Bake eta bizikidetza lantaldea lehen aldiz batzartu da
Eusko Legebiltzarreko bake eta bizikidetza lantaldeak lehen bilera egin du, astelehenean jaio eta gero. Lehen saioak kutsu teknikoa izan du, eta, bertan, Joseba Egibar (EAJ), Jose Antonio Pastor (PSE-EE), Anton Damborenea (PP), Aintzane Ezenarro eta Mikel Arana (EB) lantaldeko kide iraunkorrek plangintza eta egutegia adostu dituzte. Helburua astean behin biltzea da.
Maiatza bukatu arte, lantaldeak ordezkaritza instituzionala duten erakunde, alderdi eta koalizioen (tartean Bildu) zein Giza Eskubideen Foroaren kide diren elkarteen ekarpenak jasoko ditu. ''Ekarpen eta iradokizun'' horiek idatziz igorri beharko dituzte.
'Gizarte-adiskidetzea'' izango du lantaldeak ardatz nagusi, eta iragana, oraina eta etorkizuna hartuko ditu oinarri, Eusko Legebiltzarrak azaldu duenez. Iraganari dagokionez, hainbat politika aztertuko ditu, tartean memoria, egia, justizia eta biktimei ordaintzea eta horiek aintzat hartzea. Orainari begira, humanizazio-politikak landuko ditu, elkarbizitzarako kultura berri bat bultzatuko du eta espetxeetako arloari ekingo dio. Azkenik, geroari dagokionez, gizarte, hezkuntza eta politika eremuetako prebentzio-jarduerei buruzko ekintzak aztertuko ditu.
Ezker abertzalearen hutsunea eta Aralarren zatiketa
Lantaldearen jaiotza ezker abertzalearen hutsuneak eta Aralarreko barne zatiketak baldintzatuta etorri da.
Azkenean, ezker abertzalea ez da izango lantaldeko kide iraunkorra, eta gonbidatu gisa baino ezingo luke parte hartu, talde parlamentarioak hala erabakiko balute. Nolanahi ere, ezker abertzaleak uko egin dio gonbidatu gisa baino ez parte hartzeari.
Aralar ezker abertzalerik gabeko lantaldearen aurka agertu zen eta, beraz, kontra bozkatzeko agindu zien bere legebiltzarkideei. Lauetako hiruk, baina, agindua urratu eta alde bozkatu zuten. Aintzane Ezenarro lantaldeko kide iraunkorra da, baina Aralarreko zuzendaritza erabaki horretatik aldendu da, eta alderdiak, berez, ez duela parte hartzen ohartarazi du.
Jesus Loza Eusko Jaurlaritzaren bizikidetzarako ordezkariak dagoeneko eskatu du lantaldean agerraldia egitea.
Zure interesekoa izan daiteke
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.
Euskararen aurkako "oldarraldia marra gorri guztiak gainditzen" ari dela salatu du EH Bilduk
Euskalgintzaren Kontseiluak larunbat honetarako Bilbao Arenan antolatu duen ekitaldian parte hartzeko deia egin du koalizio subiranistak, "euskaltzaleen indar eta batasun erakustaldiarekin" bat egiteko.
Jon Insausti: "Politika ez da pankartetatik edo sare sozialetatik egiten"
Urriaren 29an hartu zuen Gipuzkoako hiriburuko aginte-makila, Eneko Goiak uko egin ostean, baina dio ez duela "minutu bat ere" galdu.
Ibarrola eta Garcia Adanero Iruñeko zinegotzien dimisioa eskatu dute, "diskurtso xenofoboak" egiteagatik
EH Bildu, Geroa Bai eta Contigo-Zurekin taldeek egindako dimisio eskaera babestuko du PSNk. Sexu-eraso bat leporatzen zitzaien gizonen eta Udal Gobernuaren aurka, "kontrastatu gabe eta zorroztasunik gabe, gezurrak eta faltsukeriak" zabaltzea leporatu diete Ibarrolari eta Garcia Adanerori.
Eusko Legebiltzarrak "eztabaidak errespetuz" egiteko deia egin du, De Andresi aipamen berezirik egin gabe
PPko presidenteak EH Bilduren "sarraskia" etorriko zela esan ondoren, koalizio abertzaleak babesa eskatu zion Legebiltzarreko Mahaiari baina honek ez dio zigorrik ezarri De Andresi.