Muñecas torturengatik Argentinara estraditatzea atzera bota du ANk
Frankismo garaian torturak egin zituelakoan Jesus Muñecas Aguilar guardia zibil ohia Argentinara estraditatzea atzera bota du Auzitegi Nazionalak. Epailearen iritzian, Muñecas kapitainari egozten zaizkion delituak preskribatuta daude eta delitu horien atzean genozidiorik ez dago.
Auzitegi horretako hirugarren sekzioak bere ebazpenean argudiatu duenez, guardia zibil ohiari egozten zaion delitua ( torturak egitea) egin eta hamar urtera preskribatzen da. Muñecasen aurkako prozedura judiziala 2O12an abiarazi zuten Argentinan. Hori dela eta, ANn kasua aztertu duen epaileak uste du "preskribatzeko epea gaindituta dagoela".
Bestalde, Argentinan zabalduta duten ikerketan Muñecasi leporatzen dizkioten ekintzen atzean "genozidio deliturik" ez dagoela gaineratu du epaileak.
Alfonso Guevara, Guillermo Ruiz Polanco eta Maria Angeles Barreiro magistratuak Muñecasen estradizioaren aurka azaldu dira zazpi orrialdeko auto batean. Muñecasen eta "antzeko ekintza gaitzesgarriak egin dituzten beste pertsonen artean" loturarik ez dagoela argudiatu du epaimahaiak.
Gainera, "Muñecasek Argentinarekin loturarik" ez duela erantsi dute magistratuek.
1968ko abuztuan, Zarautzeko Guardia Zibilaren kuartelean, Andoni Arrizabalaga torturatzea egotzita, Muñecas entregatzeko eskakizuna egin zuen Maria Servini Argentinako epaileak.
Honenbestez, behin-behineko neurriak kendu dizkio aretoak Muñecasi; izan ere, pasaportea kendu, Espainiatik ateratzea debekatu eta epaitegietan astero aurkezteko agindua eman zioten. 1981eko estatu-kolpean parte hartzeagatik bost urteko kartzela-zigorra ezarri zioten Muñecasi, eta guardia zibiletik kanporatu zuten.
Estatu-kolpearen azken urteurrenean, Valdemoroko Guardia Zibilaren kuartelean, bazkaria antolatu zuen Antonio Tejero kolpistaren semeak, eta Muñecas bertan izan zen. Bazkari horren ondorioz Tejero kargutik kendu zuten.
Albiste gehiago politika
Nafarroako herri lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina edo Jose Luis Abalosek agerraldia egiteko eskaerak. Agerraldiak urriaren erdialdean hasiko dira.
Santos Cerdanek errugabea dela adierazi du: "Ez dut UCOk esan duen ezer egin"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du bera ez dela Koldo edo Jose Luis Abalosekin izandako elkarrizketetan egon, eta gaineratu du hura ez omen dela bere ahotsa.
Nafarroako PPren presidenteak curriculumeko datu faltsu bat zuzendu du Parlamentuaren webgunean
'Diario de Noticias' egunkariaren arabera, Javier Garciak bere fitxa aldatu du Nafarroako Parlamentuan, inoiz egin omen ez duen gradu baten izena aldatzeko.
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.