Urkullu: 'Oraindik ez dakit Rajoyrekin batzartuko naizen ala ez'
Espetxe politikak izan behar duen helburu nagusia "birgizarteratzea" dela eta espetxe politika aldatzearekin batera ETAren "erabateko desarmea" eta egindako kaltearen onarpena eman behar direla azpimarratu du Iñigo Urkullu lehendakariak.
Horren harian, Ibon Etxezarreta ETAko preso ohiak asteartean egindako "keinu eredugarria" goraipatu du lehendakariak. Juan Maria Jauregui Gipuzkoako gobernadore ohiari egindako omenaldian izan zen, egindako "kaltea" onartzeko.
San Inazio eguna dela eta Azpeitian (Gipuzkoa) egindako ekitaldian egin ditu adierazpenak Urkulluk. Azpeitian, San Inazioko mezan izan da Urkullu, Martin Garitano Gipuzkoako diputatu nagusiarekin, Bakartxo Tejeria Legebiltzarreko presidentearekin eta Eneko Etxebarria alkatearekin batera.
Ekitaldi horretan, alderdi politikoek zoru etiko baten oinarriak jartzen ari direla azaldu du, indarkeriaren "amaiera ordenatua" lortu ahal izateko. Aurreneko pausoa, Urkulluren hitzetan, "ETAren desarme egiaztagarri eta osoa" izan behar du eta, ondoren, bai ETAk eta baita ezker abertzaleak ere "egindako kaltea onartu beharko lukete". "Ezker abertzaleak indarkeria erabiltzea justifikatu du urteetan zehar", adierazi du.
Horrekin batera, bide paralelo batean, espetxe politika aldatzeko pausoak eman behar direla berretsi du eta, bide horretan, birgizarteratzeak helburu nagusia izan behar duela esan du.
Bilera Rajoyrekin
Bestalde, lehendakariak adierazi du oraindik ez dakiela Mariano Rajoy Espainiako Gobernuko presidentearekin bilduko den ala ez, baina esan du garrantzitsuena ez dela bilera "15 egun lehenago edo bost egun beranduago" egitea, baizik eta bilera bera egitea eta autogobernuaz, bakegintza eta elkarbizitzaz eta egoera ekonomikoaz hitz egitea. "Egia esan ez dakit bilerarik izango den ala ez. Gaur gaurkoz, ez daukat nik bidali nion agiria jaso izanaren adierazpenik", adierazi du.
Edonola ere, Urkullurentzat, garrantzitsuena ez da bilera hori "15 egun lehenago edo bost egun beranduago" egitea, baizik eta biltzea eta orain arte planteatu dituen gaiak jorratzea, hala nola susperraldi ekonomikoa eta enpleguaren sorrera, bakegintza eta bizikidetza, eta euskal herritarren "egunerokotasunean" eragina duten gaiak, autogobernuaren garapena bezalakoa.
Urkullu eta Garitano, Azpeitian. Argazkia: EFE.
Katalunia
Bestalde, Jordi Pujol Kataluniako presidente ohiaren egoeraz ere mintzatua Urkullu. "Gardentasunari eta kultura demokratikoari" emandako "kolpe gogorra" izan dela nabarmendu du, baina Kataluniako prozesuarengan eraginik ez izatea espero du lehendakariak.
Artur Mas eta Rajoy bildu ziren egunean Kataluniako presidentearekin hitz egin zuela azpimarratu du Urkulluk. Hala ere, bilera eta gero ez duela Masekin hitz egin zehaztu du.
Zure interesekoa izan daiteke
Hauteslekuak itxita, botoen kontakeari ekin diote Ipar Euskal Herriko 11 herritan
Parte-hartzea lehen itzulian baino txikiagoa izan da 17:00etarako Pirinio Atlantikoetan, % 51,77koa. Aurreko igandeko lehen itzulian, parte-hartzea % 54,70ekoa izan zen ordu horretarako.
Egiari Zor Fundazioak Pasaiako sarraskiko biktimak omendu ditu, hil zituztenetik 42 urte bete direnean
Estatuko Segurtasun Indarrek Komando Autonomo Antikapitalistetako lau kide hil zituztela 42 urte bete dira gaur, eta horren kariaz Egiari Zor Fundazioak ekitaldia egin du Azpeitian, biktimen jaioterrian, haien lagun eta senideekin batera.
Otxandianok "bakearen ekonomiaren aldeko lidergo politiko sendo baten falta" leporatu dio Pradalesi
Eusko Legebiltzarreko EH Bilduren bozeramaileak kritikatu egin du Mikel Torres Ekonomia sailburuak "armagintza-industria babestu eta garatzearen alde" egin zuela.
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.