Aurrekonturik gabe bada ere gobernatzeko eskatu dio Azkunak Urkulluri
Aurrekonturik gabe bada ere, gobernatzeko eskatu dio gaur Iñaki Azkuna Bilboko alkateak Iñigo Urkullu lehendakariari. Bestalde, aurrekontuen eztabaidan oposizioko alderdiek azaldutako "erantzukizun eskasa" salatu du Azkunak.
Azkunak agerraldia egin du lehendakariarekin arratsaldean, Lehendakaritzan, bildu ostean. Lehendakaria egoera politikoa eta ekonomikoa aztertzeko bilera sorta egiten ari da.
Bilboko alkateak bilera "oso atsegina" izan dela esan du. Bilboko Udalean alkate gisa aurreneko lau urteetan hartu zuen eskarmentua azaldu dio Azkunak lehendakariari; izan ere, agintaldia aurrekonturik gabe bete zuen. Aurrekontu barik gobernatzea posible da, baina "makina bat egur" jaso zuen, alkatearen ahotan.
Lehendakariak Bilboko alkatea hartu du Lehendakaritzan. Argazkia: EFE
"Herri honek agintea behar du, aurrekontuarekin askoz hobe, aurrekonturik gabe okerrago, baina gobernatu behar da, nire iritzia da", esan du. Sindikatuak eta alderdi politikoak "itsu baldin badaude, eta lehendakariari sorbalda ematen badiote", Urkulluk "duenarekin" gobernatu beharko duela adierazi du Bilboko alkateak.
Azkunaren hitzetan, oposizioak aurrekonturik gabe lau urte izan zuen Alkatetzan, eta egun guztietan "direnak eta ez direnak" eskatu zizkion, baina gaur gehiengo absolutua du.
Arte Ederren Museoa eta metroa
Azkunak azaldu duenez, Bilboko metroaren hirugarren lineako lanak geldituko ez direla baieztatu du Urkulluk, nahiz eta "beharbada aldaketa tekniko batzuk egin".
Aurreko Eusko Jaurlaritzak Arte Ederren Museoari zor dizkion 200.000 euroak ordaintzeko eskatu dio alkateak lehendakariari.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.