Madinak hautagai izatea aztertuko du "militanteen boto zuzena bada"
Eduardo Madina diputatu sozialistak adierazi du uztailean egingo den kongresuan PSOEko idazkari nagusi izateko hautagaitza aurkezteari buruzko gogoeta egingo duela "aukeraketa militanteen boto zuzenarekin egiten bada".
Kongresuko korridoreetan egin du iragarpena, eta sozialistek "goi-mailako" kongresu federal bat behar dutela nabarmendu du.
Madinak esan du hauteskunde primarioak egitearen aldekoa dela, baina Alfredo Perez Rubalcaba PSOEko idazkari nagusiaren erabakia errespetatzen duela gaineratu du, hark idazkari nagusia hautatzeko kongresu federal bat deitzea erabaki ondoren.
Nolanahi ere, Rubalcabaren ondorengoa kongresu federal horretako delegatuek hautatu beharrean, militante guztiek hautatzea nahiko lukeela azaldu du, Galiziako Alderdi Sozialistak Batzorde Federalaren baimenarekin egin zuen legez.
"Militanteen parte-hartzea eta erabakiak uztartzeko" kongresu bat eskatu du Madinak; izan ere, "herritarrek igandean bidali ziguten mezua ulertu dugula erakutsi behar dugu, eta herri honi aurrera egiteko balioko dioten txostenak eta erabakiak jasoko dituen proiektu bat egin behar dugu", gaineratu du.
Horren ustez, "parte-hartzea eta gizartearentzako proposamena uztartzeak" PSOE "kongresu horretatik aurrera haztea eragingo du, ondoren primarioak egin eta hauteskunde orokorrak irabazteko".
Euskal diputatuak ez du hautagai izan litezkeen gainerakoekin hitz egin, baina Patxi Lopezekin bai izan da harremanetan, Lopezek ere PSE-EEren ezohiko biltzarra deitzeko erabakia hartu ondoren. Eta dagoeneko aurreratu dutenez, biltzar horretan boto zuzena baliatuko dute.
Albiste gehiago politika
Pradalesek eta Chivitek sinatutako lankidetza protokolo berriak mugikortasunari, trafikoari eta kulturari lotutako berrikuntzak dakartza
Protokolo berriak osasuna, industria eraldaketa, kultura eta euskara ditu ardatz. Guztira, 42 lankidetza arlo biltzen ditu, aurreko akordioak baino 13 gehiago.
Melgosak dio Bernedoko kanpamentuko arduradunek legea urratu zutela, jarduerak "modu klandestinoan" antolatuta
Bernedoko kanpamentuan gertatutakoaren eta ustezko delituen erantzukizuna antolatzaileei leporatu die Nerea Melgosa Eusko Jaurlaritzako Ongizate, Gazteria eta Erronka Demografikorako sailburuak; izan ere, jarduera horiek "modu klandestinoan" antolatu zituzten. "Dena dela, errugabetasun-presuntzioa gorde behar da, epaiketa paralelorik gabe", gaineratu du.
EH Bilduk eta BNGk bilera egin dute Bilbon, egungo egoera politikoa aztertzeko
EH Bilduko eta BNGko ordezkariek bilera egin dute gaur goizean Bilbon, koalizio abertzalearen egoitzan, egungo egoera politikoa eta nazioarteko egoera aztertzeko.
Berriozabal: "Hau ez da EAJren eta PSE-EEren arteko harreman arazo bat, Anduezak EAJrekin hartu duen jarrera baino ez da"
Eneko Anduezaren adierazpenak gorabehera, EAJren eta PSE-EEren arteko harremana ona dela nabarmendu du Jone Berriozabal EAJren Araba Buru Batzarreko presidenteak.
Pradalesek eta Chivitek lankidetza protokolo berria berrituko dute ostiral honetan osasun, industria, kultura eta euskara arloetan
Akordioa 2021ean sinatutakoa ordezkatuko du, eta Gasteizen sinatuko da, bi gobernuek elkarrekin egingo duten ekitaldi batean, 29 eremu estrategikotan lankidetza zabaltzeko asmoz.
Osakidetzak bere gain hartuko ditu haurdunaldiaren borondatezko eteteak, progresiboki, baliabide propioekin
Gaur egun, Euskadiko emakume guztiek ziurtatuta dute doako zerbitzu hori, "berdintasunean, unibertsaltasunean eta osasun-sistemaren baitan", egiaztatutako klinikekin lankidetzan.
Pasaiako portuaren kudeaketa Jaurlaritzak izatea defendatu du Mendozak: "Ona da portuarentzat eta lehiakortasunarentzat"
Pasaiako portuaren harira EAJren eta PSE-EEren artean sortu den eztabaidaren harira, Eider Mendoza Gipuzkoako ahaldun nagusiak adierazi du eskumen hori jasota dagoela Gernikako Estatutuan, eta Eusko Jaurlaritzak osorik kudeatuta, behar diren inbertsioak egingo dituela.
Eider Mendozak Bidegi auziari bukaera emateko eskatu du, eta "politika egiteko modu hau" uzteko eskatu dio EH Bilduri
Eider Mendoza Gipuzkoako ahaldun nagusiak Bidegi auziari buruzko iritzia eman du Euskadi Irratian egindako elkarrizketa batean. "Politika egiteko modu hau" alde batera uzteko eskatu dio EH Bilduri, auziak sufrimendua sortzen baitu.
Pasaiako portuari interes orokorreko izaera kentzea baztertu du Anduezak
Eneko Andueza PSE-EEko idazkari nagusiak ez du begi onez ikusten Pasaiako portuari interes orokorreko izaera kentzea. Maria Ubarretxena Eusko Jaurlaritzako Gobernantza, Administrazio Digital eta Autogobernuko sailburuak, besteak beste, eskaera hori egin dio Angel Victor Torres Espainiako Gobernuko Lurralde Politikako ministroari.
Azpeitiko epaitegiak atzera bota du EH Bilduren helegitea eta berretsi du ez zela irregulartasunik egon AP-1eko lanetan
Iazko otsailean, artxibatu egin zuen Bidegi auziko lehen kereila, eta EH Bilduk helegitea aurkeztu zuen horren kontra. Hirugarrenez ebatzi du justiziak EAJk Aldundia gobernatzen zuen garaian ez zela irregulartasunik egon AP-1 autobidea eraikitzeko lanetan.