UPNk Athletici ohartarazi dio auzitara joko duela, elastikoetatik Euskal Herriko mapa kendu ezean
"Nafarroa ez da Euskal Autonomia Erkidegoko beste probintzia bat" aldarrikatu du sare sozialetan Cristina Ibarrola UPNko presidenteak, eta futbol federazioko presidenteari eta Chivite presidenteari zuzendu zaie auzian esku hartu dezaten eskatzeko. Nafarroako Gobernuaren iritzian, ordea, "Athleticek ez ditu Nafarroako sinboloak arriskuan jarri".
Athletic Club Bilboko futbol taldeak aurkeztu berri duen elastiko berrian agertzen diren Euskal Herriko mapak eta ikurrinak Union del Pueblo Navarro (UPN) alderdi politikoa asaldatu dute. UPNko presidente Cristina Ibarrolak eskutitza bidali die Jon Uriarte Athleticeko presidenteari, Rafael Louzan Espainiako Futbol Federazioko presidenteari eta Maria Chivite Nafarroako presidenteari, "Bilboko taldearen elastiko berria galaraztea eskatzeko".
Elastikoak Euskal Herriko mapa txiki bat eta ikurrina ditu bizkarraren goialdean.
UPNk sare sozialetan ohartarazi duenez, auzitara joko du, Athleticek mapa eta ikurrina kentzen ez baditu.
Ibarrolaren iritziz, iruditeria grafiko hori "ez da apaingarri edo kirol elementu hutsa". Mapak eta ikurrinak "izaera politiko, identitario eta instituzionaleko mezu eztabaidagarria" jasotzen dutela dio, eta Nafarroa "bere esparru juridiko, administratibo, instituzional eta politikotik kanpoko errealitate politiko baten barruan" sartzen duela.
Espainiako Futbol Federazioko presidenteari bidalitako gutunean, UPNko presidenteak gogorarazi du eslogan, mezu, irudi eta publizitatearen arauak zehazten dituen "IFABen (International Football Association Board) 4.5 arauak ezartzen duela ekipamenduak ez duela eduki behar izaera politiko, erlijioso edo pertsonaleko eslogan, mezu edo irudirik", eta zigorrak jasotzen dituela arau hausteak egiten dituen jokalariarentzat edo klubarentzat.
Azkenik, Athleticen elastikoa "Nafarroako gizartearen gehiengoari egindako irain larria" dela esan du UPNk, eta Maria Chivite presidenteari eskatu dio "zuzenbidearekin bat datozen ekintza guztiak has ditzala, nazioartean proiekzioa duen Athletic Club bezalako erakunde batek Nafarroako errealitate politiko, administratibo, juridiko eta instituzionala errespeta dezan". "Berehala" esku hartzeko eskatu dio.
PPk eta Voxek ere kexak plazaratu dituzte
Javier Garcia Nafarroako PPko presidentearen esanetan, Athleticen elastikoa "Nafarroarekiko irain onartezina" da, eta "ostikoa" ematen die foru erkidegoaren "ikur ofizialei eta nortasun propio eta bereiziari". Ohar batean adierazi duenez, Nafarroa "kanpoko identitate kontakizun baten barruan sartu nahi izatea eraso zuzena da". Futbol taldeak "oso lerro arriskutsua zeharkatu" duela esan du.
Bestalde, Voxek bere kexa helarazi die erakundeei. Batetik, mapa hori kentzea eskatzeko adierazpen proposamen bat erregistratu du Nafarroako Parlamentuan, eta, bestetik, Ligari eta Kirol Kontseilu Gorenari (CSD) eta Espainiako Futbol Federazioari (RFEF) eskatu die esku hartu dezatela Euskal Herriko mapa Athleticen kamisetatik kentzeko. Voxek "kirolaren politizazioa" eta Nafarroako "foru identitatearen" aurkako erasoa salatu ditu.
Nafarroako Gobernua ez da auzian sartuko
Nafarroako Gobernuak adierazi du ez dagokiola, kasu honetan, jarrera hartzea. Javier Remirez Gobernuko lehen presidenteorde eta bozeramaileak sare sozialetan zabaldu duen mezuaren arabera, "Athleticek ez ditu Nafarroako ikur ofizialak arriskuan jarri edo gaizki erabili".
Horren esanetan, Nafarroako sinboloei buruzko otsailaren 27ko 4/2020 Foru Legeak eta LORAFNA legeak argi uzten dute hiru direla Nafarroako sinbolo esklusiboak (bandera, armarria eta ereserkia), eta babes juridikoa horietara mugatzen da.
Amaitzeko, argi utzi nahi izan du, "erakunde pribatu batek ikur ez-ofizialak erabiltzeari dagokionez", ez dagokiola Nafarroako Gobernuari auzian sartzea.
