Urkullu: 'Iñaki, alkate jauna, ohore handia izan da'
Eusko Jaurlaritzak bere "atsekaberik sakonena" adierazi nahi izan du Iñaki Azkuna Bilboko alkatearen heriotzaren aurrean, eta "urteotan, gaixo egon arren, erakunde instituzionalarekin zuen konpromisoa eta bilbotarrei ematen zien zerbitzua" nabarmendu du.
Azkuna 71 urterekin eta 1999tik Bilboko alkate zena hil da, "bere familiarekin batera", 2003an diagnostikatu zioten minbiziaren ondorioz, Bizkaiko Udalak jakitera eman duenez.
Eusko Jaurlaritzak "doluminak" helarazi dizkie senideei, eta uneotan "familiak bizi duen tristurarekin bat" egiten duela azaldu du.
Ohar batean Eusko Jaurlaritzak azaldu duenez, "Euskadiko demokraziaren lehenengo urte haietatik hasita, langile nekaezina izan da euskal gizarteak egun osasun zerbitzu propioa, publikoa, unibertsala eta kalitatezkoa izan dezan; Bilbo eraldatu eta hiri modernoa izan dadin; eta Euskadik aurrerapena eta ongizatea lor ditzan".
Iñigo Urkullu lehendakariak hitzok idatzi ditu Twitterreko kontuan: "Elkar agur esan genuen moduan: "Iñaki, alkate jauna, ohore handia izan da".
Beste agintari batzuen erreakzioak
Jose Luis Bilbao Bizkaiko ahaldun nagusiaren hitzetan, Azkunaren ondorengo etorkizuna “ona izango da Bilborentzat eta Bizkaiarentzat” alkateak utzi duen “aztarnari” esker.
Odon Elorza Donostiako alkate ohiaren iritziz, “Euskadiko eta euskal herritar guztien” alkatea zen Azkuna. Haien arteko harremana “oso ona” zela gaineratu du Elorzak.
Jose Antonio Ardanza lehenadakariak gogoratu du berak izendatu zuela Azkuna Osasun sailburu. Ardanzaren ustez, “oso zaila” izango da beste hautagai batek munduko alkate onenaren saria berriro lortzea.
Azkunaren heriotza deitoratu du Juan Jose Ibarretxe lehendakariak. Ibarretxeren hitzetan, "algara eta lan ugariren oroitzapen asko ditut lagunarekin". "Une oso tristea da", erantsi du beilatokiaren sarreran.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.