Kataluniako kontsulta legez kanpokoa dela diote Sanchezek eta Rajoyk
Artur Mas Kataluniako presidenteak egin nahi duen galdeketa legez kanpokoa dela esan dute gaur Mariano Rajoy Gobernuko presidenteak eta Pedro Sanchez PSOEko buruzagiak. Gaiaren inguruan guztiz ados agertu dira bi agintariak, eta kontsulta egingo ez dela uste dute.
PSOEko idazkari nagusiak prentsaurrekoa eman du Moncloako jauregian, ia hiru orduko iraupena izan duen bilera bukatu eta gero.
Nahiz eta puntu horretan erabat ados egon, Sanchez Konstituzioaren erreforma baten alde agertu da. Horrela, Kongresuan batzorde Konstituzionala martxan jartzeko eskatu dio Rajoyri.
Konstituzioa erreformatzeko baldintza politikoak ematen ez direla erantzun dio Rajoyk Sanchezi, Exekutiboko iturriek jakitera eman dutenez
Hala ere, gaurko bileran "desadostasunak adostasunak baino gehiago" izan direla ziurtatu du buruzagi sozialistak. Bilera adeitsua izan dela argi utzi du Sanchezek. Elkarrizketa leiala eta irekia izateko borondatea azaldu dio PSOEko agintariak Gobernuko presidenteari.
Neurri ekonomikoak
Bestalde, seme-alabak dituzten langabeentzako diru-laguntza bat sortzeko eskatu dio PSOEko buruzagiak Rajoyri. Estatuko Aurrekontuetan horretarako dirua dagoela uste du Sanchezek. Zentzu horretan, "Gobernuaren baikortasun" ekonomikoa kritikatu du agintari sozialistak.
Langabeei laguntzeko neurri horren bidez "elkartasunean inbertitzeko" eskatu dio Sanchezek Rajoyri. PSOEko idazkari nagusiaren hitzetan, neurriak ez du "familia askoren sufrimendua arinduko".
Rajoy eta Sanchez Moncloa jauregian. Argazkia: EFE
Jean-Claude Juncker Europako Batzordeko presidente berria izendatzeko jarreraz mintzatu ez direla ziurtatu du Sanchezek. Europako Banku Zentralak politikak aldatu behar dituela uste dute bi agintariek.
Rajoyren eskakizuna
PPk irailean, Kongresuan, bultzatu nahi duen eraberrikuntza demokratikoaren inguruko eztabaidan PSOEren "parte-hartze aktiboa" eskatu dio Gobernuko presidenteak Sanchezi. Besteak beste, alkateak aukeratzeko sistema aldatu nahi du Alderdi Popularrak.
Baina sozialisten 'ezezkoa' argi utzi du Pedro Sanchezek: "Ez orain, ezta etorkizunean ere", udalen egonkortasuna bermatzen ez duelako.
Giro lasaia eta irribarreak
Puntualtasunez hasiera eman diote Rajoyk eta Sanchezek bilerari. Irribarreak eta giro lasaia uztartu dituzte aurreneko agurretan.
Moncloa jauregiko eskaileretan itxaron dio Gobernuko presidenteak PSOEko buruzagiari; bertan elkarri eskua eman diote. Sanchez gorbatarekin heldu da, nahiz eta normalean ez erabili.
Elkarri bostekoa eman diote komunikabideen aurrean eta jauregiko atean argazkilarien aurrean paratu dira. Ondoren biak barrura sartu dira, baina kameralariek eserita grabatzeko tartetxo bat izan dute. Atzean Espainiako eta Europako banderak zituzten bi agintariek.
Rajoyk eta Sanghezek berba egin dute giro barean eta irribarreak uztartu dituzte. 17:00k aldera ateak itxi dituzte eta bakarrik geratu dira. Bileraren ostean Pedro Sanchezek prentsaurrekoa emango du.
Zure interesekoa izan daiteke
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.
