Rajoy: Amaiur ezin da demokraziari buruz aritu, ETA desegin arte
Mariano Rajoy Espainiako Gobernuko presidenteak Amaiurri esan dio ETAri desegitea eskatzen dionera arte eta bere hilketengatik barkamena eskatzen duenera arte, ezin dela demokraziari buruz aritu. Gainera, gogorarazi dio Espainiako Konstituzioak ez duela autodeterminazioa eskubidea jasotzen.
Kongresuko kontrol sesioan, Rajoyk Xabier Mikel Errekondo Amaiurreko diputatuari erantzun dio: koalizio abertzalearen parlamentariak euskal gizartearen "gehiengoaren" borondatea errespetatzea eta autodeterminazioari buruz erabakitzen uztea eskatu zuen. Errekondok adierazi du Gobernuaren "gainditu gabeko ikasgaia" demokrazia dela eta Rajoyk erantzun du: "Guk ez dugu gainditu gabeko ikasgairik demokrazian. Zuek ETAri desegiteko eskatu behar diozue eta azken urteotan egindako guztiagatik barkamena eskatu behar duzue".
Espainia demokrazian bizi dela azaldu dio Rajoyk Amaiurreko diputatuari eta horrela, bera Kongresura etorri daitekeela adierazpen-askatasun osoz. Demokrazia legearen eta Konstituzioaren inperioa dela esan du eta ez duela autodeterminazio eskubidea jasotzen, subiranotasuna Espainiako hiritarrengan dagoelako.
"ETAri desegitea eskatzen ez dioten bitartean, ez daude inori lezioak emateko moduan", azaldu du Espainiako presidenteak.
"Espainia demokrazia bat da eta pertsonen hainbat eskubide bermatzen dira. Espainia demokrazia bat da eta gaur hona etor zaitezke adierazpen-eskubide osoz, horrelako gauzak esateko bada ere", amaitu du.
Albiste gehiago politika
Antxon Alonso enpresariak ukatu egin du Cerdan Servinabarren bazkide zela
Epailearen aurrean egindako deklarazioan, Alonsok aitortu du PSOEko antolakuntza idazkari ohiak Servinabarren bazkide izateko dokumentua sinatu egin zuela, baina bazkidetza ez zela inoiz gauzatu. Horrekin batera, onartu du Abalos ministro ohiaren fundazioari 4.500 euro eman zizkiola.
Sanchezek ustelkeriaren aurkako neurri sorta “handia” eramango du Kongresura, “konfiantza berreskuratzeko” asmoz
Horixe jakinarazi du Felix Bolaños Espainiako Presidentzia, Justizia eta Gorteekiko Harremanen ministroak, “milioika espainiar atsekabetuta, triste eta desengainatuta” sentitzea ulertzen duela azaldu aurretik.
Asensio “ziur” dago Cerdanen auziak ez duela PSE-EEko inor zipriztinduko
Miguel Angel Morales Antolakuntza idazkariaren izena UCOren txostenetan omen dagoela dioten informazioen aurrean, “urte hauetan Moralesek herriari egin dion zerbitzua” defendatu du Jose Ignacio Asensiok Euskadi Irratiko “Faktoria” saioan egindako elkarrizketan, eta ziur agertu da, "PSE-EEko inori buruz ez baita ezer aterako”.
Antxon Alonsok, Servinabar enpresan Cerdanen ustezko bazkideak, astelehen honetan deklaratuko du Auzitegi Gorenean
PSOEko Antolakuntza idazkari ohiaren eta EAJko eta EH Bilduko kargudunen artean bitartekari lanak egin zituen pertsona ere bada.
Otegi: "Ohore bat da, Euskal Herritik ez zarete pasatuko"
EH Bilduko idazkari nagusiak argi utzi du "ohorea" dela Alderdi Popularrak koalizioaren aurka "babes-hesia" ezartzea.
Gobernura iristen bada, Feijook ez dio osasun-hesirik jarriko ez Voxi, ez PSOEri, EH Bilduri baino ez
Alderdi Popularraren XXI. Kongresu Nazionalaren amaieran egindako hitzaldian, Sanchezen aurkako hitzak izan ditu nagusi, eta "zentraltasuna alde batera utzi" eta Sanchezek alderdia, herrialdea eta gutxiengoak "mendean hartu nahi" dituela leporatu dio, bai eta Espainia nazio anitza dela "ahaztu" izana ere.
Feijoo: "Gure herrialdea berreraikitzea da nire konpromisoa"
PPren burua berriro hautatu dute alderdiko presidente botoen % 99,24ko babesarekin. Hain zuzen ere, Feijooren lidergoa indartzea eta gobernu-alternatiba gisa agertzea helburu dituen XXI. Kongresu Nazionala egiten ari dira popularrak asteburu honetan.
Yolanda Diaz: "Pedro Sanchezek ez du herrialdea demokratikoki berreraikitzeko neurririk proposatu"
Espainiako Gobernuko Lan ministroak Pedro Sanchezek PSOEren Batzorde Federalean egindako agerraldia kritikatu du, eta, ohartarazi duenez, "aldaketarik ezean", asteazkenean Kongresuko osoko bilkuran egingo duen agerraldian "Alderdi Sozialistaren izenean hitz egingo du Sanchezek, ez Gobernuaren izenean".
Sanchezek hamahiru neurri proposatu ditu alderdi barruko ustelkeria kasuei aurre egiteko
Rebeca Torro valentziarra, orain arte Industriako Estatu idazkari zena, izango da Cerdanen ordezkoa. Ezagunak ziren polemikez gain, orain beste bat gehitu zaie, Salazarrek uko egin baitio bere karguari sexu-jazarpen salaketengatik.