Rubalcaba PSOEko ahots errepublikanoak baretzen saiatuko da gaur
PSOEk Diputatuen Kongresuan duen taldeak bilera egingo du gaur, eta Alfredo Perez Rubalcaba sozialisten idazkari nagusiak parte hartuko du bertan, Juan Carlos I.a erregeak abdikatzeko eta Felipe semea errege bihurtzeko prozesua babesteko argudioak defendatzeko, Europa Press agentziak jakinarazi duenez.
Horrelako bilerak Soraya Rodriguez bozeramaileak edo Eduardo Madina Talde Sozialistako idazkari nagusiak zuzendu ohi dituzte, baina gaurkoan Rubalcabak egingo du. Izan ere, hainbat diputatuk Monarkiari buruzko erreferendum bat egitea eta abdikazioari buruzko bozketan (bihar da egitekoa, Kongresuan) boto askatasuna edukitzea eskatu dute. Besteak beste, Odon Elorza Donostiako alkate ohia, Guillem Garcia Gasulla balearra eta Federico Buyolo alacantarra daude horien artean.
Hori horrela, Rubalcaba ahots errepublikanoak isiltzen saiatuko da gaur, PSOEk itun konstituzionala errespetatuko duela argudiatuta. Horrenbestez, ez du boto askatasuna onartuko.
PSOEren hurrengo idazkari nagusi izateko hautagaietako bat, Pedro Sanchez madrildarra, diputatu sozialistei boto askatasuna ematearen alde agertu da, baina berak abdikazio prozesua babestuko duela aurreratu du.
Baliteke Elorzak zuzendaritzaren agindua urratzea
Soraya Rodriguez PSOEko bozeramailearen ustez, parlamentari sozialista guztiek bete egingo dute zuzendaritzaren agindua. Dena dela, baten batek urratuko balu, argi geratuko litzateke nor izan den, ezkerreko alderdiek bozketa banan-banan eta ahoz egitea lortu dutelako.
Testuinguru horretan, zuzendaritzaren agindua urratu lezakeela iradoki du Odon Elorzak, "askatasun osoz eta bere kontzientziaren arabera" bozkatuko duela aurreratu baitu.
Zure interesekoa izan daiteke
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.
Pradales lehendakariak Tzitzikostas komisarioak Euskal Y-ari emandako "bultzada" txalotu du
Lehendakariak "plangintzatik gauzatzera pasatzea" eskatu du, eta, horretarako, beharrezkotzat jo du Parisko Gobernuaren inplikazioa eta konpromisoa. Gainera, 2026ko hasieran goi-bilera bat egitea espero du, "Euskadiren garapenerako lotura estrategiko" horretan aurrera egiteko.
EHUko errektorearen eta Unibertsitate sailburuaren arteko bilera pribatua izango da
Hitzordua, egin, egingo da: ez da data zehatza zehaztu, baina azaroaren 19a baino lehen izango da, orduan agertuko baita errektorea Eusko Legebiltzarrean.
Arnaldo Otegiren ustez, Ertzaintzak dena ondo egiten duela esateak "ez dio inolako mesederik egiten Ertzaintzari"
Arnaldo Otegi EH Bilduko idazkari nagusiak Ertzaintza "berreskuratzearen" alde egin du, horretarako beste polizia-eredu bat aplikatuz. Bere ustez, euskal gizartea gero eta gehiago ari da aldentzen Ertzaintzatik.
Estrasburgoko auzitegiak ebatzi du Espainiak ez zituela urratu Junqueras, Sanchez eta Turullen eskubide politikoak
Giza Eskubideen Europako Auzitegiak behin-behineko espetxealdiari buruz eta horrek eskubide politikoetan izan zuen eraginari buruzko iritzia eman du. Estrasburgon egoitza duen epaitegiak aho batez baztertu ditu auzi-jartzaileen argudioak eta kartzelan mantentzearen erabakia justifikatuta zegoela nabarmendu du.
Juntsek Espainiako Gobernuarekiko haustura formalizatu du: tramitean diren legeak eta gerora etor litezkeenak blokeatuko ditu, eta ez ditu aurrekontuak babestuko
Juntsek iragarri du osoko zuzenketak aurkeztuko dituela Espainiako Gobernuak legeak aurkezten dituen guztietan, kontrako botoa emango duela dagoeneko izapidetzen ari direnetan, eta ez dituela babestuko 2026rako aurrekontuak.
Unibertsitate sailburuak gaur deituko dio EHUko errektoreari, tentsioa baretzen saiatzeko
Unibertsitateetako sailburuak Radio Euskadin iragarri du "lehen orduan" jarriko dela harremanetan EHUko errektore Joxerramon Bengoetxearekin, 2026ko unibertsitate-aurrekontuari buruzko desadostasun publikoa ixteko bilera baten data zehazteko.
Pradales lehendakariak "gizartea aktibatzeko" deia egin du, euskal selekzioak ofizial izan daitezen aurrera egiteko
Imanol Pradales lehendakaria 41 euskal kirol federaziotako presidenteekin bildu da gaur arratsaldean. Bileran, selekzio horien ofizialtasuna sustatzeko moduaz hitz egin dute, Euskadiren nazioarteko proiekzioa indartzeko. Besteak beste, Pradalesek ziurtatu du ofizialtasunaren partida ez dela "bulegoetan soilik jokatzen”, eta motibazioaren eta aktibazio sozialaren beharra aldarrikatu du.
Delituen gorakadaz eta segurtasunaren pertzepzioaz aritu dira Bilbon, Basque Segurtasun Foroan
Segurtasun mota guztiei buruz aritu dira dinamika parte-hartzaile batean 50 eragile inguru, Bilboko alkatea eta Segurtasun sailburua buru izan dituen ekitaldian. Gizartearen sentimenduak kontuan hartuz egin behar den lana dela azpimarratu du Juan Mari Aburtok. Bingen Zupiriaren ustez, berriz, alderdi politiko batzuek nahita lotzen dituzte segurtasun eza eta migrazioa. Eztabaidari heldu eta modu gardenean aurre egiteko beharra nabarmendu du.