Kultura, kirol eta enpresa munduek Iñaki Azkuna goretsi dute
Iñaki Azkuna Bilboko alkate ospetsuaren heriotzaren aurrean, kultura, kirol eta enpresa munduek euren doluminak helarazi nahi izan dituzte:
Athletic taldeak doluminak helarazi ditu
Athleticek bere doluminak helarazi nahi izan dizkie Iñaki Azkunaren "albokoei eta ordezkatzen zuen instituzioari", eta familiaren nahigabearekin bat egin du, web orrialdean argitaratutako ohar ofizial baten bitartez.
"Gaurkoa dolu-eguna da gaurkoa Bilborentzat eta Bizkaiarentzat, baina baita ere esker onerako. Goian bego, alkate jauna", irakur daiteke futbol taldearen oharrean.
Galan: "Iberdrola, gaur, mila aldiz euskaldunagoa da Azkunari esker"
Ignacio Galan Iberdrolako presidenteak atsekabea erakutsi du Iñaki Azkuna Bilboko alkatearen heriotzagatik, eta, nabarmendu duenez, konpainia elektrikoa "gaur, Iñakiri esker, mila aldiz euskaldunagoa da, duela 110 urte (sortu zenean) baino".
Galanen hitzetan, "Azkunak paper erabakigarria jokatu du Euskalduna Jauregia egonkortzeko, tranbiaren etorrerarako, eta Alhondiga eta horrenbeste maite duen Athleticen San Mames berria eraikitzeko. Pertsona eta politiko moduan beharrezkoa da bere estilo propioa, tolerantea, irekia eta sen ona nabarmentzea".
Alex de la Iglesia: "Azkuna, agur laguna"
Bestalde, Alex de la Iglesia zinemagileak hitz batzuk eskaini dizkio Bilboko alkateari, Twiterreko bere kontuan: "Azkuna, agur laguna".
Merkataritza Ganberak Azkunaren izaera borrokalaria nabarmendu du
Bilboko Merkataritza Ganberak bere doluminak agertu ditu Iñaki Azkuna Bizkaiko hiriburuko alkatearen heriotzagatik, eta "pertsona karismatikoa eta borrokalaria, garai bat markatu duen herritar eredugarria" izan dela azpimarratu du.
Ohar batean, Azkunak Bilbo "mundura irekitako hiria" bilakatu duela adierazi du Ganberak. Bere alderdiarekin batera, Azkuna alkateak "aldaketa kudeatzen eta aukera guztiak aprobetxatzen jakin izan du, Bilbo eta bere garapena nazioarteko orbitan jartzeko".
Bilboko gotzaina: "Azkunak hileta-elizkizun umila eskatu zidan"
Mario Iceta Bilboko gotzainak azaldu duenez, Iñaki Azkuna Bilboko alkateak "hileta-elizkizun umila" eskatu zidan. Astelehenean izango da, Santiago katedralean.
Gotzainak alkatearekin igarotako azken uneak gogoratu ditu. Haren etxean izan ziren: "Hizketaldi sakona izan genuen. Mediku moduan, bere egoeraz kontziente zen, eta mundu honetan bizitzen ari zen azken pasarteetan zela bazekien".
EiTB: 'Oso hurbil eta eraginkor izan dugu beti Azkuna'
EiTBren izenean, Maite Iturbe zuzendari nagusiak bere dolumina agertu du Iñaki Azkunaren heriotzaren aurrean. "Oso hurbil eta eraginkor izan dugu beti Iñaki Azkuna alkatea EiTBn: gure hedabideetan parte hartzeko eta laguntzeko beti prest".
"Bilboko egoitza honetara etortzeko bidea zabaldu eta laguntza handia eskaini zigun. Une zailetan ere, ETAren atentatua jasan genuenean, gure artean izan zen EiTB isildu ez zedin. Karisma handiko alkatea izan da", gaineratu du.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.