Erregea ez da joango Felipe VI.aren aldarrikapenera
Zarzuela Jauregiko bozeramaile batek iragarritakoaren arabera, Juan Carlos erregea ez da Felipe VI.aren errege aldarrikapenean izango, semeari protagonismo gehiago emateko. Halere, Errege Familia berriak herritarrei egingo dien agurrean izango da.
Ekainaren 19an 10:30etik aurrera egingo den ekitaldi garrantzitsuan honako hauek izango dira: Felipe eta Letizia errege-erreginak, horien alabarik nagusiena Leonor Asturiaseko printzesa eta haren arreba, Sofia infanta, Sofia erregina eta Felipe VI.aren arreba nagusia, Elena infanta.
Barne Ministerioak segurtasun neurri zorrotzak aurrikusi ditu datorren ostegunerako, ekainaren 19rako. Felipe VI.a errege aldarrikatzeko ekitaldirako aireko espazioa mugatuko dute, terrorismoaren aurkako alerta maila igoko dute, eta Madrilerako sarrera-irteerak kontrolatuko dituzte.
Segurtasun neurri bereziak izango dira, baita ere, Errege-etxean, erregearen segizioak egingo duen ibilbidean, eta Diputatuen Kongresuan. Bertan egingo dute aldarrikapena.
Ekainaren 19an
Felipe VI.aren errege aldarrikapena goizeko hamar eta erdiak eta hamaikak bitartean hasiko da, Jesus Posada Diputatuen Kongresuko presidenteak iragarritakoaren arabera.
Halere, Posadak gaineratu du ordutegia ez dagoela "behin betiko" zehaztuta, ezta errege-erregina berriekin eta Leonor eta Sofia beraien seme-alabekin Kongresuko tribunan jarriko duten oholtzan izango diren lagunen zerrenda ere. Zarzuela Jauregiko bozeramaile batek iragarritakoaren arabera, Juan Carlos erregea ez da Felipe VI.aren errege aldarrikapenean izango, semeari protagonismo gehiago emateko. Halere, Sofia erregina bertan izango da. Cristina infanta ez da ekitaldira joango, bai, ordea, eta Elena bere ahizpa.
Posadak baieztatu duenez, ez da gurutzerik izango errege-makila eta koroaren alboan. Juan Carlos I.aren koroatzean gurutzea izan zen.
Aldarrikapena bukatutakoan, Felipe VI. erregea eta Letizia erregina desfile militar bat ikustera joango dira, eta ondoren ibilbidea egingo dute ibilgailu batean Madrilgo erdiguneko zenbait kaletatik. Azkenik, harrera egingo diete Errege-etxean.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.