Gerra zibila 'eragin dezaketen' jarrerak gainditzeko eskatu du Roucok
Estatuko buruzagi guztiek Adolfo Suarezen senitartekoekin bat egin dute hileta-elizkizunean. Adolfo Suarezen ereduari jarraitzeko eskatu du Rouco Varela kardinalak, espainiarren eta "erkidego historikoen" arteko elkartasuna bermatzeko eta gerra zibila "eragin dezaketen" jarrerak gainditzeko.
Kataluniaren inguruko eztabaida aipatu gabe, Suarezen bizitzatik ondorioak ateratzeko eskatu du Madrilgo artzapezpikuak. "Espainiaren ongizateari, orainari eta etorkizunari begiratu zion", adierazi du Roucok. "Berarekin konkordia posible izan zen; zergatik ez da orain posible izango, eta beti, espainiarren, familien eta erkidego historikoen artean?", galdetu du.
"Eskuzabal eta tinko Espainiako politika eta gizarte esparruak adiskidetzea bilatu eta lortu zuen, gerra zibila betiko gainditzeko, gerra eragin zuten gertakariak eta jarrerak gainditzeko, berriz ere eragin dezaketelako", azaldu du artzapezpikuak sermoian. Mila lagun inguru bildu dira estatu-hiletan, Almudenako katedralean.
Erkidegoetako presidente guztiak Madrilgo katedralean izan dira demokraziako lehen presidenteari omenaldia egiteko. Asturiasko printze-printzesak, Espainiako errege-erreginak, Estatuko erakundeen arduradunak eta Espainiako Gobernuko kide guztiak izan dira bertan.
Besteak beste, Jose Luis Rodriguez Zapatero, Jose Maria Aznar eta Felipe Gonzalez presidente ohiak, Teodoro Obiang Ekuatore Gineako estatuburua, Jose Manuel Durao Barroso Europako Batzordeko presidentea, Abdelilah Benkiran Marokoko gobernuburua, Nick Clegg Erresuma Batuko lehen ministroordea eta Paulo Portas Portugalgo lehen ministroordea hiletan izan dira.
Jose Luis Rodriguez Zapatero, Jose Maria Aznar eta Felipe Gonzalez presidente ohiak. Argazkia: EFE
Dolumina
Hiletaren amaieran, Espainiako errege-erreginek, Asturiasko printze-printzesek, Mariano Rajoy Gobernuko presidenteak, herritarrek eta atzerriko buruzagiek atsekabea erakutsi diete Suarezen senideei.
Juan Carlos I.a aldare nagusiaren alboan eserita zegoen, eta senitartekoei bihotza arintzen aurrena izan da. Erregeak Adolfo Suarez Illana besarkatu du, eta haren familiako haurrekin maitekor azaldu da. Adolfok, presidente ohiaren bilobak, liturgiaren lehen irakurketa egin du zeremonian.
Adolfo Suarez Illana eta Juan Carlos I.a erregea. Argazkia: EFE
Erregearen alboan erregina eseri da, Felipe eta Letizia printze-printzesak ondoan zituela, eta Rajoyk Elvira Fernandez emaztearekin batera jarraitu du hileta.
Zure interesekoa izan daiteke
Harrera hunkigarria egin diote Donostian Mikel Zabalzaren omenezko autobus martxari
Guardia Zibilak duela 40 urte hil zuen autobus gidari nafarraren kasua oroitzeko ekimenaren amaieran, ekitaldia egin dute igande eguerdian Boulevardean. Zabalzaren senideek egia eta justizia eskatu dituzte bertan.
CAFen aurkako protesta egin dute Donostian, eta Israelekin negoziorik ez egiteko eskatu diote
Euskotrenen geltokian egin dute protesta, eta trenen zirkulazioa eten dute zenbait minutuz, trenbidearen gainean pankartak jarrita. Joseba Alvarez protestarien ordezkariak azaldu duenez, “ezin da horrelako proiektu bat aurrera eraman sionismoarekin kolaboratu gabe”, eta horregatik eskatzen diote CAFi bertan behera uzteko Israelekin egindako trenen proiektua.
Sanchezek gobernatzen jarraitzeko nahia agertu du, "egoera zail hau gorabehera"
Caceresen egindako mitin batean, buruzagi sozialistak azpimarratu du PSOE "irmotasunez eta gardentasunez" aritu dela ustelkeria eta sexu-jazarpen kasuen aurrean. Sumar koalizio gobernuko kideak eta inbestidurarako beste bazkide batzuek, EAJk kasu, auzitan jarri dute gobernagarritasuna, eta Sanchezen gaineko presioa areagotu dute.
CAFen aurkako protestan atxilotutako pertsonak ertzain-etxean jarraitzen du, eta ez du bere burua identifikatu nahi, Ertzaintzaren arabera
Protesta larunbat eguerdian egin zuten, Bilboko erdigunean, CAF euskal enpresari Israelekin dituen kontratuak bertan behera uztea eskatzeko. Protestan, lau ertzain eta manifestari batzuk zauritu ziren.
Auzitegi Nazionala Tubos Reunidosen kontratu bat ikertzen ari da, Leire Diazi ustez eskupekoak emateagatik
Guardia Zibilaren txostenaren arabera, 113 milioi euroko kontratu baten esleipena azkartzeko, komisioak ordaindu zizkion enpresak. Nafarroako Erri Berri enpresarekin egindako beste kontratu bat ere badago ikerketapean.
Gure Eskuk "gehiengoaren borondatea ikuspegi alderdikoien gainetik jartzea" eskatu du eta erabakitzeko eskubidea aldarrikatu du
Erabakitzeko eskubidearen aldeko plataformak Bazkideen Batzarra egin du Gasteizen. "Eragile politiko eta sozialek ardura eta anbizioz jokatu behar dute une historiko honetan burujabetza osoaren bidean urrats sendoak egiteko", adierazi dute.
CAFen kontrako protesta batek Bilboko tranbia geldiarazi du eta Ertzaintzak pertsona bat atxilotu du
Atxilotuak identifikatzeari uko egin dio, Segurtasun Sailaren arabera. Atxilotzeko unean liskarra sortu da, eta Ertzaintzaren lau agente zauritu dira. Protestaren deitzaileek jakinarazi dutenez, hainbat pertsona zauritu dira, jasotako kolpeen ondorioz.
Bilboko tranbiaren zerbitzua eten dute CAFek Israelekin dituen kontratuak etetea eskatzeko
"Boikot Israel. Palestina askatu" lelopean, dozenaka pertsona tranbiaren errailetan etzan dira, bidea oztopatzeko. Ertzaintzak pertsona bat atxilotu du, eta hainbat pertsona zauritu dira, kolpeak hartuta.
EAJ eta PSOE "bereizezinak" direla uste du PPk: "Interes pribatuen mesederako koalizioa da"
Euskadiko PPk Gabonetako bazkaria egin du gaur Gasteizen, eta Miguel Telladok eta Javier De Andres EAEko PPko presidenteak EAJri zuzendu dizkiote kritikak.
Andueza: "Aurrekontu akordioak lortzea Euskadiren alde jokatzea da, horren alde lan egitea"
Eneko Andueza PSE-EEko idazkari nagusiaren arabera, Eusko Legebiltzarrean eta beste erakundeetan sozialisten babesarekin onartu diren edo onartuko diren aurrekontuek argi erakusten dute sozialistak, beste batzuek ez bezala, ez daudela denbora galtzen.