Idoia Mendiak PSE-EEko jarraitzaileen % 40ren babesa jaso du
Idoia Mendia PSE-EEko idazkari nagusirako hautagaiak alderdiko jarraitzaileen % 40ren babesa jaso du. 2.210 sinadura jaso ditu guztira.
Mendiaren hautagaitza babesteko abalak gaur aurkeztu dituzte PSE-EEren Berme Batzordean. Dokumentuak Gloria Sanchez Arabako legebiltzarkideak, Mikel Duran Gipuzkoako batzarkideak eta Ivan Calderon Santutxuko taldeko idazkari nagusiak aurkeztu dituzte.
PSE-EEk 5.344 afiliatu ditu, uztaileko primarioetarako egindako zentsuak jasotzen duenez. Beraz, 2.210 sinadura jasota, PSE-EEko afiliatuen % 40ren babesa jaso du Mendiak.
Lurraldeka, Gipuzkoan jaso du babes zabalena Idoia Mendiak. 856 jarraitzailek (% 53) eman dute Mendiaren aldeko sinadura.
Araban, 292 afiliaturen (% 38) babesa jaso du, eta Bizkaian, 1.062rena (% 36,8).
Jasotako babesa eskertzeko, prentsa-oharra kaleratu du Idoia Mendiak. Taldekideek emandako laguntza nabarmentzeaz gain, pozik agertu da prozesu honetan parte hartu ahal izateagatik.
Bestalde, Gipuzkoarako PSE-EEko idazkari nagusiak, Iñaki Arriolak, 955 abal jaso ditu sozialista gipuzkoarren Hateskunde-Bermeen Batzordearen aldetik. Behin-behinean, berriro hautatzeko hautagaia izendatu du.
Mikel Torres Portugaleteko alkateak eta Bizkaiko PSE-EEko Idazkaritza Nagusirako hautagaiak 1.100 abal jaso ditu militante sozialisten aldetik, hau da, hautesle-erroldaren % 40a.
Iñaki Egaña Bizkaiko Batzar Nagusietako PSE-EEren bozeramaileak 600 abal jaso ditu, baina zifra hori “aisa” gainditzea espero duela esan du.
Azkenik, Cristina Gonzalezek 333 abal aurkeztu ditu ostiral honetan, Arabako afiliatuen % 44a gutxi gora behera, “historia, oraina eta etorkizuna duen proiektu sozialista bultzatzeko” asmoz.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.