Frankismoaren biktimei kalte-ordainak emango dizkiete; Portugaleteko eta Bilboko kasuetakoei, besteak beste

Espainiako Gobernua frankismo-garaiko errepresioaren biktimei kalte-ordainak emango dizkie, Memoria Demokratikoaren Legea aldatu eta errekonozimendu-aldia 1978ko abenduaren 29ra arte luzatuta, egun horretan sartu baitzen indarrean Konstituzioa.

Angel Victor Torres Lurralde Politikako eta Memoria Demokratikoko ministroak, Kongresuan, azaldu duenez, Espainiako Gobernuak 50 eskaera inguru jaso ditu, 18 aztertu ditu eta 15 kalte-ordain onartu ditu.

Horien artean, Euskadin gertatutako hainbat kasu daude. Aitortuetako bat Victor Manuel Perez (23 urte) da. Portugaleten hil zuten, bizkarretik tirokatuta, greba baten aldeko panfletoak banatzen ari zela.

Francisco Javier Nuñez Fernandezen familiari ere kalte-ordaina onartu diote, amnistiaren aldeko mobilizazio batean hil egin zuten, Bilbon, Poliziaren errepresioaren biktima. Ministroak azaldu duenez, Nuñezek hiru urteko alaba agente frankistek eraso egin zioten Nuñezi, hiru urteko alaba leku seguruan jarri ondoren. Hurrengo egunean atxilotu egin zuten gertatutakoa salatzera joan zenean.

Atxilotu, torturatu eta errizino-olioa eta koñaka edatera behartu zuten, eta egun batzuk geroago hil zen, lesioen ondorioz.

Euskadiko kasuez gain, Espainiako Gobernuak hainbat biktima aitortu ditu, hala nola Manuel Jose Garcia Caparros, 1977an, Malagan, Andaluziako autonomiaren aldeko manifestazio batean eraila.

Espainiako Gobernuak batzorde bat sortu du eskaerak ebaluatzeko, eta datozen hilabeteetan espedienteak aztertzen jarraitzea aurreikusten du, frankismoaren azken urteetan eta trantsizioan izandako indarkeria politikoaren biktimei ordaina emateko.