Jesus Loza: 'ETAko presoei bigarren aukera eman behar zaie'
Jesus Loza elkarbizitza eta memoriarako batzordea-ren arduradunak esan du Espainiako Gobernua eta Eusko Jaurlaritza elkarlanean ari direla "ETAko presoen gizarteratzea lortzeko ibilbide konpartitu bat adosteko", eta ibilbide-orri hori euskal alderdi politikoekin ere adostu behar dela azpimarratu du.
Radio Euskadin egindako elkarrizketa batean, "ezberdinen arteko elkarlana" babestu du, biktimen memoriari buruzko gaietan eta kartzela-politikaren alorrean.
Joan den urriaren 20an, ETAk indarkeria behin betiko utzi duela iragarri zuenean, "aro berri bat" hasi zela onartu behar dela esan du eta berak ordezkatzen duen batzordearen eginkizuna Jaurlaritzaren eta Espainiako Gobernuaren artean bitartekari lanak egitea izango dela azaldu du, besteak beste, "ETAko presoen gizarteratzea lortzeko".
"Gure erronkak elkarbizitza eraikitzea eta elkarbizitzaren aurka borroka egin dutenak berreskuratzea dira", adierazi du. Horrenbestez, "ETAko presoei bigarren aukera eman behar zaie eta demokraziara ekarri behar ditugu", erantsi du.
Lozak argi utzi nahi izan du ez dela amnistiarik izango eta neurri guztiak zuzenbide estatuaren baitan hartuko dituztela eta, kartzela-politika Espainiako Gobernuaren esku egon arren, Jaurlaritzak ere presoen "gizarteratzearen alde lan" egingo duela esan du.
Gauzak horrela, "bi administrazioen arteko elkarlanaren bitartez eta elkarrizketa luzeak eginda, ETAko presoen gizarteratzea ahalbidetuko duen ibilbide-orria adostea posible izango dela uste dut", adierazi du.
Horrez gain, elkarbizitza eta memoriarako batzordeak dituen egitasmoak zeintzuk diren aipatu ditu: terrorismoaren biktimei zuzendutako memoriala martxan jartzea, memoriaren eta elkarbizitzaren institutua sortzea eta terrorismoari zilegitasuna kentzeko eta balore demokratikoak sustatzeko plana prestatzea.
Elkarbizitzarako foroa
Bestalde, ETAren amaiera kudeatzeko foroaren inguruan Legebiltzarreko alderdien arteko adostasun ezaren harira, Lozak esan du agerian geratu dela "akordioa lortzea zaila" dela, baina hilaren 30ean Gasteizko Ganberan egingo den bilkuran "akordio zabala" izango dela ziur agertu da, "adostasunetara heltzeko borondatea egon badagoelako".
Gainera, bere iritzian, hitzarmen hori "Kongresuan lortutakoa baino garrantzitsuagoa izango da".
Zure interesekoa izan daiteke
Pradales lehendakariak gazteak indarkeria baztertzearen garrantziaz jabetzearen beharra azpimarratu du
Imanol Pradales lehendakariak Euskadiko terrorismoaren eta legez kanpoko poliziaren indarkeriaren "garai ilunak" ezagutu ez zituzten gazteei adierazi nahi izan die indarkeriak ez duela "lekurik gure gizartean", eta "sufrimendu amaigabea" baino ez duela ekartzen. Pradales izan da buru Memoriaren Euskal Institutuak, Gogora Institutuak, Memoriaren Eguna dela eta antolatu duen ekitaldian.
Indarkeriak ez duela lekurik gazteei transmititzeko beharra nabarmendu du Pradales lehendakariak
Memoriaren Egunaren harira Gogora Institutuak antolatutako ekitaldian, "akatsak ez errepikatzeko" iraganetik ikasi behar dela azpimarratu du lehendakariak. Halaber, ohartarazi du demokrazia eta giza eskubideak ez daudela ziurtatuta.
Rosa Zarra Poliziaren ekintzaren biktima izan zela aitortu izana baliogabetzeko eskatu du Esanek
"Ekintza hau irain onartezina da ertzainentzat, egiaren aurkako iraina eta iraganeko manipulazio politikoa, euskal polizia kriminalizatzeko eta justiziak duela hamarkada batzuk itxi zituen zauriak berriz irekitzeko helburu bakarrarekin", dio Esanek.
Lore eskaintza, Eusko Legebiltzarrean, Memoriaren Eguna ospatzeko
EAJko, EH Bilduko, PSE-EEko eta Sumarreko legebiltzarkideek lore eskaintza egin dute biktimei eskainitako "Gauerdiko Iparrorratza" eskulturaren aurrean. PPk eta Voxek ez dute parte hartu, horrelako ekintzek biktima mota eta indarkeria mota desberdinak "nahasten" dituztelako. Lore eskaintzaren ostean, Etxeratek salbuespen politikek eragindako biktimak omentzeko egin duten bilkuran parte hartu dute EH Bilduko legebiltzarkideek.
Perez Iglesiasek "arrazionaltasun" falta ikusten du EHUren eskaeretan, eta zalantzan jartzen du "adostasunerako tartea" dagoenik, "hain maximalistak" izanda
Eusko Jaurlaritzako Zientzia, Unibertsitate eta Berrikuntza sailburu Juan Ignacio Perez Iglesias EHUko errektore Joxerramon Bengoetxearekin izango duen bilerara joango da, "guztiaz hitz egiteko", esan duenez, eta, bere ustez, EHUren eskarietan falta den "arrazionaltasuna sartzeko" asmoz, "zenbatekoari, prozedurei eta epeei" dagokienez. Hala ere, onartu du kezkatuta dagoela "zein den benetan akordioak" lortu ahal izateko "marjina" hain "planteamendu maximalistarekin". Bengoetxeak euskal unibertsitate publikoaren finantzaketari buruz egindako adierazpenak direla eta, azken egunotan EHUko errektorearekin izandako desadostasunen ondoren, sailburuak azaldu du, Radio Euskadiri eskainitako elkarrizketa batean, "askotan" komunikatu direla biak, eta "tonua murrizteko beharra" aipatu dutela. Jatorrizko adierazpenak, gaztelaniaz.
Albiste izango dira: Memoriaren eguna, COP30 goi bilera Brasilen eta azaroaren 25eko kanpainaren aurkezpena
Gaurkoan Orain-en albiste izango direnen laburpena, bi hitzetan.
Aste erabakigarria eskualdatzeko dauden transferentziak ixteko
Eusko Jaurlaritzak eta Espainiako Gobernuak bilerak egingo dituzte asteartean eta asteazkenean, eskualdatzeko dauden eskumenei buruz lan egiteko. Maria Ubarretxenak nahi du urrian aurkeztutako hamar proposamenei lehen erantzuna ematea eta urtea amaitu baino lehen eskualdaketak bizkortzea.
Memoriaren Eguna ospatuko da gaur, eta Eusko Legebiltzarrean eta euskal hiriburuetan ekitaldi instituzionalak egingo dira
Memoriaren Eguna ospatuko da gaur, eta hainbat ekitaldi instituzional eigingo dira terrorismoaren eta indarkeriaren biktimak oroitzeko. Eusko Legebiltzarrak omenaldiarekin irekiko du jardunaldia, 10:00etan, eta, ondoren, Eusko Jaurlaritzak eta Gogora Institutuak ekitaldi nagusia antolatu dute Gasteizen, eguerdian.
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.