Hirugarren gaua Ondarroan, Alkortaren atxiloketa ekiditeko
Hirugarren eguna izan du igande honetan Ondarroako "herri harresiak", eta Ertzaintza Urtza Alkorta atxilotzera etorri arte, Alamedan jarraitzeko asmoa adierazi dute. Ondarroako "Aske Gune"ko sustatzaileek "herri harresian" parte hartzeko gonbita egin diote EAJri, eta Madrilen eta Alderdi Popularraren aginduak betetzeko prest ote dauden galdetu diete jeltzaleei.
Eguerdian prentsaurrekoa egin dute Ondarroan, eta bertan izan da Urtza Alkorta ere. "Uste dugu EAJk aukera egin behar duela, herri honen bake bidea oztopatu nahi dutenen aginduak bete edota bera ere bake bide horren bultzatzaile izatearen artean".
Horien esanetan, jeltzaleek ere badute tokia "herri harresian": "EAJk nahi badu, 'herri harresian' lekua du. Madrildik zuzendutako inposizioei aurre egitea errazagoa da denon artean".
Halaber, Estefania Beltran de Heredia Eusko Jaurlaritzako Segurtasun sailburuari ondorengo mezua bidali diote: "Euskal Herria garai politiko berria bizitzen ari da, eta ez da atxiloketak egiteko garaia".
Ondarroan osatutako "herri harresiko" sustatzaileen sanetan, "igandeko eta asteleheneko gauak arriskutsuak izan daitezke", eta, hori dela eta, bertaratzeko deia egin diete herritarrei.
Asmoa Ertzaintza Alkorta atxilotzera joaten den unera arte bertan egotea dela esan dute eta "ekimen baketsua" dela azpimarratu dute. Ertzaintza heltzen denean polizia-etxera eramateko eskakizuna egitea gomendatu diete ekintzaile guztiei, identifikazioen bidez zigortuaren atxiloketa gehiago atzeratzeko.
Urtza Alkorta atxilotzeko agindua
Estefania Beltran de Heredia Eusko Jaurlaritzako Segurtasun sailburuak atzo Radio Euskadin esan zuenez, operatiboki aproposa den unean atxilotuko du Ertzaintzak Urtza Alkorta gaztea.
Alkortari 5 urteko kartzela zigorra ezarri zioten ETAko talde bati laguntzea leporatuta; zigorraren erdia bete zuen eta ondoren epai irmoa izan bitartean baldintzapeko askatasuna eman zioten; orain, Auzitegi Gorenak zigorra berretsi du eta atxilotu eta kartzelaratzeko agindua eman du. Geroztik, Ertzaintza bitan saiatu da hura atxilotzen.
Astearte gauean, Ertzaintza Alkortaren gurasoen etxera joan zen gaztea atxilotzera, baina ez zegoen bertan. Asteazkenean berriro joan ziren, etxean sartzeko epaileak emandako baimenarekin, baina orduan ere, Alkorta ez zegoen etxean.
EH Bilduk Ondarroara joateko deia egin zuen ostegunean, Alkortaren atxiloketa oztopatzeko helburuarekin.
Gorenaren arabera, Alkortak ETAko talde bati "posta, informazio eta konpainia" lanetan lagundu zion. Horretarako 2008ko urtarrilean Frantziara joan zen trebatzeko.
Bigarren eguna
Ondarroako kaleetan barrena mila bat lagunek egin zuten manifestazioa larunbat arratsaldean Alkorta atxilotu ez dezaten eskatzeko.
Manifestazioa Zumardian bukatu zen, eta Urtza Alkortak berak hitz egin zuen. Konponbiderako garaia dela eta kartzelak hustu egin behar direla ohartarazi zuen Alkortak. Halaber, eskerrak eman nahi izan zizkien bere atxiloketa ekiditeko giza harresia osatzen ari diren pertsona guztiei.
Oier Lertxundi herri harresiko kideak atzo Euskadi Irratian esan duenez, "ETAk borroka armatua utzita, ez du zentzurik jarrera horrekin jarraitzeak", eta "modu baketsuetatik, desobedientziaren aldeko apustua" egin dute.
Herri harresia
Ostiral eguerdian Alkortak plazako eskailerak jaitsi zituen ukabila goian zuela, EH Bilduk egindako deialdia babestu duten lagunek pasilloa egiten zioten bitartean.
Ondarroako elkarretaratzea. EFE
Gaztea plazaren erdian eseri zen, Maribi Ugarteburu legebiltzarkidea eta Iker Rodrigo Bizkaiko Sorturen buruzagia alboan zituela. Duela gutxi Rodrigo atxilotu zuten, Xabier Lopez Peñaren "Thierry" gorpuari Loiuko aireportuan egindako harrera antolatzeagatik.
