango dira. "Hitzarmen duina" lortzeko egingo dute lanuztea, "prekarietatearekin amaitzeko".
Volkswagenek asteburuko txanda gehigarria jarriko du abian Nafarroako lantegian
Izen-emateak ireki dituzte berriro, baita lan-poltsa ere, asteartetik aurrera.
Arrigorriagako osasun-zentro berria 2030ean irekitzea aurreikusten du Osakidetzak
Gauzak ondo bidean, lanak 2028ko lehen hiruhilekoan hasiko dira, egungo zentrotik gertu dagoen lursail batean. Asmoa da espazio-gabeziak konpontzea eta zerbitzu berriak eskaintzea. Laguntza gaitasuna handituko du familia medikuntza, ama-haurren zaintza eta fisioterapia arloak biltzen dituzten instalazio modernoekin.
Euskadiko pentsioen batez besteko zenbatekoa % 4,1 hazi da, eta 1.648 eurotik gorakoa da orain
Pentsio-modalitate ohikoenak honako hauek izan dira: erretirokoak (398.600 pentsio eta 1.909,25 euro batez beste), alarguntzakoak (132.270 eta 1.170,41 euro) eta ezintasun iraunkorrekoak (43.031 eta 1.590,25 euro).
Zubietako erraustegiko langileek osasun bermeak eskatu dituzte, bederatzi langile intoxikatu baitira
Langileek garbitzaileen egungo akordioa ordezkatuko duen lan-esparru espezifiko bat eskatzen dute, eta erraustegiko azpiegituren segurtasun-falta salatzen dute
UAGAk Barredo sailburuaren dimisioa eskatu du bazkaren aferaz egindako adierazpenengatik
Nekazarien elkarteak Jaurlaritzaren "immobilismoa" salatu du, eta "sektoretik urrundu izana". Bestalde, ENHE sindikatuak lehorte egoera izendatzea eta "ezohiko laguntzak" eskatu ditu jasandako kaltea konpentsatzeko.