Fernandez Diaz: 'ETA presoak eta gutxi gehiago da, hilzorian dago'
Jorge Fernandez Diaz Barne ministroaren hitzetan, ETA gaur "bere presoak eta gutxi gehiago da". Horregatik, porrota eta "hilzorian" dagoela onartzeko eskatu dio ministroak ETAri, behin betiko desagertzea erabakitzeko.
Relatos de plomo. Historia del terrorismo en Navarra 1960-1986 liburuaren aurkezpenean, Senatuan, egin ditu adierazpenak. Aspalditik ETAren ahultasuna nabarmena dela azpimarratu du Fernandez Diazek, segurtasun indarren lanari esker.
"ETA gaur indarkeria laga zuenean baino askoz ahulago dago. Hiltzear dago", nabarmendu du Barne ministroak. Fernandez Diazen ahotan, ETA gaur "bere presoak eta gutxi gehiago da, seguru nago".
Horregatik, ETAk berehala desagertu behar duela eta porrot egin duela onartu behar du, azaldu duenez. "Ez du zeresanik Nafarroan eta Euskadin, ezta Espainian ere", erantsi du.
"Egoera onartzen ez baldin badute, ulertarazi egingo diegu; ulertzen duten hizkuntza bakarra delako", azpimarratu du ministroak Pio Garcia-Escudero Senatuko presidentearen, Yolanda Barcina Nafarroako presidentearen eta ETAko biktima batzuen aurrean.
Negoziazioari, uko
Fernandez Diazen esanetan, "historiako une honetan Gobernuaren politika argi dago", ETAren aurkako borrokan: "Sekula" ez negoziatu eta ETAko ustezko kideak atxilotzen jarraitu.
"Pistola argudio bezala duen erakunde terrorista batekin negoziatzerik ez dago. Aukera bakarra porrota onartzea dute, bestela borrokan jarraituko dugu", gaineratu du. Legealdia hasi zenetik ustezko 100 terrorista baino gehiago atxilotu dituztela goraipatu du ministroak.
Terrorismoaren benetako kontakizuna egin behar dutela azaldu du Barne ministroak, biktimei justizia egiteko; izan ere, batzuek "euren kontakizuna inposatu nahi digute".
Amaiur
Xabier Mikel Errekondo Amaiurreko bozeramaileak Barne ministroari erantzun dio. Fernandez Diazen "traza moral eskasa" kritikatu du Errekondok.
"ETA, negarrez kartzelan dauden presoak dira", ziurtatu du ministroak gaur. "Negar egitea sufritzen ari diren gizakien" jokabide logikoa dela aurpegiratu dio Amaiurreko diputatuak ministroari.
"Bakearen aldeko apustua maiuskulekin" egiteko eskatu die Errekondok Fernandez Diazi eta Gobernuari. Era berean, konponbiderako prozesua "elkarbizitzan eta elkarrekiko errespetuan" oinarritzeko eskatu die.
Zure interesekoa izan daiteke
Lore eskaintza Eusko Legebiltzarrean Memoriaren Eguna ospatzeko
EAJko, EH Bilduko, PSE-EEko eta Sumarreko legebiltzarkideek lore-eskaintza egin dute biktimei eskainitako "Gauerdiko Iparrorratza" eskulturaren aurrean. PPk eta Voxek ez dute parte hartu, horrelako ekintzek biktima mota eta indarkeria mota desberdinak "nahasten" dituztelako. Lore eskaintzaren ostean, Etxeratek salbuespen politikek eragindako biktimak gogoratzeko egin duten bilkuran parte hartu dute EH Bilduko legebiltzarkideek .
Perez Iglesiasek "arrazionaltasun" falta ikusten du EHUren eskaeretan, eta zalantzan jartzen du "adostasunerako tartea" dagoenik, "hain maximalistak" izanda
Eusko Jaurlaritzako Zientzia, Unibertsitate eta Berrikuntza sailburu Juan Ignacio Perez Iglesias EHUko errektore Joxerramon Bengoetxearekin izango duen bilerara joango da, "guztiaz hitz egiteko", esan duenez, eta, bere ustez, EHUren eskarietan falta den "arrazionaltasuna sartzeko" asmoz, "zenbatekoari, prozedurei eta epeei" dagokienez. Hala ere, onartu du kezkatuta dagoela "zein den benetan akordioak" lortu ahal izateko "marjina" hain "planteamendu maximalistarekin". Bengoetxeak euskal unibertsitate publikoaren finantzaketari buruz egindako adierazpenak direla eta, azken egunotan EHUko errektorearekin izandako desadostasunen ondoren, sailburuak azaldu du, Radio Euskadiri eskainitako elkarrizketa batean, "askotan" komunikatu direla biak, eta "tonua murrizteko beharra" aipatu dutela. Jatorrizko adierazpenak, gaztelaniaz.
Albiste izango dira: Memoriaren eguna, COP30 goi bilera Brasilen eta azaroaren 25eko kanpainaren aurkezpena
Gaurkoan Orain-en albiste izango direnen laburpena, bi hitzetan.
Aste erabakigarria eskualdatzeko dauden transferentziak ixteko
Eusko Jaurlaritzak eta Espainiako Gobernuak bilerak egingo dituzte asteartean eta asteazkenean, eskualdatzeko dauden eskumenei buruz lan egiteko. Maria Ubarretxenak nahi du urrian aurkeztutako hamar proposamenei lehen erantzuna ematea eta urtea amaitu baino lehen eskualdaketak bizkortzea.
Memoriaren Eguna ospatuko da gaur, eta Eusko Legebiltzarrean eta euskal hiriburuetan ekitaldi instituzionalak egingo dira
Memoriaren Eguna ospatuko da gaur, eta hainbat ekitaldi instituzional eigingo dira terrorismoaren eta indarkeriaren biktimak oroitzeko. Eusko Legebiltzarrak omenaldiarekin irekiko du jardunaldia, 10:00etan, eta, ondoren, Eusko Jaurlaritzak eta Gogora Institutuak ekitaldi nagusia antolatu dute Gasteizen, eguerdian.
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.