5.351 alderdikide eta hautagai bakarra, Idoia Mendia
PSE-EEko idazkari nagusi berria aukeratuko dute 5.351 alderdikidek astearte honetan. Patxi Lopez ordezkatzeko hautagai bakarra aurkeztu da: Idoia Mendia.
PSE-EEk barne-hauteskundeak egingo ditu astearte honetan eta afiliatu guztiek alderdiko buruzagia aukeratu ahal izango dute, alderdi sozialistak jakitera eman duenez.
Idoia Mendia Cueva hautagai bakarra aukeratzeko bozketa 70 hauteslekutan (9 Araban, 29 Gipuzkoan eta 42 Bizkaian) egingo dute. Hautestontziak 10:00etatik 20:00etara arte zabalik egongo dira.
Era berean, hiru lurralde historikoetako PSEren idazkari nagusiak aukeratuko dituzte sozialistek astearte honetan, eta baita PSE-EEren Ezohiko Kongresura irailaren 20an eta 21ean joango diren ordezkariak ere.
Parte-hartze datuak 14:00etan eta 18:00etan jakitera emango dituzte. 21:00ak aldera bozketaren behin behineko emaitzak jakinaraztea espero da.
Batasuna
PSE-EE bat eginda egon da astelehenean, Euskadiko eta hiru lurraldeetako (Bizkaia, Gipuzkoa eta Araba) idazkari nagusiak aukeratzeko bozketaren bezperan.
Rodolfo Ares Antolakuntzako idazkari eta primarioen batzordeko arduraduna Bilbon bildu da bost hautagaiekin: Idoia Mendia PSE-EEren buru izateko hautagaia (bakarra), eta Iñaki Arriola (Gipuzkoa), Mikel Torres eta Iñaki Egaña (Bizkaia) eta Ivan Ruiz de Eguilar eta Cristina Gonzalez (Araba) lurraldeetako hautagaiak.
PSE-EEren ohar baten arabera, hautagai guztiek primarioen garrantzia azpimarratu dute eta, "parte hartze zabalari eta eztabaida demokratikoari" dagokienez, euskal sozialistek gainerako alderdiei "bidea zabaldu" dietela gaineratu dute.
Rosa Fresno
Bestalde, Rosa Fresno Arabar Errioxako PSE-EEren idazkari nagusiak Patxi Lopez ordezkatuko du, buruzagi sozialistak Eusko Legebiltzarra uztea erabakitzen baldin badu.
Madrilen, PSOEko Ekintza Politikoaren idazkaria izateko erabakia har dezake Lopezek datozen egunetan, zerrendaren arabera, Jesus Lozak hartuko luke haren tokia.
Albiste gehiago politika
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.
Sarek eta Bilboko Konpartsek 'Bizkaiko Etxera Eguna' deitu dute abuztuaren 22rako Bilbon
Aste Nagusiarekin batera, ETAko preso, iheslari eta deportatuen itzulera eskatzeko manifestazioak, bazkari herrikoiak eta kontzertuak izango dira. Antolatzaileek gogorarazi dute gizarteak "gatazkaren zauri mardulenak gainditu" dituela eta "badela garaia 'Etxera' aldarria erreibindikazio izatetik lorpen izatera pasatzeko".
Luberrik Bilboko Konpartsek berriz "baztertu" dutela salatu du, "irizpideak bete arren"
Gazte Koordinadora Sozialistarekin (GKS) lotutako konpartsak jarduerak egingo ditu Aste Nagusian, "normaltasunez parte hartu" ezin duela agerian uzteko eta "bere espazioa" eskatzeko.
Covitek jaietan ETAko presoen aldeko pankartak agertu izana salatu du
Bilboren kasuan, Txoribarrote konpartsak "pankarta handi bat" zabaldu izana kritikatu du Covitek, "Euskal preso eta iheslariak etxera" aldarria idatzita duena. Donostiako Udalak kendu egin ditu hiriko ikastetxe publiko bateko fatxadan zeuden pankartak
Goia kexu agertu da Espainiako Gobernuarekin, Malitik etorritako migratzaileekin duen ardurari ez baitio behar bezala heltzen
Donostian bizi diren migratzaile maliarren egoeraz galdetuta, Eneko Goia alkateak Euskadi Irratiko Faktoria saioan adierazi du behin-behineko irtenbidea aurkitu dutela Arantzazun, eta adierazi du Espainiako Gobernuak Malitik etorritako migratzaileekin duen ardurari ez diola behar bezala heltzen.
"ASESINOS" eta "ETARRAS" margotu dute Santutxuko herriko tabernan
Ezker abertzalearen aurkako pintaketak agertu dira gaur Bilboko auzo batzuetan. Santutxuko herriko tabernan, esaterako, "ASESINOS" eta "ETARRAS" idatzi dute lokaleko bi pertsianetan. Solokoetxen ere agertu dira pintaketak, kaleko horma batzuetan. Bilboko Sortuk gaitzetsi egin ditu gertaera horiek.