Ibarrola eta Garcia Adanero Iruñeko zinegotzien dimisioa eskatu dute, "diskurtso xenofoboak" egiteagatik
EH Bildu, Geroa Bai eta Contigo-Zurekin taldeek egindako dimisio eskaera babestuko du PSNk. Sexu-eraso bat leporatzen zitzaien gizonen eta Udal Gobernuaren aurka, "kontrastatu gabe eta zorroztasunik gabe, gezurrak eta faltsukeriak" zabaltzea leporatu diete Ibarrolari eta Garcia Adanerori.
EH Bildu, Geroa Bai eta Contigo-Zurekin udal taldeek Cristina Ibarrola (UPN) eta Carlos Garcia Adanero (PP) zinegotzien dimisioa eskatu dute, urriaren 23an Iruñean izandako sexu-erasoaren karietara egindako "diskurtso xenofoboengatik".
Udaltzaingoak lau pertsona atxilotu zituen gertakarietan ustez parte hartzeagatik, baina Iruñeko Emakumeen aurkako Indarkeriaren arloko 1 zenbakiko Epaitegiko titularrak aske utzi ditu aste honetan, DNA probak haien profil genetikoarekin bat ez datozela egiaztatu ondoren.
Joseba Aseniron Iruñeko alkateak agerraldi bat eskaini du komunikabideen aurrean, Txema Mauleon Gizarte Ekintzako zinegotzi delegatuarekin, Mikel Armendariz Sustapen Ekonomikoko, Europako Sustapeneko, Berrikuntzako, Gazteriako eta Garapenerako Lankidetzako zinegotzi delegatuarekin eta Zaloa Basabe Berdintasun, Gizarte Ekintza, Auzo eta Kultura Aniztasuneko zinegotzi delegatuarekin batera.
Alkatearen ustez, "hasierako arduragabekeria hori -kontrastatu gabeko filtrazioei sinesgarritasuna ematea eta gobernu talde honi erasotzeko erabiltzea- larriagotu egin zen hurrengo asteetan behin eta berriz errepikatu zutelako"."Gobernu talde honen eta atxilotuen aurka egindako akusazioak gezurren eta faltsukerien segida izan ziren, zorroztasunik, kontrasterik eta lotsarik gabe zabaldutakoak".
Ibarrolak eta Garcia Adanerok erakutsitako jarrerak "ez dira bateragarriak hiri honetako alkatetza lortu nahi duen norbaitekin", eta, beraz, bien dimisioa eskatuko dute hurrengo osoko bilkuran.
Iruñeko PSNk babestu egin du Udaleko gobernu taldeak erantzukizun politikoak eskatzeko hartu duen erabakia. Marina Curiel bozeramaileak azpimarratu duenez, horrelako kasu batean, "lehentasuna biktimaren babesa, zorroztasun informatiboa eta errespetu instituzionala izan behar dira beti, eta ez interesatutako etekin politikoa bilatzea".
Aipatutako bi zinegotziek arbuiatu egin dute Udal Gobernuaren eskaria. Cristina Ibarrola UPNko bozeramailearen esanetan, "ezin da politikan Asiron baino beherago erori". Horrez gainera, festa hartan zeuden "milaka gazteren segurtasuna ez bermatzea" leporatu dio.
Bien bitartean, Garcia Adanero PPko bozeramailearentzat, "Asiron eta bere taldea ez daude inoren dimisioa eskatzeko moduan, nortzuk diren kontuan hartuta". "Milaka gazte biltzea aurreikusita zegoen inguru batean legez kanpoko asentamendu bat ahalbidetzea arduragabekeria" izan zela uste dutela berretsi du.
Zure interesekoa izan daiteke
Rufian: "Zer zentzu du gauza bera defendatzen duten ezkerreko 14 alderdik elkarren artean lehiatzeak?"
'Oraina borrokatu, etorkizuna irabazteko' goiburupean, ERCko buruzagiak antolatutako ekitaldian Estatu espainiarreko ezkerreko alderdi guztiek hartu dute parte, EH Bilduk, Podemosek eta BNGk izan ezik.
