Aoiz: 'Herriko tabernen' auziarekin herri oso bat epaitu nahi da'
35/02 auziko, 'herriko tabernen' auzia bezala ere ezaguna, inputatuek "epaiketaren bidez herri oso bat epaitu eta kondenatu" nahi dela salatu dute. Ostegunean hasiko da epaiketa Auzitegi Nazionalean eta hori salatzeko manifestazioa egingo dute urriaren 26an Bilbon.
Floren Aoiz Herri Batasuneko buruzagi ohiak prentsaurrekoa eskaini du Donostian auzian inputatuta dauden hainbat lagunekin batera. Besteak beste, Joseba Permachek parte hartu du prentsaurrekoan. Epaiketa "ezker abertzalearen ekintza politikoaren aurkako auzia" dela salatu dute. 36 legun daude inputatuta auzian.
"Euskal Herriko ekintza soziokulturalen bultzatzaile baten aurkako auzia ere bada", esan du Aoizek ustez ETAren finantzaketan parte hartu duten 110 herriko tabernei aipamena eginez.
Segiren aurka atzo hasi zen epaiketa ere izan du hizpide. Aoizek adierazi duenez, atzoko epaiketan eta herriko tabernen aurkako epaiketan "politika da epaituko dutena, eta hori dela eta, ustezko probek ekintzan politikoarekin zerikusia dute". "Euskal gizarteak kulturan, artean edo musikan duen aberastasuna ere epaitu nahi dute. Aurkaritzat jotzen dituzten ekintzak ekidin nahi dituztenez, sare hori guztia kondenatu nahi dute", gaineratu du.
Herriko tabernei "konpondu ezin den mina" egin zailea ere aipatu du Aoizek, epaia edozein izanda ere. "Herriko tabernek urteak daramatzate itxita eta murrizketei aurre egiten".
"Euskal gizarte osoari erasoa"
"Hau ez da ezker abertzalearen eta hainbat epaile eta erakunde judizialen arteko borroka. Euskal gizarte osoaren aurkako erasoa da. Gure inputazioaren bidez, etorkizun ezberdin bat eraiki nahi duen herri oso bat prozesatu, epaitu eta kondenatu nahi da", azpimarratu du.
Estatu espainiarra "egiturazko krisialdia" eta "estrategia ahultasuna" bizitzen ari dela esan du Aoizek. "Kataluniak botatako desafioarekin arduratuta dago. Beraien aburuz, errepresioa erabiliz eta iraganera itzuliz hori guztia geldi dezakete eta euskal gizartearen ilusioa zapuztu, eta frustrazioa eta itxaropen eza zabaldu", gaineratu du.
Honelako epaiketen aurrean "herri bezala erantzutea" beharrezkoa dela uste du Aoizek eta gizarteari dei egin dio "eskubide guztien alde eta epaiketa politikoen aurka" Bilbon egingo den manifestazioan parte hartzeko.
Zure interesekoa izan daiteke
PPk 26 eserleku lortu ditu Aragoin, PSOEk 18 eta Voxek 14, botoen % 91 zenbatuta
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da. PPk Vox beharko du gobernatzeko.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.