Dispertsioaren ondorioz 16 pertsona hil direla salatu du Etxeratek
Etxerat ETAko presoen senideen elkarteak salatu du “dispertsioaren ondorioz” 16 pertsona hil direla azken 25 urteetan. Horrez gain, presoak ikusi ahal izateko, senideek urtean 19.653 euro gastatzen dituztela kritikatu dute.
Etxeratek agerraldia egin du gaur Donostian, “dispertsioa modu orokor, sistematiko eta kolektibo batean” aplikatzen hasi zirenetik 25 urte bete direnean.
Patricia Belez eta Urtzi Errazkin bozeramaileek adierazi dutenez, Espainiako Gobernuak 1989. urtean adostutako neurri horrek “16 pertsona hil ditu”.
Elkarteak salatu duenez, dispertsioak ehunka istripu eragin ditu azken 25 urteetan eta, errepidean, bisitetatik joan-etorrian, 16 lagun hil direla esan du. “Istripu horiek ez dira kasualitatea, kausalitatea baizik”.
Etxeraten ustez, dispertsioak “eskubide urraketa bikoitza” dakar, “presoen eskubideak urratzeaz gain, senideen eskubideak ere urratzen dituelako”.
Senideak senide izateagatik “zigortu” egiten dituztela salatu du; “zigor fisikoa, zigor psikologikoa eta, gizarte alorrean, baita alor ekonomikoan zigortzen gaituzte; astebururo, batez beste, 1.500 bat kilometro egitera behartzen gaituen zigorra”.
Elkarteak gogora ekarri duenez, dispertsioa martxan jarri zen arte, euskal preso gehienak hiru espetxetan sakabanatuta zeuden: Carabanchelen emakumezkoak eta Alcala Meco eta Herrera de la Manchan gizonezkoak. 1989. urtean, hiru espetxetan egotetik 78 espetxetan egotera igaro zirela gogoratu du Etxeratek.
Elkartearen datuen arabera, lau dira Euskal Herriko espetxeetan dauden euskal presoak. Horrela, egun, espetxean dauden 491 presoak Espainiako 51 espetxetan eta Frantziako 27tan daude.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.