'Belaunaldi berri bat' zuzenduko duela aurreratu du Mendiak
Idoia Mendia buruzagi sozialistak PSE-EEko idazkari nagusia izateko hautagaitza aurkeztu du gaur Bilbon. Orain, abalak biltzen hasiko da, ofizialki hautagai izendatu ahal izateko.
Horren esanetan, "gogoa eta ideiak" ditu "herritarren eskakizunen eta erakundeen artean zubi-lanak egiteko", alderdia "herritarren zerbitzura dagoen lanabesa" izan dadin.
Mendia "belaunaldi berri bat" zuzentzeko prest agertu da, "aro politiko berri bati" heltzeko.
Bilboko Euskadi Plazan aurkeztu du hautagaitza Mendiak, ikurrina bat alboan.
"Alderdiarentzat eta, batez ere, herritarrentzat baliagarria naizelako aurkeztuko naiz idazkari nagusirako", esan du Mendiak, eta ukratu egin du erabakiaren atzean handinahikeria dagoela.
Haren esanetan, euskal gizartearentzat beharrezkoa da PSE-EEk "lehentasunak" ekonomian eta enpleguan jartzea, 2beste batzuek identitate arazoez, presoez edo estatus juridiko berriaz hitz egiten duten bitartean".
Abertzaleen eskarien aurrean, Idoia Mendiak gogorarazi du "eskubide sozialak bermatuko dituen erreforma konstituzionala" proposatzen duela, eskuindarren murrizketak gelditzeko eta "proiektu federalerantz" aurrera egiteko, euskal herritarrak eta kataluniarrak "erakartze" aldera.
Albiste gehiago politika
Auzitegi Konstituzionalak Amnistia Legea babestu ondoren, orain zer?
Printzipioz, Puigdemont atxilotzeko aginduak eta Junquerasen inhabilitazioak bere horretan jarraituko dute, baina Konstituzionalak ebazpena Estatuko Aldizkari Ofizialean argitaratzen duenean Auzitegi Gorenak buruzagi independentisten aurrekari penalak berrikusi beharko ditu.
Konstituzionalak amnistia babesteko arrazoiak: Kataluniako prozesu independentista "krisi politikoaren kasu paradigmatikoa" izan zen
Konstituzionalak ezustekorik gabe atzera bota du PPk aurkeztutako helegitea, baina ebazpenak berrikuntza batzuk ditu, besteak beste, amnistia justifikatzeko arrazoibidea sendotzea.
2030erako Turismo Plan Estrategikoak Gipuzkoaren eta lurraldean bizi diren pertsonen zaintza du ardatz
'Zatoz eta zaindu' goiburua duen planarekin, "bizikidetza osasuntsua" bultzatu da turismoaren esparruan, izan ere, BPGren % 8,4 dagokio sektoreari eta 40.000 familia baino gehiago enplegatzen ditu. Bost ardatz estrategikotan sostengatzen da Aldundiak diseinatutako plana.
Bilbok Basque Segurtasun Foroaren lehen jardunaldia hartuko du astelehenean, Euskadiko segurtasuna birdefinitzeko
Euskalduna Jauregia izango da Eusko Jaurlaritzak segurtasun integraleko eredu berria eztabaidatzeko eta eraikitzeko bultzatutako ekimenaren agertokia. Erakundeetako, enpresetako, gizarteko eta hezkuntzako ordezkariek parte hartuko dute.
1978ko sanferminetako dokumentuak desklasifikatzeko eskatu du Kongresuak
EH Bilduk bultzatutako legez besteko proposamenak 1968ko Sekretu Ofizialen Legea aldatzea eskatzen dio Jaurlaritzari, baita gertatutakoa argitzen eta biktimak aintzatesten laguntzea ere.
Babes-helegiteak ebatzi arte zain egon beharko dute Puigdemontek eta Junquerasek
Konstituzionalak Amnistiaren Legea babestu izanak ez du bi politikarien egoera praktikan aldatzen. Presidente ohiaren abokatuak hurrengo egunetan helegitea jarriko duela adierazi du. Junquerasek, berriz, jarrita dauka berea, eta Konstituzionalaren pausoa txalotu duen arren, salatu du Auzitegi Gorenak ez duela legea aplikatu nahi.
Martinezek eragile politiko eta sozialen "konpromisoa" eskatu du Osasun Ituna adostasun zabalarekin ixteko
Alberto Martinez Osasun sailburuak osasun itunaren inguruan duen "baikortasuna" berretsi du, eta prozesu horretan parte hartzen duten eragile guztien "konpromisoa" eskatu du, ostiral honetan akordio bat ixteko.
Espainia "herrialde subiranoa" dela erantzun dio Sanchezek Trumpi, eta muga-zerga "bidegabeak" kritikatu ditu
Pedro Sanchezek NATOren goi-bileran berretsi duenez, Hagan, Espainiak ez du BPGaren % 2,1 baino gehiago gastatuko Defentsan. Trumpek Gobernuarekin merkataritza akordio bat zuzenean negoziatzeko mehatxua egin zuen, eta herrialdeari "bikoitza ordainaraziko" diola esan du, egoera "konpentsatzeko".
Auzitegi Konstituzionalak Amnistia Legea babestu du, magistratu aurrerakoien aldeko botoekin
PPren helegiteari erantzuna emateko bozkatu dute, eta ebazpen-testuak dio Espainiako Konstituzioan amnistiak tokia duela, eta Amnistia Legea ez dela "arbitrarioa", ezta "kapritxoa" ere.
Amnistia Legea "ezarriz gero" PSOEri botorik ez emateko mehatxua egin du Felipe Gonzalezek
Espainiako Gobernuko presidente ohiaren ustez, araua "barrabaskeria" izateaz gain, "lotsagarria" da edozein demokratarentzat. Eskuinaren "argumentarioa erostea" leporatu dio Patxi Lopezek Gonzalezi, eta alderdian zer egiten duen planteatzeko eskatu dio.