Pradales lehendakariak Tzitzikostas komisarioak Euskal Y-ari emandako "bultzada" txalotu du
Lehendakariak "plangintzatik gauzatzera pasatzea" eskatu du, eta, horretarako, beharrezkotzat jo du Parisko Gobernuaren inplikazioa eta konpromisoa. Gainera, 2026ko hasieran goi-bilera bat egitea espero du, "Euskadiren garapenerako lotura estrategiko" horretan aurrera egiteko.
EHUko errektorearen eta Unibertsitate sailburuaren arteko bilera pribatua izango da
Hitzordua, egin, egingo da: ez da data zehatza zehaztu, baina azaroaren 19a baino lehen izango da, orduan agertuko baita errektorea Eusko Legebiltzarrean.
Arnaldo Otegiren ustez, Ertzaintzak dena ondo egiten duela esateak "ez dio inolako mesederik egiten Ertzaintzari"
Arnaldo Otegi EH Bilduko idazkari nagusiak Ertzaintza "berreskuratzearen" alde egin du, horretarako beste polizia-eredu bat aplikatuz. Bere ustez, euskal gizartea gero eta gehiago ari da aldentzen Ertzaintzatik.
Estrasburgoko auzitegiak ebatzi du Espainiak ez zituela urratu Junqueras, Sanchez eta Turullen eskubide politikoak
Giza Eskubideen Europako Auzitegiak behin-behineko espetxealdiari buruz eta horrek eskubide politikoetan izan zuen eraginari buruzko iritzia eman du. Estrasburgon egoitza duen epaitegiak aho batez baztertu ditu auzi-jartzaileen argudioak eta kartzelan mantentzearen erabakia justifikatuta zegoela nabarmendu du.
Juntsek Espainiako Gobernuarekiko haustura formalizatu du: tramitean diren legeak eta gerora etor litezkeenak blokeatuko ditu, eta ez ditu aurrekontuak babestuko
Juntsek iragarri du osoko zuzenketak aurkeztuko dituela Espainiako Gobernuak legeak aurkezten dituen guztietan, kontrako botoa emango duela dagoeneko izapidetzen ari direnetan, eta ez dituela babestuko 2026rako aurrekontuak.
Unibertsitate sailburuak gaur deituko dio EHUko errektoreari, tentsioa baretzen saiatzeko
Unibertsitateetako sailburuak Radio Euskadin iragarri du "lehen orduan" jarriko dela harremanetan EHUko errektore Joxerramon Bengoetxearekin, 2026ko unibertsitate-aurrekontuari buruzko desadostasun publikoa ixteko bilera baten data zehazteko.
Pradales lehendakariak "gizartea aktibatzeko" deia egin du, euskal selekzioak ofizial izan daitezen aurrera egiteko
Imanol Pradales lehendakaria 41 euskal kirol federaziotako presidenteekin bildu da gaur arratsaldean. Bileran, selekzio horien ofizialtasuna sustatzeko moduaz hitz egin dute, Euskadiren nazioarteko proiekzioa indartzeko. Besteak beste, Pradalesek ziurtatu du ofizialtasunaren partida ez dela "bulegoetan soilik jokatzen”, eta motibazioaren eta aktibazio sozialaren beharra aldarrikatu du.
Delituen gorakadaz eta segurtasunaren pertzepzioaz aritu dira Bilbon, Basque Segurtasun Foroan
Segurtasun mota guztiei buruz aritu dira dinamika parte-hartzaile batean 50 eragile inguru, Bilboko alkatea eta Segurtasun sailburua buru izan dituen ekitaldian. Gizartearen sentimenduak kontuan hartuz egin behar den lana dela azpimarratu du Juan Mari Aburtok. Bingen Zupiriaren ustez, berriz, alderdi politiko batzuek nahita lotzen dituzte segurtasun eza eta migrazioa. Eztabaidari heldu eta modu gardenean aurre egiteko beharra nabarmendu du.