Urkulluk 'egonkortasun itun' bat eskaini die PSEri eta PPri
Iñigo Urkullu lehendakariak "herrialde mailako egonkortasun itun" bat eskaini die PSE-EEri eta PPri, eta oposizioak "blokeoa" eginda ere Eusko Jaurlaritzak "aurrera" egingo duela ohartarazi du.
Urkulluk Bilbon, Forum Europa gosari informatiboan, igorri die akordioa lortzeko gonbita sozialistei eta popularrei. Lehendakariak errefusatu egin du EH Bildurekin eta UPyDrekin akordioa bilatzea, eredu "ekonomiko eta sozial" bateraezinak dituztela iritzita.
Horren esanetan, "zintzotasunez" aitortu behar du ez duela akordioa lortu aurtengo Aurrekontuen inguruan, eta "errealismorik" ez izatea egotzi dio oposizioari: "Krisiaren irteera ez dago gertu oraindik, eta arazoa larritzen ari da, egoera errealismorik gabe ikusten baitute".
Horren ildotik, Eusko Jaurlaritzak aurrekontu proiektua adosteko "esfortzuak" egin dituela esan du Urkulluk, baina talde parlamentarioak ez direla "errealismoz jokatzeko gai" izan deitoratu du: "Ez dugu akordioa eta egonkortasuna lortu, akordioa lortzea bi alderen kontua baita; ez gara oposizioaren blokeoa hausteko gai izan".
"Bermeoko espiritua"ri eusteko deia egin du, eta Bruselara egindako bidaian "Euskadiren etorkizuna Europa" dela berretsi duela nabarmendu du.
Bake plana, ekainean
"Bakea, giza eskubideak eta bizikidetza" jorratzen dituen plan bat aurkeztuko du ekainean, eta, horrekin batera, Oroimenaren eta Bizikidetzaren Institutua sortzeko proposamena ere zehaztuko du.
Gainera, Mariano Rajoy Espainiako Gobernuko presidenteari espetxe politika "errealitate berrira pausoz pauso egokitzeko" proposamen "zehatz" bat helarazi diola azaldu du.
Hain zuzen ere, berarekin batzartu zenean eman zion proposamena, baina Rajoyk ez zion "esperotako erantzuna" eman. Hala ere, "lanean" jarraituko duela esan du.
"Bilbao Basket ez da pribilegiatua"
Azkenik, Urkulluk babesa agertu dio Bizkaiko Aldundiari, gainerako alderdien artean polemika handia piztu badu ere, Bilbao Basket taldea erreskatatzeagatik.
Horren haritik, Aldundiak "ganoraz" jokatu duela adierazi du, eta ez du uste saskibaloi kluba "pribilegiatua" denik.
Aldundiak 5,2 milioi euroko laguntza onartu du Bilbao Basketentzat. Horietako 1,5 milioi dirutan emango dizkiote, eta gainerako 3,7 milioiak, zorra kitatuta.
Urkulluk gogorarazi duenez, Aldundiak lankidetza itun bat sinatu zuen taldearekin, 2013-2016 urteetarako, eta, beraz, "konpromisoa bete" egin behar du. Dena dela, hurrengo urteetan laguntza gehiagorik izango ez dutela ohartarazi die klubaren kudeatzaileei.
Albiste gehiago politika
Abalosek aitortu gabeko diru-sarrerak eta PSOEren ordainketak atzeman ditu UCOk
"Ordainketa jakin batzuk" bat datoz PSOEk emandako informazioarekin, baina gaineratu du "aztertutako ebidentzien artean PSOEk eskudirutan egindako beste ordainketa batzuk" daudela, "inolako dokumentu-babesik eta informaziorik gabe".
Aburtok legealdia agortzeko asmo sendoa du
Eneko Goiaren agurraren berri izan ondoren, Bilboko alkateak adierazi du berak legealdia agortzeko asmoa duela. "Nik oraindik ia bi urte dauzkat aurretik gure lanarekin jarraitzeko. Momentu honetan ez dut urrunago begiratzen", esan du Juan Mari Aburtok.
Gorenak azaroaren 3a eta 13a bitartean epaituko du fiskal nagusia, eta Ayusoren kabineteburuak eta Lobatok deklaratuko dute
Gehiengoa duten zazpi magistratu kontserbadoreek eskatuta, Francesc Valles Komunikaziorako Estatu idazkari ohiak eta Pilar Sanchez Acera Moncloako aholkulari ohiak lekuko gisa deklaratuko dute.
Jon Insausti, udal kudeaketan eskarmentu handia duen gazte donostiarra
Jon Insausti, 36 urteko donostiarra, 2015etik da zinegotzia, enpresa pribatuetan hainbat esperientzia profesional izan ondoren. Enpresa Zuzendaritza eta Administrazioan lizentziaduna, Kultura, Euskara eta Turismo zinegotzia izan da azken urteotan.
Espainiako Gobernuak Konstituzioa erreformatzeko proposatuko du abortua eskubide gisa sartzeko
Gobernuko iturriek zehaztu dutenez, erreformak ezarriko du abortuaren arloan ematen den informazio guztiak "oinarri zientifiko objektiboa" izan behar duela, eta "nazioarteko erakundeen estandarrek" babestuta egon behar duela, hala nola Osasunaren Mundu Erakundearena (OME) eta Amerikako Psikiatria Elkartearena (APA)". "Oinarri zientifikorik gabeko teoriek, hala nola ustezko 'abortuaren osteko sindromeak', ez lukete lekurik sailkapen horietan", ohartarazi dute Exekutibotik.
"Ilusioa sortzen duen Donostia gaztetuaren alde" lan egiteko prest agertu da Jon Insausti
Donostiako alkate izango denak “esker ona” agertu du erakutsitako konfiantzagatik, eta uneotan “emozioa, ilusioa eta ardura” nagusi dituela esan du. “Erabakiak hartzeko eta erronkei aurre egiteko prest nago", nabarmendu du jeltzaleak.
"Donostiar euskaldun petoa" gisa definitu du GBBk Insausti
Euge Arrizabalaga GBBko presidenteak adierazi du Jon Insaustik "hiriaren ezagutza sakona" duela, baita "gaitasuna eta gogoa" ere.
GBBk konfirmatu du Jon Insaustik ordezkatuko duela Eneko Goia
EAJren Gipuzkoa Buru Batzarrak Jon Insausti izendatu du Donostiako alkate, Eneko Goiak urriaren 16an kargua utziko duela iragarri ostean.
Maria Chivitek esan du lasai dagoela eta ez duela ezer ezkutatzeko Cerdan auzian
Eskuineko alderdien zirku bat iruditzen zaio guztia Nafarroako presidenteari. Chiviteren esanetan, ustelkeria da oposizioak foru gobernua eskuratzeko duen azken esperantza.
El Gobierno de España propone una reforma de la Constitución para incluir el aborto como un derecho
Según han detallado las fuentes del Gobierno, la reforma establecerá la obligación de que toda la información que se brinde en materia de aborto tenga "base científica objetiva" y esté respaldada por "estándares de las instituciones internacionales como la Organización Mundial de la Salud (OMS) y la Asociación Americana de Psiquiatría (APA)". "Teorías sin base científica como el supuesto 'síndrome posaborto' no tendrían cabida en estas clasificaciones", avisan desde el Ejecutivo.