Ansolak (EAJ) bere elkartasuna adierazi dio Athletici
Iñigo Ansola Bizkai Buru Batzarreko presidenteak erabateko elkartasuna agertu dio Athletici, eta esan du gehiago direla zazpi euskal lurraldeak batzen dituzten gauzak bereizten dituztenak baino: "Batzen gaituen gauzak banatzen gaituenak baino askoz gehiago dira. Ez dogu gure kultura bananduko dauan diskurtsorik nahi".
Zure interesekoa izan daiteke
Espainiak laguntza eskatu die Frontex eta Europoli Ceutan egoera irregularrean dauden migratzaileen triajerako
Bestalde, Elma Saiz Inklusio, Gizarte Segurantza eta Migrazio ministroak iragarri du 44,5 milioi eurora handitu dutela arreta humanitariorako laguntza.
Espainiako Gobernuak Ceutako krisian egindako kudeaketa “ezin okerragoa” kritikatu du Estebanek
Urte politiko berriari hasiera emateko EAJk Zarautzen egin duen ekitaldian, hurrengo hauteskunde zikloan jarri du arreta Aitor Estebanek. Euskadirentzat eskumen gehiago eskatu ditu, eta "nazioa eraikitzea ongizatea eraikitzea" dela aldarrikatu du.
Sarek eta Bilboko konpartsek manifestazioa egin dute euskal presoen alde, eta azkena izatea espero dute
Ehunka pertsonak euskal presoen aldeko manifestazioa egin dute ostiral honetan Bilbon, Aste Nagusiko egun handian, eta espetxe-legedi arrunta aplikatzeko eskatu dute. Sarek gogorarazi du bere aldarrikapenen defentsan egutegian "gorriz markatutako hitzordu bat" dagoela, urtarrilaren 9an Bilbon urtero deitzen duen martxarena, eta azpimarratu du bere ibilbidearen amaiera gisa azkena izatea espero duela.
Ceutan indarkeria eteteko eskatu du Marlaskak, eta 35 milioi euro iragarri ditu mugako kai-muturrak luzatzeko
Barne ministroak Ceutan indarkeria bertan behera uzteko deia egin du, eta 35,6 milioi euro inbertitzeko Europako finantziazioa eskatu duela iragarri du, besteak beste, El Tarajal eta Benzuko mugako kai-muturrak luzatzeko.
Melgosak "ikuspegi zabala" eskatu du migrazio-krisiaren aurrean, eta Euskadik iparraldeko muga gisa duen papera aldarrikatu du
Ongizate, Gazteria eta Erronka Demografikoko sailburuak Estatuari eta Europar Batasunari migrazio-krisi baten aurrean duten erantzukizuna onartzeko eskatu die. Horren ustez, krisi horrek dimentsio geopolitikoa du. Melgosak jakinarazi du datorren astean, irailaren 3an, Elma Saiz ministroarekin bilduko dela, eta Euskadik migrazio-eskumen handiagoak izatea defendatuko duela, baita iparraldeko muga gisa duen eginkizuna aitortzeko beharra ere. Ildo horretatik, saturazio-egoera gehiago ez izateko akordioak eta aliantzak eskatu ditu.
Bolañosek ziurtatu du ez dagoela zantzurik Marokok Ceutan pertsonen sarrera masiboa bultzatu zuela esateko
Felix Bolaños Espainiako Presidentzia ministroak ostegun honetan Diputatuen Kongresuan egin duen agerraldian adierazi du Espainiako Gobernuak ez zekiela uztailaren 30ean eta 31n Ceutara sartuko ziren berri.
Urtebete eta 3 hilabeteko espetxe zigorra, Twiterren ETA goratzeagatik
Epaiketan auzipetuak onartu du Twitter erabili zuela ETA goratzeko. Besteak beste, Carrero Blancoren hilketagatik 'iseka egin' zuela aitortu du; 'lehen astronauta espainiarra' zela txiokatu zuen.
Pradales, Ceutako krisi humanitarioaz: "Hain zaila al da Gobernuko presidenteak eta Feijook telefonoa altxatzea gutxieneko batzuk adosteko?"
Lehendakariaren arabera Ceutako krisiaren aurrean bide bakarra egon beharko litzateke: modu eraginkor eta gizatiarrean erantzutea. Hau da, “garden, bat eginda, lankidetzan eta azkar jardutea”.
Ceutara 25 milioi euro bideratzea onartu dute Espainiako Gobernuak eta erkidegoek, Voxen babesik gabe
Neurria bileran egon diren autonomia erkidegoen boto guztiekin (aho batez) atera da aurrera. Gaztela eta Leon, Aragoi eta Extremadura —Haurtzaro konpetentziak Voxek dituen erkidegoak— ez dira bileran izan.
Lehendakariak alderdiak eta eragile sozioekonomikoak biltzera deituko ditu irailean, ekonomiaz, autogobernuaz eta etxebizitzaz aritzeko
Bilera-sortaren helburua, 2024an egindakoaren antzera, legegintzaldiaren bigarren zatiari "elkarrizketatik ezberdinen arteko akordioak bilatzeari" ekitea da. Bestalde, Ceutako krisi humanitario eta politikoan izandako lankidetza falta deitoratu du lehendakariak.