Espainiako erregeak Koroari uko egin dio
Juan Carlos I.a Espainiako erregeak Koroari uko egingo dio Felipe Asturiasko printzearen mesedetan. Hala iragarri du Mariano Rajoy Espainiako Gobernuko presidenteak gaur goizean Moncloa Jauregian egindako ezohiko agerraldian.
Eguerdian, berriz, Juan Carlos I.enak telebista bidez emititu den adierazpen instituzionala egin du Zarzuela Jauregian bere erabakiaren xehetasunak azaltzeko. "Aro berri bati hasiera emateko garaia iritsi delako" egin diola uko Koroari nabarmendu du.
Rajoyk ezohiko Gobernu bilera deitu du astearte honetarako, erregearen abdikazio prozesua abiatzea ahalbidetuko duen Lege Organikoa onartzeko, Konstituzioaren 57.5 artikuluak zehazten duen moduan.
Erregearen erabakiak aurreikusita ez dagoen eta Espainian demokrazia ezarri zenetik aurrekaririk ez duen egoera sortu du. Areago, gai honen inguruan Konstituzioak berak dioenaren inguruan ere interpretazio ezberdinak egin dituzte adituek. Nolanahi ere, Rajoyk argi adierazi du abdikazio prozesua 57.5 artikuluaren arabera egingo dutela.
Konstituzioaren 57. artikuluak ondokoa dio, hitzez hitz:
"Espainiako Koroaren oinordekoak izango dira Borbongo don Juan Carlos I maiestate horren ondorengoak, hura baita dinastia historikoaren jaraunsle legitimoa. Tronu-oinordetzak premutasun eta ordezkaritzaren inguruko hurrenkera erregularra beteko du, eta aurreko lerroak lehentasuna izango du beti gerokoei begira; lerro berean, hurbilekoak lehentasuna izango du urrunekoari begira; gradu berean, gizonezkoak emakumezkoari begira; eta, sexu berean, zaharrenak gazteenari begira."
"Printze oinordekoak, jaiotzatik bertatik edo deia eragin duen egitate horretatik, Asturiasko Printzearen tratamendua izango du, bai eta Espainiako Koroaren ondorengoari tradizioz loturik dauden gainerako tituluak ere."
Rajoyren agerraldia
"Erregea konbentzituta dago Estatuko buruzagitza uzteko unerik egokiena dela eta kargu aldaketa hori normaltasunez gauzatuko dela", azaldu du Rajoyk.
"Erregetzan izan den 39 urteetan espainiarren topagune izan da, elkarbizitzaren, bakearen eta askatasunaren ikurra", erantsi du.
Horrez gain, "demokraziaren bultzatzaile nagusia" izan zela ere adierazi du. "Espainiako Erreinuaren bozeramaile eta irudi onena izan da munduan, eta Espainiaren interesak eta espainiarren ongizatea defendatu ditu beti", erantsi du.
(Juan Carlos I.ak Koroari uko egiteko agiria sinatu duen unea. Argazkia: EFE )
Bestalde, Rajoyk erabateko konfiantza agertu dio Asturiasko Printzeari eta errege izateko prestatuta dagoela nabarmendu du. "Azken 20 urteotan beharrezkoa den esperientzia hartu du, eta bere trebakuntza eta irudia kontuan izanda, errege izateko prest dago; kargu horrek eskatzen duen maila emango du", esan du.
Gauzak horrela, abdikazio prozesua "normaltasun osoz eta oreka instituzionala bermatuta" egingo dela adierazi du.
39 urtez Erregetzan
Erregeak joan den urtarrilean hartu zuen koroari uko egiteko erabakia. "Gogoeta sakon baten ondorioz" hartutako erabakia dela zehaztu du Errege-etxeak.
Mariano Rajoyk eta Alfredo Perez Rubalcabak martxoan jakin zuten Juan Carlos I.ak Koroari uko egiteko erabakia hartu zuela.
Juan Carlos I.ak 76 urte ditu eta 1975eko azaroaren 22an izendatu zuten Espainiako errege.
Felipe Borbondarrak (46 urte) 1977ko urtarrilean hartu zuen ofizialki Asturiasko Printze kargua. Felipe VI.a izena hartuko du.
(Erregearen abdikazioaren agiria. Argazkia: EFE)
Zure interesekoa izan daiteke
Alkatetzak argituta, Euskal Hirigune Elkargorako lehia irekitzen da orain
Apirilean erabakiko da zein izango den Ipar Euskal Herriko erakunde administratiboaren lehendakari berria. Jean Rene Etchegaray Baionako alkatea izan da 2017tik karguan, baina Iriart zein Etxeleku ere hautagai izan daitezke.
Baionako auzapez izaten jarraituko du Etchegarayk, Blanco estreinatuko da Biarritzen, Etxeleku Kanbon, eta EH Baik babesten duen Horn Bokalen
Orain arteko auzapezek errepikatuko dute Hendaian, Donibane Lohizunen, Azkainen, Maulen eta Beskoitzen. EH Baik Urruña galdu du.
Chivitek, UPNk eta PPk gogor gaitzetsi dute Korrikan ETAren aldeko ikurrak erakustea
Korrika Txantreatik (Iruñea) igaro denean, lekukoa zeramaten bi lagunek ETAko bi presoren argazkiak erakutsi dituzte, eta horrek UPNren, PPren eta Maria Chivite Nafarroako presidentearen haserrea eragin du.
Egiari Zor Fundazioak Pasaiako sarraskiko biktimak omendu ditu, hil zituztenetik 42 urte bete direnean
Estatuko Segurtasun Indarrek Komando Autonomo Antikapitalistetako lau kide hil zituztela 42 urte bete dira gaur, eta horren kariaz Egiari Zor Fundazioak ekitaldia egin du Azpeitian, biktimen jaioterrian, haien lagun eta senideekin batera.
Otxandianok "bakearen ekonomiaren aldeko lidergo politiko sendo baten falta" leporatu dio Pradalesi
Eusko Legebiltzarreko EH Bilduren bozeramaileak kritikatu egin du Mikel Torres Ekonomia sailburuak "armagintza-industria babestu eta garatzearen alde" egin zuela.
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.