Larunbateko oihuak 'anekdotikoak' izan zirela adierazi du Sortuk
Pernando Barrena Sortuko bozeramaileak adierazi duenez, larunbateko manifestazio isilean presoen eta amnistiaren alde entzun ziren oihuak "anekdotikoak" baino ez ziren izan. Gainera, "haserre" agertu da, martxa deitzeagatik hainbat sektoretatik EAJri egin dizkioten kritiken aurrean.
Ezker abertzaleko buruzagiaren esanetan, "egia da espaloietatik hainbat aldarri oihukatu zituztela, baina anekdotikoa da 100.000 pertsona baino gehiago izan dituen manifestazio batean". Horregatik, "hori (oihuena) ez da titularra, gehiengo soziala kalera atera zela baizik".
Barrenaren ustez, "argi dago hedabide espainiarren artean (oihuekin) asko tematu direla, EAJri egurra emateko, eta ezker abertzalea haserre dago horren aurrean; izan ere, bazkideari eraso egiten badiote, guri ere erasotzen digute".
"Boulevard" Radio Euskadiko saioan egindako elkarrizketa batean, Barrenak hizpide hartu du EAJrekin oihuen harira piztutako polemika; izan ere, manifestazioa isila izatea adostu zuten, eta buruzagi jeltzaleak deseroso agertu ziren amnistiaren aldeko oihuen aurrean.
Hori horrela, ezker abertzaleak hartutako konpromisoak "bete" egin zituela esan du, baina norbait "deseroso" sentitu bazen, Sortu ere "deseroso" sentitzen dela nabarmendu du, hori ez zelako ezker abertzalearen "asmoa".
Nolanahi ere, oihuon aldarriak "euskal presoak Euskal Herrira" izan zirela gogorarazi du Barrenak, "eta ez dut uste hori inorentzat erasokorra izan daitekeenik".
"Judo politikoa"
Barrenaren hitzetan, larunbateko martxa "judo politiko" ariketa bat izan zen, eta, horrekin, euskal gizarteak Espainiako Gobernuari eta PPri "bake-prozesua urratzea" galaraziko diela ohartarazi die.
"Aro politiko berriak aurrera egiten jarraituko du, Barne ministroaren, PPren eta indarkeriarik gabe ahulagoak direla jakinda bakea ez errotzea nahi dutenen gogoz kontra ere", azpimarratu du.
Ezker abertzaleko bozeramaileak berretsi egin du Bilboko martxak "aro berria" zabaltzea espero duela, eta bake-prozesuaren alde "dena" emateko deia egin die herritarrei.
Arantza Zulueta, "bakearen aldeko aktiboa"
Bestalde, Arantza Zulueta abokatua "bakearen aldeko aktiboa" dela aldarrikatu du. "Erakutsi egin zuen Durangoko agerraldian, ezker abertzaleko militante gisa, eta euskal preso politikoen defentsaren esparruan egindako lanarekin; erreferentea izan da beti gurea den sektore horretan", gaineratu du.
Hainbat hedabidek Zulueta presoek legaltasuna onartzeko oztopo izan dela esan badute ere, informazio horiek "polizia operazioaren parte" direla esan du Barrenak.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.