Sanchez, Madina eta Tapias, PSOEren idazkaritzarako hautagaiak
Pedro Sanchez, Eduardo Madina eta Jose Antonio Perez Tapias izango dira PSOEren idazkari nagusi izateko hautagai ofizialak, 41.338, 25.238 eta 9.912 boto jasota, hurrenez hurren, guztiek gutxienez jaso beharreko 9.874 bozak (militanteen % 5) jasota.
50 bat pertsonak lan egin dute gau osoan Ferrazen, sinaduren zenbaketa egiteko eta eskaner bidez egiaztatzeko, hautagaien ordezkariekin batera.
Bermeen Batzorde Federalak igorritako ohar baten arabera, gaur jakinarazi diete hautagaien ordezkariei, hautagai bakoitzak jasotako babesen zerrenda eta, bi boto sartzeagatik edo hautesleriaren zerrendan ez agertzeagatik, baliogabetutako bozen zerrenda.
Pedro Sanchez, 42 urtekoa, Ekonomian eta Enpresan doktore, diputatu eta irakasle da unibertsitatean. Hautagai bozkatuena izateaz gain, ia bikoiztu du Madinak jasotako boz kopurua. Madina, 38 urtekoa, Historia Garaikidean lizentziaduna da, eta Nazioarteko Harremanen eta Giza Baliabideen inguruko master bat egin zuen; egun, PSOEk Kongresuan duen idazkari nagusia da.
Jose Antonio Perez Tapias, hirugarren hautagaia, Sevillan jaio baina Granadan bizi da. 59 urte ditu, eta Granadako Unibertsitateko Filosofia Fakultateko dekanoa da, eta irakasle. 2006-2011 urteetan, diputatu izan zen Kongresuan, baina 2011n uko egin zion hautagai-zerrendatan agertzeari.
Orain, helegiteak aurkezteko eta akatsak zuzentzeko epea zabaldu da, eta asteazkenean, ekainaren 2an, behin betiko hautagai izendatuko dituzte.
Hurrengo egunean, uztailaren 3an, hautagaiek kanpaina ofiziala abiaraziko dute, 12ra arte, eta 13an militanteek (187.468) buruzagi berria aukeratuko dute bozketa batean.
Albiste gehiago politika
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.
Sarek eta Bilboko Konpartsek 'Bizkaiko Etxera Eguna' deitu dute abuztuaren 22rako Bilbon
Aste Nagusiarekin batera, ETAko preso, iheslari eta deportatuen itzulera eskatzeko manifestazioak, bazkari herrikoiak eta kontzertuak izango dira. Antolatzaileek gogorarazi dute gizarteak "gatazkaren zauri mardulenak gainditu" dituela eta "badela garaia 'Etxera' aldarria erreibindikazio izatetik lorpen izatera pasatzeko".
Luberrik Bilboko Konpartsek berriz "baztertu" dutela salatu du, "irizpideak bete arren"
Gazte Koordinadora Sozialistarekin (GKS) lotutako konpartsak jarduerak egingo ditu Aste Nagusian, "normaltasunez parte hartu" ezin duela agerian uzteko eta "bere espazioa" eskatzeko.
Covitek jaietan ETAko presoen aldeko pankartak agertu izana salatu du
Bilboren kasuan, Txoribarrote konpartsak "pankarta handi bat" zabaldu izana kritikatu du Covitek, "Euskal preso eta iheslariak etxera" aldarria idatzita duena. Donostiako Udalak kendu egin ditu hiriko ikastetxe publiko bateko fatxadan zeuden pankartak
Goia kexu agertu da Espainiako Gobernuarekin, Malitik etorritako migratzaileekin duen ardurari ez baitio behar bezala heltzen
Donostian bizi diren migratzaile maliarren egoeraz galdetuta, Eneko Goia alkateak Euskadi Irratiko Faktoria saioan adierazi du behin-behineko irtenbidea aurkitu dutela Arantzazun, eta adierazi du Espainiako Gobernuak Malitik etorritako migratzaileekin duen ardurari ez diola behar bezala heltzen.
"ASESINOS" eta "ETARRAS" margotu dute Santutxuko herriko tabernan
Ezker abertzalearen aurkako pintaketak agertu dira gaur Bilboko auzo batzuetan. Santutxuko herriko tabernan, esaterako, "ASESINOS" eta "ETARRAS" idatzi dute lokaleko bi pertsianetan. Solokoetxen ere agertu dira pintaketak, kaleko horma batzuetan. Bilboko Sortuk gaitzetsi egin ditu gertaera horiek.
SAREk presoen eskubideekiko konpromisoa berretsi eta haien aldarrikapena "kriminalizatzeko" saiakerak salatu ditu
Halaber, biktimen mina eta sufrimendua helburu politikoekin erabiltzea deitoratu du, eta gogorarazi du "biktima bakoitza bere sufrimenduaren jabe" dela eta errespetua, elkartasuna eta begirunea merezi dituela.
Voxek PPri festa musulmanak debekatzea onartu zuen Jumillako osoko bilkuran: 'Helburua beteta'
PPren botoei eta Voxen abstentzioari esker, proposamen polemikoa aurrera atera zen eta ultrek garaipena bereganatu zuten.
Zer aldatzen da EBren komunikabideen askatasunari buruzko lege berriarekin?
Erregelamendu bat denez, araudi berriaren artikuluak lotesleak dira EBko estatu guztientzat, inolako transposizio beharrik gabe. "Segurtasun nazionaleko" arrazoiak argudiatuta, kazetariak edo kazetarien iturriak zelatatzeko aukera ematen zuen klausula bat sartzeko saiakera izan da oztopo handienetako bat negoziazioan.
Urgentziaz ospitaleratu dute Jose Maria Angel GOIDIko komisionatu ohia, bere buruaz beste egiten saiatu ostean
Komisionatu izateari uko egin zion, duela 43 urte funtzionario mailaz igotzeko erabili zuen titulazioari buruzko polemika piztu ondoren.