Lopezek eta Aresek agur esan diete afiliatuei, PSEn aro bat itxita
Patxi Lopez gaur arte, larunbata, PSE-EEren idazkari nagusia izandakoa harro azaldu da berak ordezkatzen duen belaunaldi sozialistak "ETA garaitzeko eta askatasuna lortzeko" helburuak beteta utziko diolako lehenengo lerroan egoteari.
PSE-EEren idazkari nagusi gisa azken hitzaldia egin du, Bilbon, Idoia Mendia idazkari nagusi berri izendatuko duten Ezohiko Kongresuan. Lopezek ziurtatu du asteburu honetan aro bat bukatuko dela euskal sozialismoan, Rodolfo Aresekin eta Jesus Eguigurenekin batera PSE-EEn osatu duen goi-kargudunen belaunaldiak lekukoa hurrengoei pasatuta.
Lopezek esan du bere gurasoen belaunaldiak, “sozialista izateagatik erbesteratu” zituztenen belaunaldiak, demokrazia eta askatasuna lortu zituela frankismoaren ostean, eta bere belaunaldiak “ETAren amaiera lortu" duela.
Bere parte hartzean, Idoia Mendiari babesa emateko eskatu dio PSE-EE osoari Lopezek, orain 12 urte alderdiko "barne gatazka galdu" zutenek –alegia, Carlos Tokorikak eta Gemma Zabaletak- bera babestu zuten moduan.
Bestalde, Rodolfo Ares PSE-EEren Antolakuntza idazkariak, 30 urtez karguan izan ostean, terrorismoaren biktimak gogoratuz eta bakea Patxi Lopezek gidatutako "Jaurlaritza sozialista batek lortu zuela" nabarmenduz esan du agur.
Aresen esanetan, sozialistek "aro" bat itxi dute, eta "harro" agertu da ETAren terrorismoaren kontra sozialistek egindako borrokagatik eta Patxi Lopezekin Ajuria Enera heltzea lortzeagatik. Aresen arabera, "historiak bakearen lehendakari moduan gogoratuko du".
Zure interesekoa izan daiteke
Asensiok tonua apaldu eta "normaltasunaren barruan" kokatu ditu Mendozari egindako kritikak
Ayesa operazioa dela eta, buruzagi sozialistak "lidergo falta" egotzi zion Gipuzkoako diputatu nagusiari. Biharamunean, Asensiok esan du "gai zehatzetan" iritzi ezbedinak izatea "normaltasunaren barruan" dagoela.
Martxoaren 3ko sarraskia gogoan mantentzeko helburua duen "Amets berriak" abestia aurkeztu dute
Martxoaren 3an Gasteizen izandako sarraskiaren 50. urteurrena ospatzeko aste gutxi falta direnean, Martxoak 3 elkarteak "Amets berriak" abestia aurkeztu du. Letra Karmele Jaiok idatzi du eta Idoia Asurmendik interpretatu.
Hezkuntza sailburuak LHko euskal eredua goraipatu du, Sanchezek horien irekiera mugatzeko asmoa iragarri ondoren
Begoña Pedrosa Hezkuntza sailburuak Euskadiko Lanbide Heziketaren "kalitatezko eredu inklusiboa" goraipatu du, Pedro Sanchez Espainiako Gobernuko presidenteari emandako erantzunean. Horren arabera, Lanbide Heziketako ikastetxe pribatuen irekierari "mugak jartzeko" eta prestakuntzaren kalitatea "blindatzen jarraitzeko" errege-dekretua sortuko da.
Justizia Administrazioan euskara sustatzea eskatzen duen ekimena atera dute aurrera EAJk eta PSE-EEk
Administrazio publikoan euskararen eskakizuna blindatu ahal izateko legearen negoziazioan jarrerak urrunduta dituztenean, jeltzaleek eta sozialistek bat egin dute gaur Legebiltzarrean euskararekin lotutako ekimen batean.
CCOOk ELAri eta LABi eskatu die LGSri buruzko estrategia "birbideratzeko"
Unai Sordoren arabera, "gutxieneko soldata bat izan behar du, eta gero negoziazio kolektiboak lurrera jaitsi behar du baloia" lurraldeetan. CCOOko idazkari nagusiak mobilizaziorako deia egin du, hitzarmeneko gutxieneko soldatak lortzeko.
Sanchezek esan du "tekno-oligarkek ez dutela demokrazia makurraraziko"
Espainiako Gobernuko presidenteak, izenik esan gabe, Telegrameko kontseilari delegatuari erantzun dio gaur Bilbon, sare sozialen inguruko neurri berrien aurrean atzo plataformako buruak honen aurka egin ondotik.
Javier De Andresen ustez, iraungitako dosien txertaketa "ez da salbuespenezkoa" Osakidetzan
Javier de Andres EAEko PPko presidenteak adierazi duenez, bere alderdiak "zalantza asko" ditu gertatutakoaren inguruan, eta bere ustez "elementu batzuek erakusten dute ez zela noizbehinkako eta ezohiko gauza bat", baizik eta "hasieran transmititu zena baino zabalagoa dela".
Duela 31 urte ETAk hildako Gregorio Ordoñez gogoratu du Eusko Legebiltzarrak
Eusko Legebiltzarrak minutu bateko isilunearekin gogoratu du Gregorio Ordoñez legebiltzarkide eta Donostiako PPko zinegotzi izandakoa. 1995eko urtarrilaren 23an hil zuen ETAk Donostiako taberna batean.
Europako Justiziak bertan behera utzi du Puigdemonti inmunitatea erretiratzeko Europako Parlamentuak hartu zuen erabakia
Epaiak ez du eraginik izango Puigdemonten egoeran, ez zuelako Europako azken hauteskundeetan parte hartu, eta, beraz, jada ez du eserlekurik.
Otxandianok dio "txertoen krisiak" berriro agerian utzi duela Osakidetzak "egiturazko" arazoa duela
Pello Otxandiano EH Bilduk Eusko Legebiltzarrean duen bozeramaileak ohartarazi duenez, iraungitako txertoen "krisia" ez dago "konponduta", informazioa argitzea falta delako. Alberto Martinez Eusko Jaurlaritzako Osasun sailburua egin du egoeraren erantzule. "Osakidetzaren egiturazko arazoak jarraitzen du, gutxi asko, orain bi urte zegoen egoera berean", zehaztu du.