Falangearen ekitaldia debekatu ez izana ulertezina da Azkunarentzat
Iñaki Azkuna Bilboko alkatearen (EAJ) iritziz ulertezina da Falangearen ekitaldiari baimena ematea "demokrazia gutxiko alderdia dela erakutsi duenean", eta euren presentziak Bilbon "istiluak eragingo zituela jakina zenean".
Azkunak onartu du legearekin bat egin dela, baina baimenak ez duela "elkarbizitzan lagundu" gaineratu du. "Nahikoa eroak ditugu hemen, Madriletik hiru autobus bidaltzeko!", adierazi du.
Atzo, Bilboko erdigunean gertaturiko istiluen inguruan hitz egin du Azkunak. Bertan, 15 lagun atxilotu zituzten, kalte materialak egon ziren eta Ertzaintzak kargatu egin zuen.
"Baimena eman dienak, legea aintzat hartu du, baina elkarbizitzari ez dio garrantzirik eman, eta ez gaitu batere lagundu, ez guri ezta egunero gu bisitatzera datozenei ere", esan du.
"Ez dut ulertzen nola estatu demokratiko batean demokrazia gutxi erakutsi duen alderdi bati Bilbora etortzeko baimena ematen zaion", azpimarratu du.
Azkunak ez du aipatu debekua zein erakunderen esku egon beharko litzakeen, hau da, Herrizaingo sailaren eta Bilboko guardiako epaitegiaren zeregina zen. Azken honetan, ekitaldia debekatzeko salaketa jarri zuen hilaren 9an Lau Haizetara Gogoan elkarteak.
Horren iritziz, muturreko eskuindarren elkarretaratzeak EAEko hauteskundeen "egunerokoa" aztoratuko luke eta debekatzeko eskatu zuen. Gaur bertan, "Espainiako Falangearen presentzia eta naziak Euskal Herrira etortzea ahalbidetzeagatik" ardurak eskatu ditu elkarteak.
Bildu: 'Karga polizial bortitzak'
Bestalde, Aitziber Ibaibarriaga Bilboko Udaleko Bilduko zinegotziak Ertzaintzak ostiral honetan egindako "karga bortitzak" salatu ditu, "Madriletik etorritako faxistei alfonbra gorria jarri ahal izateko". "Erakunde publikoek erabaki sendoa hartuko balute, atzoko egoera tamalgarria saihestuko lukete", azpimarratu du.
Ibaibarriagak Batzorde Elektoralak eta Eusko Jaurlaritzako Herrizaingo Sailak izandako jarrera salatu du, "faxismoa goratzen eta Euskal Herria umiliatzen duen ekitaldi bati baimena emateagatik". "Hasieratik deialdia galarazi beharko zuketen", azpimarratu du, "bazekitelako armakin gu mehatxatzera etortzekoak zirela".
Zure interesekoa izan daiteke
Sanchez talde parlamentarioekin bilduko da astelehenetik aurrera Espainiak Ukrainan izan behar duen zeregina aztertzeko
Boluntarioen Koalizioa Parisen bildu da, Ukrainan su-etena lortzean eta gerra amaitzean egin beharrekoaz hitz egiteko. Espainiako Gobernuko presidenteak, gainera, Ukrainan soldadu espainiarrek "bake misio" batean parte hartzeko aukerari atea ireki dio.
Lehendakariak Galesekin eta Fukushimarekin aliantza estrategikoen sarea indartuz hasiko du 2026a
Imanol Pradalesek Galesekin eta Fukushimarekin dituen Elkar Ulertzeko Memorandumak berrituko ditu datozen egunotan Ajuria Enean, nazioarteko diplomaziak markatutako aste batean.
Maduroren aurkakoen poza, atxiloketa ospatzean, Bilbon
Euskadin, Venezuelako komunitatea bereziki ugaria da Bizkaian, eta gaur arratsaldean Nicolas Maduroren atxiloketa ospatzeko elkarretaratzea egin dute Bilboko udaletxearen aurrean. EAJko eta PPko kideak ere bertan izan dira.
Venezuelari egindako "eraso inperialista" salatu dute ehunka lagunek Hego Euskal Herriko hiriburuetan
Hainbat eragile politiko, sindikal eta sozialek osatzen duten Hegoak plataforma internazionalistak deitu ditu elkarretaratzeak "Eraso inperialistarik ez. Venezuelak burujabetza. Herriarekin bat! "lelopean. EH Bildu Podemos eta IUNen babesa izan dute.
EH Bilduk "nazioarteko zuzenbidea suntsitzea" eta "Europako hauteskundeetan parte hartu nahi izatea" leporatu dio Trumpi
“Trumpek hasiera eman dio bere plan inperialistari, eskuin-muturrari eta boteretsuei mesede egiteko helburuarekin”, esan du Igor Zulaikak, EH Bilduren Nazioarteko Politika eta Harremanetarako arduradunak. “Bakearen, demokraziaren eta autodeterminazio eskubidearen alde elkartu gara”, gaineratu du.
Sanchezek legegintzaldia amaitzeko konpromisoa berretsi dio militantziari, eta "ausardia eta irmotasuna" eskatu ditu
Espainiako Gobernuko presidenteak "irmo" gaitzetsi du AEBk Venezuelaren aurka egindako erasoa, eta nazioarteko zuzenbidearen defentsa berretsi du.
Venezuelaren aldeko elkarretaratzeak deitu dituzte Hego Euskal Herrian
Deialdia sare sozialen bidez zabaldu dute. Igande honetan egingo dituzte protestak, 12:30ean, Donostiako Boulevardean, Venezuelak Bilbon duen kontsulatuaren aurrean eta Iruñeko Udaletxe plazan. Ordu erdi geroago, Gasteizko Andre Maria Zuriaren plazan elkartuko dira. Besteak beste, EH Bilduk parte hartuko du bilkura horietan.
Sarek datorren larunbatean Bilboko kaleak betetzeko deia egin du, salbuespenezko politiken amaiera eskatzeko
Datorren larunbatean, hilak 10, ETAko presoen "eskubideen urraketen amaiera eskatzeko" urtero egiten duen mobilizazioan parte hartzeko dei egin dio Sare herritar sareak euskal jendarteari. Manifestazioa "jai giroan" egingo dela eta Alde Zaharrean jarduerak izango direla iragarri dute. Hainbat pertsona ezagunek eramango dute pankarta, Francis Diez abeslaria izango da tartean, eta, besteak beste, Pantxoa eta Peio arituko dira amaierako ekitaldian.
Valentziako goialdeko depresioaren egunean Mazonekin izandako mezu guztiak epaileari bidali dizkio Feijook
Urriaren 29an Mazoni bidalitako "mezu guztiak" igorri dizkiola esan dio PPko buruak epaileari, argi utzita ez dutela "txat horretako mezurik ezabatu". Halaber, Generalitateko presidente ohiaren mezuak eta erantzunak irakur daitezke ere bai.
Urtarrilaren 10ean egingo du EH Bilduk Batzar Nagusia, "Elkarrizketa Nazionalaren" balantzea egiteko
Koalizioaren ustez, 2026 urtea euskal politikagintzan gakoa izango da, eta "lokatzetan dabiltzanen" aurrean egindako lan "konprometitu eta leiala" aldarrikatu du.