Jose Castro, Cristina infanta auzipetu duen epailea
Justizia munduan ibilbide luzea eta eskarmentu handia du Jose Castro epaileak. Castro motorzalea zen, baina abiadura arriskutsua zela ulertu, motorra saldu eta zaletasuna baztertu zuen. Bere ibilbidean epaile zorrotzaren eta zuhurraren fama irabazi du Castrok.
67 urteko Jose Castro Espainiako historia judizialaren protagonista bihurtu du Noos auziak; izan ere, Iñaki Urdangarin Palmako dukea eta Cristina infanta inputatu ditu.
Kordobako magistratuak Jaume Matas Balear Uharteetako presidente ohiaren aurkako epaiketa abian jarri zuen Palmako epaitegietan. Epailea 1976an hasi zen lanean Dos Hermanasen (Sevilla), Arrecifen (Lanzarote) eta Sabadellen (Bartzelona).
1985ean Palmara heldu zen. Balear Uharteetako erkidegoak ez zuen orduan ustelkeria politikoaren gaixotasun larria pairatzen, eta turismoari begira bizi zen. Orain ustelkeria auzi ugari daude martxan, eta politikari auzipetuen zerrenda oso luzea da.
1990ean Palmako epaitegi batetik bestera lekualdatu zuten, baina denboraldi batean bi auzitegien ardura hartu behar izan zuen.
37 urteko ibilbidea du Castrok epaile gisa, ez du elkarrizketarik eskaini, ezta adierazpenik egin ere. Bulegoko atean kazetariak ikusten dituenean keinu gogorrak egin ditu Castrok. Epailerarentzako komunikabide bakarrak autoak eta epaiak dira.
Kritiken aurrean, isilik egon eta adierazpen askatasuna eskubide bezala aldarrikatu du. Francisco Alvarez Cascos PPko idazkari nagusi ohiak epailearen inpartzialtasuna zalantzan jarri eta autoan "tabernako" hizkuntza erabili zuela kritikatu zuen. Castrok ez zuen erantzun.
Lankideek ere gogor kritikatu dute. "Serioa" ez dela esan dute, baina kazetarien, kameralarien eta argazkilarien aurrean bestelako jarrera azaldu du beti Castrok. Mahai gainean bere ibilbideko erronkarik handiena du Castrok orain.
Zure interesekoa izan daiteke
Alkatetzak argituta, Euskal Hirigune Elkargorako lehia irekitzen da orain
Apirilean erabakiko da zein izango den Ipar Euskal Herriko erakunde administratiboaren lehendakari berria. Jean Rene Etchegaray Baionako alkatea izan da 2017tik karguan, baina Iriart zein Etxeleku ere hautagai izan daitezke.
Baionako auzapez izaten jarraituko du Etchegarayk, Blanco estreinatuko da Biarritzen, Etxeleku Kanbon, eta EH Baik babesten duen Horn Bokalen
Orain arteko auzapezek errepikatuko dute Hendaian, Donibane Lohizunen, Azkainen, Maulen eta Beskoitzen. EH Baik Urruña galdu du.
Chivitek, UPNk eta PPk gogor gaitzetsi dute Korrikan ETAren aldeko ikurrak erakustea
Korrika Txantreatik (Iruñea) igaro denean, lekukoa zeramaten bi lagunek ETAko bi presoren argazkiak erakutsi dituzte, eta horrek UPNren, PPren eta Maria Chivite Nafarroako presidentearen haserrea eragin du.
Egiari Zor Fundazioak Pasaiako sarraskiko biktimak omendu ditu, hil zituztenetik 42 urte bete direnean
Estatuko Segurtasun Indarrek Komando Autonomo Antikapitalistetako lau kide hil zituztela 42 urte bete dira gaur, eta horren kariaz Egiari Zor Fundazioak ekitaldia egin du Azpeitian, biktimen jaioterrian, haien lagun eta senideekin batera.
Otxandianok "bakearen ekonomiaren aldeko lidergo politiko sendo baten falta" leporatu dio Pradalesi
Eusko Legebiltzarreko EH Bilduren bozeramaileak kritikatu egin du Mikel Torres Ekonomia sailburuak "armagintza-industria babestu eta garatzearen alde" egin zuela.
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.