Inguruan 200 bat pertsona bildu ziren espazioak betez, Alkortaren atxiloketa eragozteko.
Ondarroako elkarretaratzea. EFE
Ekintzako parte-hartzaileek manifestaldia egin zuten ostiral arratsaldeko azken orduetan Ondarroako kaleetan, "kartzela hustutzeko garaia" lelopean.
250 lagun inguruk igaro zuten lehen gaua Ondarroako Zumardian, Urtza Alkorta herritarrari elkartasuna adierazteko gunean, eta giza hesia osatu dute haren atxiloketa saihesteko.
Askegunea
Aurreko apirilaren 19an mila pertsona inguruk babesa eman zieten Segiko kide izateagatik zigortutako sei kideri, Donostiako Boulevarren, Aske Gunean.
Azkenik, Ertzaintzak, bertan 'herri harresia' osatu zutenak banan-banan kendu eta zigortutakoak atxilotu zituen.
Zure interesekoa izan daiteke
Pradalesek 14 lurralde industriali dei egin die beren gaitasunak Europaren zerbitzura jar ditzaten, "etorkizuna bermatzeko"
Imanol Pradales lehendakariak "potentzial berritzaile eta ekonomiko handia" duten 14 lurralde industriali dei egin die astelehen honetan, Bilbon bilduta, beren gaitasunak Europaren zerbitzura jartzeko, "proiektu europarraren etorkizuna bermatzeko", "arriskuan" baitago mundu "ezegonkor eta zalantzagarri" batean.
PPk Voxi eskatu dio "harresia" ez izateko, eta PSOEk "autokritika" egitea ekidin du
Beste hauteskunde hitzordu batzuetan baino argiago mintzatu da Feijoo, Aragoiko bozen biharamunean, eskuin muturrari "2023ko akatsak" ez errepikatzeko eskatuz. Abascalen alderdiak, berriz, ahobizarrik gabe baldintzak jarri ditu mahai gainean: kontseilaritzak nahi ditu, eta politikak errotik aldatzea da bere helburua.
Biktimek eta sindikatuek "egia, justizia eta erreparazioa" exijituko dute martxoaren 3ko 50. urteurrenean
Martxoak 3 Elkarteak eta ESK, Steilas, LAB eta ELA sindikatuek Gasteizko bost langileen hilketaren 50. urtemuga oroitzeko egingo dituzten ekitaldiak aurkeztu dituzte astelehen honetan.
Estefania Ocariz, gazte-justizian aditua, Arartekoaren ondokoa izango da
Psikologian doktorea izateaz gain, Psikologia Juridikoan masterra du eta gazte-justiziari buruzko hainbat argitalpen eta txosten egin ditu.
PPk Voxi Aragoin botatako hordagoak kale egin du: ultraeskuina puztuta eta PSOE gainbeheran
Azcon (67 eserlekuetatik 26 lortuta) eskuin muturraren (14) menpe egongo da; are, PPri "politikak aldatzeko" eskatu dio Abascalek. Bi eskuinen baturak botoen % 60 bildu ditu Aragoin. Ezkerrari begira, aldiz, CHAren gorakada gorabehera (3 diputatutik 6ra), atzeraldian dela agerian da. PSOE minimo historikoan kokatu da (18 eserleku), eta Podemos, ordezkaritza barik.
Jon Insausti: "Etxebizitza sailburuaren eskutik joango gara etxebizitzaren erronkari aurre egiteko"
Donostiako alkatea ez da Loiolako etxebizitza proiektuaren inguruan sortutako "zalaparta" horretan sartu, eta esan du "aliantzak ezinbestekoak" direla. Atxilotuen jatorriari buruzko datuak zabaltzeari buruz, azpimarratu du Jaurlaritzari dagokiola segurtasun politika definitzea.
Arnaldo Otegi: "Espainiak aukera ematen digu hauteskundeetan herri gisa hitz egiteko, eta guk, siglak baino, herri-ahots demokratikoa izan nahi dugu"
EH Bilduk ez du bat egiten Gabriel Rufianek PSOEren ezkerrera dauden alderdiak elkartzeko egindako proposamenarekin, hauteskunde orokorretarako EH Bilduk baduelako jada estrategia bat ezarria, "siglen gainetik herria" jartzea, eta, horren harira, EAJri "herri gisa" jarduteko egindako gutxiengoen proposamenaz aritu da astelehen honetan Euskadi Irratian.
Rufianek bilera erronda abiatuko du, PSOE baino ezkerzaleagoa izango den aliantza bat osatzeko
Gabriel Rufian ERCren Kongresuko bozeramaileak ezkerreko indarrekin "egiazko espazio plurinazionala" eratu nahi du, eskuin muturraren gorakadari aurre egiteko.
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.