Koroa Katalunian nabariago egin nahi du Felipe VI.ak
Koroa Katalunian nabariago egiteko borondatea azaldu du gaur Felipe VI.ak, akordioaren aldeko mezuak zabaltzeko. Bestalde, Gironako Printzea Fundazioaren egitasmoa defendatu du Espainiako erregeak, "batzen duen proiektua" delako. Lankidetza "eskuzabala xede legitimoak" artatzeko biderik onena dela gaineratu du.
Kataluniara aurten egiten duen zazpigarren bisita da, eta errege aldarrikatu zutenetik aurrenekoa. Letizia erreginak Felipe lagundu du Gironako Kongresuen Jauregian. Gironako Printzea Fundazioak gazteei eta entitateei urteko sariak eman dizkie. Proiektu berritzaileak saritzen ditu Fundazioak.
Gaztelaniarekin eta katalanarekin harro sentitu behar direla adierazi du Espainiako erregeak, Espainia osoko ondare kulturala aberasten dutelako. Katalana "elkarrizketan eta elkarbizitzan dago, zintzoa da eta gaztelania aberasten du, Kataluniako kultura ulertzeko ezinbesteko osagaia da", azaldu du.
Kataluniara egiten dituen bisitekin Koroa nabariago egin nahi duela ziurtatu du erregeak, "akordio, errespetu eta elkarbizitza mezuak" zabaltzeko. Monarkia parlamentarioaren hiru zutabe direla uste du Felipe VI.ak.
Kataluniara egindako bidaietan askoren maitasuna eta adiskidantza aurkitu duela goraipatu du Felipe VI.ak. Berak eta Letiziak kataluniar askoren laguntza eta babesa jaso dutela erantsi du.
"Visca la terra"
Felipek hitzaldia eman eta gero, publikoko norbaitek "Visca la tierra" oihu independentista egin du eta "Gora erregea" erantzun diote katalanez eta gaztelaniaz. Erregeak istiluari irribarre batekin egin dio aurre.
Mas eta Felipe VI.a, elkarri agurtzen, Gironan. Argazkia: EFE
Bestalde, Artur Mas Kataluniako presidenteak Felipe VI.a eta Letizia agurtu ditu kameren aurrean, Gironako Kongresuen Jauregira heldu direnean. Erregeak eta Masek irribarretsu hitz egin dute.
Protesta
500 lagun baino gehiagok manifestazioa egin dute Gironan, erregearen presentziaren aurka. 'Cap pacte, cap rei, el poble català decideix' --'Itunik ez, erregerik ez, Kataluniako herriak erabaki'-- lelopean, 'Independentzia', 'Kataluniako lurraldeak errepublikarrak dira', 'Erregea kanpora' eta 'Borboiak Gironatik kanpora', oihu egin dute manifestariek.
Protesta ERC, ICV, EUiA, CUP, Reagrupament, SI, Ateneu 24 de Juny, el 'casal' independentista el Forn, el Sindicat d'Estudiants dels Països Catalans, Endavant, MDT eta Xarxa pels Drets Socials eragileek deitu dute.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.