Aurrekontuak luzatzearen ondorioak
Eusko Jaurlaritzak 2013. urterako aurrekontu proiektua baztertu, eta 2012. urteko kontuak luzatzea erabaki du, oposizioko taldeen babes faltaren aurrean.
Horrek, baina, paradoxa bat ekarri du: Iñigo Urkullu lehendakariaren Gobernuak iazko aurrekontuak kudeatu beharko ditu, baina diru-kutxan 1.200 milioi euro gutxiago izanda. Zer ondorio izango ditu egoera horrek? Aurrez ikusitakoa baino gehiago gastatu al dezake orain Jaurlaritzak? Zer-nolako askatasun maila izango du iazko Aurrekontuetan aldaketak egiteko?
Maria Carmen Gallastegui Zulaica Euskal Herriko Unibertsitateko (EHU) Teoria Ekonomiko katedradunak azaldu duenez, Jaurlaritzak 2012. urteko Aurrekontu osoa ez gauzatzea erabaki beharko du, aurten diru gutxiago duelako.
"Demagun Jaurlaritzak % 15eko murrizketa egin nahi zuela aurten, arlo batean. Orain, murrizketa hori egiteko modu bakarra gastua guztiz ez gauzatzea da", erantsi du.
Katedradunaren esanetan, Urkulluren Gobernuak iazko aurrekontuetan aurrez ikusita ez zeuden gastuak egiteko tartea izango du: "2012. urteko Aurrekontuen bigarren atalean, adibidez, gastu guztiak ez zeuden zehaztuta. Horrenbestez, aurten nahi bezala erabili ahalko ditu Gobernuak".
Horren ildotik, Administrazioan aurrekontuen arloan erantzukizunak izan zituen goi-kargudun ohi batek argitu duenez, Jaurlaritzak "egokitzapenak" egin beharko ditu, "kreditu transferentzien eta birbanaketen bidez", eta hainbat proiektu "ez gauzatzea" erabakita. "Garbi dagoena zera da, ezin dela dagoena baino gehiago gastatu", ohartarazi du.
Dena dela, gastuaren birbanaketa hori ezin dela nolanahi egin zehaztu du: "gastua antolatzeko irizpideak legeek ezartzen dituzte. Ez dago gastua nahi bezala antolatzerik, eta muga horiekin jokatu beharko du Jaurlaritzak. Gauza batzuk egin ahal izango ditu, eta beste batzuk, ez".
Diru-sarreren arloari dagokionez, "Finantzen Euskal Kontseiluak 2013. urterako aurrez ikusitako kopuruetara egokitu" beharko dela esan du; "beraz, diru-sarrera gutxiago egongo da".
Bi adituak ados daude, iazko aurrekontuak luzatzea ez da ona.
EHUko katedradunaren hitzetan, "Gobernua herritarrek hautatu zuten hauteslekuetan, eta ezin izango du egin egoera kritiko honetan egin nahi zuena. Aurrekontuak luzatzea ez da hondamendia, baina ez da batere ona".
Goi-kargudun ohia iritzi berekoa da, iazko kontuak luzatzeak Jaurlaritzaren ekintza "mantsotzea eta mugatzea" ekarriko duelako. "Hori ez da ona inoiz, eta are gutxiago egun bizi dugun egoera sozio-ekonomikoan, erantzun gaitasun handia eskatzen duten erronkei eta arazoei aurre egiteko", gaineratu du.
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.