Bilboko txupineraren izendapenari helegitea jarri dio Urquijok
Carlos Urquijo Gobernuak Euskal Herrian duen ordezkariak Estatuko Abokatutzari Jone Artola Bilboko jaietako txupinera izendatzeari helegitea jartzea eskatu dio, legez kanpo dauden organizazioekin lotuta dagoelako. Euskal Herriko Fiskaltzari horren berri eman dio.
Gobernuak Euskal Herrian duen ordezkariak Estatuko Abokatutzari eta Euskal Herriko Fiskaltza Nagusiari bidalitako idatzietan azaldu duenez, Artola legez kanpo dagoen Euskal Herritarrokeko hautagaia izan da, Bilboko hauteskundeetan (1999) eta orokorretan (2000). Legez kanpo dagoen ANVko hautagaia ere izan da, 2007ko hauteskunde orokorretan.
Halaber, "Etxerateko ohiko bozeramailea" dela adierazi du, eta Txori Barrote konpartsako sortzailea.
Urquijoren ustez, Bilboko Jaietako Batzordeak Jone Artola izendatzeak Terrorismoaren Biktimen Aitorpenaren eta Konponketaren Legea urratu dezake.
Asteazkenean, Dignidad y Justicia elkarteak Iñaki Azkuna Bilboko alkateari (EAJ) Artola txupinera izatea galaraztea eskatu zion, terrorismoaren biktimentzat "irain handia" delako.
"Eztabaida artifiziala", Bilduren ustez
Jone Artola pregoilari izendatu izanaren aurrean jarritako helegitearen harian, Helena Gartzia Bilboko Udaleko Bilduko zinegotziak "eztabaida guztiz artifiziala" sortu nahi izana leporatu dio Urquijori.
"Bilbon existitzen ez den polemika bat sortzen saiatzen ari dira", esan dio Europa Press-i. "Jone Artola ez dute aukeratu inoren ahizpa izateagatik, konpartsa bateko sortzailea izateagatik baizik", gaineratu du Gartziak.
PSEk konpartsen erabakia errespetatzen du
PSEk Jone Artola pregoilari bezala izendatzea errespetatzen duela adierazi du Alfonso Gil Bilboko Udaleko sozialisten ordezkariak.
Horrez gain, Carlos Urquijoren erabakia kritikatu du, "ez diolako iraganari begiratzeari uzten". Gobernuaren ordezkaria ezin da horrelako gaietan sartu, azkenean bilbotarren jaiak ozpintzea besterik ez duelako lortuko", azaldu du.
Bilduren "zinismo politikoa" salatu du UPyDk
Gorka Maneiro UPyDko legebiltzarkideak Bilduren eta ezker abertzalearen "zinismo politikoa" salatu du, batetik, terrorismoaren biktimen omenaldietara joaten direlako, eta, bestetik, "preso dauden ETAkideak" pregoilari izendatzen dituztelako.
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.