Sanchezek dio "irmo" jokatu dutela Polizia Nazionalaren bigarrenaren aurkako salaketaren berri izan ostean, eta ez du uste Marlaskak dimisioa eman behar duenik
New Delhin egindako prentsaurreko batean, Espainiako Gobernuko presidenteak esan du hasiera-hasieratik "biktimari" babesa eman diotela eta Jose Angel Gonzalez bere postutik kendu dutela. "Eta, hortik aurrera, ikerketa amaieraraino eramango da, ondorio guztiekin", gaineratu du.
Aburtok amaitutzat eman du Aitor Estebanekin izandako desadostasuna, eta atxilotuen jatorria argitaratu gabe jarraituko du
Bilboko alkateak Segurtasunaren aldeko Itunarekin lotu du bere erabakia, PSErekin, EH Bildurekin eta Elkarrekin Bilbaorekin sinatua.
Marlaskak esan du salatzaileak eskatuz gero emango duela dimisioa
Barne ministroak ez du aintzat hartu PPren dimisio eskaera, eta defendatu egin du Polizia Nazionalaren bigarrenaren aurkako kereilaren aurrean izan duen jarrera.
Denis Itxasok bideratutzat jo ditu Pradales lehendakariarekin izandako desadostasunak
Eusko Jaurlaritzako Etxebizitza eta Hiri Agenda sailburuak adierazi du desadostasunak bideratuta daudela, baina lehendakariak eta biek hitz egin beharra dutela oraindik, eta aste honetan bilduko direla. Bide batez, Aitor Esteban EAJko EBBren bururari gogorarazi dio arazoa konpontzear dagoela eta presio egiteak ez duela mesederik egiten. Donostian azken urteotan etxebizitza babestuarekin izan den arazoaz ere mintzatu da Euskadi Irratian.
Polizia Nazionalaren operazio-buruak dimisioa eman du, agente batek bortxatu zuela salatu ondoren
Haren mendeko polizia batek Barne Ministerioaren etxebizitza ofizial batean bortxatu izana leporatzen dio; sexu-erasoaz gain, hertsapenak, lesio psikikoak eta ondasun publikoak bidegabe erabiltzea egozten diote.
Espazio publikoetan burka eta niqab-a debekatzeko Voxen proposamena atzera bota du Kongresuak
PPk eta UPNk soilik babestu dute eskuin muturreko alderdiaren proposamena. Juntsek kontra bozkatu du, baina bere lege-proposamena erregistratu du, debekuaren eskariari eusteko. EAJk, berriz, gaia lantzea beharrezkoa ikusten du, eta horretarako azpibatzorde bat sortzea proposatu du.
UCO unitateko agenteek ez dituzte galderak erantzun Nafarroako Parlamentuko ikerketa batzordean, Auzitegi Gorenak hala aginduta
Santos Cerdan, Jose Luis Abalos eta Koldo Garcia auzipetzea eragin duen auziari sekretua kendu diotela azaldu du UCO unitateko agenteetako batek, Adolfo Araiz EH Bilduren bozeramaileak egindako galderaren harira.
Kongresura iritsi da burka eta niqab-a debekatzeko asmoa: PP eta Vox alde daude, baina Juntsek kontra bozkatuko du
Kataluniako alderdiak iragarri du lege proiektu propioa aurkeztuko duela espazio publikoetan belo integrala erabiltzea debekatzeko.
Eneko Andueza: "Ez ditut Estebanen adierazpenak ulertzen, Pradalesek eta Itxasok dena konpondu ostean"
Eneko Andueza PSE-EEko idazkari nagusiak "Egun on Euskadi" saioan adierazi duenez, Denis Itxaso sailburuak Imanol Pradales lehendakaria kritikatzean "marra gorria gurutzatu" zuela esanez Aitor Estebanek egindako adierazpenek, ez dute ezer onik ekartzen.