Eusko Jaurlaritza: 'Herriraren aurkako operazioa atzerapausoa da'
Herrira presoen elkartearen aurkako operazioa "albiste txarra eta atzerapausoa da", adierazi du Josu Erkoreka (EAJ) Eusko Jaurlaritzako bozeramaileak. Erkorekaren esanetan, operazioak "iraganeko garai gaindituak" gogorarazten ditu.
Bozeramailearen hitzetan, euskal gizarteak Herrirako kideen atxiloketak "ez ditu ulertzen", eta "aurrerapausoak" espero dituela erantsi du.
Horren harian, "atzerapenik gabe" armak entregatu eta desegiteko eskatu dio Erkorekak ETAri. "Estatuko botere zentralei", berriz, "erantzukizunez eta neurria emanez jokatzeko" eskatu die Jaurlaritzako bozeramaileak.
EAJ
Atxiloketak eta ETAren azken agiria "Euskadiko bake prozesua sendotzeko itxaropenetan atzerapauso kezkagarria dira", EAJren esanetan. "Inboluzioaren" aurrean, "politikoki antolatutako ezker abertzaleari aldebakarreko pausoak ematen jarraitzeko" eskatu dio EAJk, "bake prozesuaren blokeoa desegiteko".
EH Bildu
Operazioa "normalizazio politikoaren aurkako erasoa eta bake prozesuan aurrera egiteko oztopo berri bat da", azaldu du Julen Arzuaga EH Bilduko legebiltzarkideak. "Erasoaren tamainako erantzuna herri gisa" bilatuko dutela erantsi du Arzuagak.
PSE-EE
Jesus Eguiguren PSE-EEko presidentearen hitzetan, atxiloketak "Gobernuaren probokazioa" dira. Era berean, Jaurlaritzaren "pasibotasuna" kritikatu du. Bere blogean argitaratutako artikulu labur batean, Eguigurenek operazioa "astakeria juridiko eta politikoa" dela salatu du.
Nafarroa
Herrira desegitea "normaltasun demokratikoaren erakusgarri da", Nafarroako Gobernuaren iritzian, eta "ETAren behin betiko porrota" lortzeko beste pauso bat dela erantsi du. Zuzenbidezko estatu batek "ezin ditu biktimak beheratzeko eta terrorismoa justifikatzeko ekimenik onartu", gaineratu du. Nafarroako Bilduko eta Aralarreko bozeramaileek, berriz, gaitzetsi egin dituzte atxiloketak. UPNk eta PSNk, ostera, Estatuko Segurtasun Indarren ekintzen aurrean errespetua agertu dute.
Mobilizazioak
Euskal eragile politiko, sindikal eta sozial ugarik agerraldia egingo dute astearte honetan, Bilbon, mobilizazioak deitzeko, Sortuk iragarri duenez. Prentsaurrekoa Bilboko Arriaga antzokiaren aurrean egingo dute, 11:30ean.
Sindikatuak
ELA sindikatuak salatu egin ditu atxiloketak. Poliziaren operazioak presoen "eskubideen defentsa kriminalizatu" nahi duela adierazi du sindikatu abertzaleak.
Espainiako Gobernuak presoen eskubideen defentsa "isildu" eta "oztopatu" nahi duela salatu du LABek.
Lokarri
Lokarrik operazioa "irmo" gaitzetsi du. Lokarriren hitzetan, Herriraren aurkako akusazioa mantentzerik ez dago; izan ere, "elkartea pertsona guztien giza eskubideak errespetatzearen alde argi eta garbi azaldu da, eta bakegintzaren aldeko apustua egin du".
Dignidad y Justicia
Bestalde, Dignidad y Justicia elkarteak Guardia Zibila zoriondu du, "Herriraren etengabeko zigorgabetasuna eragozteagatik". Elkartearen ustez, "Herrirak ETAko hiltzaileak heroi gisa goraipatu ditu eta horrek atsekabe handia sortu du".
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.