Zupiriak gaitzetsi egin ditu Flotillako ekintzaileak Loiura heldutakoan izandako istiluak eta "probokazioak"
Eusko Jaurlaritzako Segurtasun sailburua kezkatuta agertu da atzoko gertakariekin Ertzaintzaren irudia zikindu daitekeelako, are gehiago Palestinako gatazkarekin eta Israelen genozidioaren salaketekin lotzen direlako.
Zupiria, Durangon. Argazkia: EFE
Bingen Zupiria Eusko Jaurlaritzako Segurtasun sailburuak gaitzetsi egin ditu atzo Global Sumud Flotillako zenbait ekintzaile Bilboko aireportura iritsi zirenean izandako istiluak, baita agenteei egindako "probokazioak" ere.
Ertzaintzak lau pertsona atxilotu zituen eta hainbat karga egin zituen aireportuan Flotillako ekintzaileen eta haien zain zeuden senide eta lagunen aurka.
Zupiriak bere gain hartu du Loiun gertatutakoaren erantzukizuna, eta esku hartu zuten agenteak indarrean dagoen araudia betez aritu ziren ikertuko dutela iragarri du, "egoera eragin zuten pertsona batzuen portaera" aztertzeaz gain.
Sailburuak kazetarien galderei erantzunez adierazi duenez, harreran bildutako pertsona batzuen jarrerak "probokazio hutsa" izan ziren.
Bestalde, orokorrean, denei zuzenduta aitortu du, egoerak "beste modu batera bideratu beharra" dagoela.
Halaber, atzo gertatutakoarekin Ertzaintzaren irudia zikindu daitekeela deitoratu du, are gehiago gertakariak Palestinako auziarekin eta Israelen genozidioaren salaketekin lotzen direlako. Palestinarekin Euskal Herriak duen atxikimenduaz kontziente dela ere gehitu du.
Kezka agertu du, Ertzaintza omen delako, azpimarratu du, euskal gizartean konfiantza handienetarikoa sortzen duen erakundea.
Zure interesekoa izan daiteke
Otegi: "Liskarrek eta ikuskizunek jendea urruntzen dute, eta atea irekitzen diote eskuin muturrari"
Espainiako hauteskundeetan PPrekin aurkezteko akordioa onartu du UPNk, eta gustura agertu da Feijoo
PSOEK irabaziko lituzke hauteskundeak, PPk baino 12 puntu gehiago lortuta, CISen urriko inkestaren arabera
Etxebarria: "Gasteizko alkatea izaten jarraitu nahi dut, baietzaren alkatea"
Puigdemont eta Kataluniako prozesu subiranistaren gastuengatik auzipetutako 34 lagunak absolbitu dituzte
Biloben legearen galarazpenagatik bozkatzeko aukera galdu duten pertsonek hiru bide dituzte boto eskubidea berreskuratzeko
Ubarretxena: "Euskal herritarrak ez gaude ez bloke batean ez bestean, ahots propioa behar dugu"
Alfonso Gomez: "Informazio eza egon da eta, bestetik, informazio txarra; hori ekiditeko, sistema aldatu dugu"
Cristina Gonzalezek ordezkatuko du Javier Hurtado Eusko Jaurlaritzan
