Pujol: 'Ez naiz politikari ustela izan'
Jordi Pujol Kataluniako Generalitatearen presidente ohiak (CiU) Parlamentuan esan du sekula ez dela "politikari ustela" izan, eta gogorarazi duenez, aitak utzi zion oinordetza, atzerrian ezkutatu zuena, ez zen "diru publikoa".
Jordi Pujol bakarrik iritsi da Parlamentura, horrenbesteko ikusmina sortu duen agerraldia hasi baino bi ordu lehenago. Nuria de Gispert Parlamentuko presidenteak bilera gela utzi dio agerraldia presta zezan. Agerraldian, 34 urtez atzerrian gorde zuen dirutzaren inguruko azalpenak ematen ari da.
Parlamentuko Gai Instituzionalen Batzordean egindako agerraldiaren hasieran azaldu duenez, bere aita nor zen eta berekin ze harreman zuen azaltzea ezinbestekoa zaio, horrek "agerian uzten baitu ez dela ustelkeriarik izan". Ondoren, aitaren jatorriaz hitz egiten hasi da.
Era berean, atzerrian gordetako diruaren inguruko xehetasun guztiak emateko konpromisoa hartu du, familiaren "egoera judiziala" kontuan izan gabe. Hala ere,"oinordekotzaz baino gehiago, aitak utzitako ondareaz" hitz egin behar dela azpimarratu du.
Hala ere, Kataluniako presidente ohiak aitortu du dirua atzerrian izatea "kritikagarria" izan litekeela, baina ez duela esan nahi "legez kanpokoa" denik. Horren harira, funts horien jatorria ez dagoela "erakunde publikoetan" berretsi du.
"Beldurragatik"
CDCren fundatzailearen esanetan, Florenci Pujol aitak trantsizioarekiko zuen konpromiso politikoa "ukaezina" zen, eta diru hori "familiarentzat arriskutsua" zela iritzita, atzerrian gordetzea eta Marta Ferrusola emaztearen eta seme-alaben izenean jartzea erabaki zuen.
"Askotan pentsatzen da diruzalekeriagatik gordetzen dela dirua, baina batzuetan beldurragatik egiten da", eta azkeneko kasu hori omen da Jordi Pujolen aitarena.
Hori egiaztatzeko, aitak Marta Ferrusola emazteari bidali zion gutun bat irakurri du, eta bertan zihoen dirua senideentzat zela: "Jordik, zuk eta seme-alabek ihes egin behar duzuenerako".
Bestalde, Pujolek azpimarratu du dirua negozioetara bideratzeko aukera izan zuela, "finkak erosteko" adibidez, baina bere lehentasuna Kataluniaren alde lan egitea izan zela.
Kudeaketatik aparte
Pujolek esan du 1980an, aita hil zenean, atzerrian ezkutatzen zuen diru kopurua, beretzat eta familiarentzat zena, 140 milioi pezeta zirela, dolarretan.
Generalitatearen presidente ohiak argi adierazi nahi izan du sendiak atzerrian zuen diruaren kudeaketatik aparte egon dela beti, bai aitaren bi lagunek kudeatzen zutenean, baita diruaren kudeaketaren ardura semeetako batek hartu zuenenean ere.
Azaldu duenez, dirutzaren kudeaketa bi lagunen esku utzi zuen eta, ondoren, horietako batek (ez du izenik esan), kudeaketa Jordi Pujolen semeetako baten esku uztea aholkatu zuen.
"Kudeaketaz arduratzen zenak iradoki zuen nire semeetako baten esku uztea, eta beti egon naiz egin duenetik erabat aparte, are gehiago ordutik aurrera", adierazi du Pujolek, presidente ohi batek atzerrian dirua izateak duen "eragin txarra" aitortu aurretik.
Amaitzeko, buruzagi kataluniar ohiak esan du badakiela alderdi politikoek "kritika gogorrak" egingo dizkiotela, baina ez direla bere buruari egiten dizkionak "adinakoak" izango.
Erantzun beroa
Alderdien txandaren ostean, presidente ohiak berotasun handiz eta oso haserre erantzun die Parlamentuko taldeei, ustelkeria handia egin izana leporatu diotelako. Haren esanetan, "fribolitatea eta dena nahasteko gogoa" dago salaketa horien atzean.
"Dena horren ustela izan balitz, ez zen 23 urtez jarraitzeko aukerarik izango", adierazi du Pujolek, eta gaineratu du agerraldia atzerrian duen diruaz hitz egiteko zela eta ez presidente zeneko balizko ustelkeriaz.
"Esan diren gauza batzuengatik nago sututa", esan du Pujolek alderdiei erantzuteko tarte horretan.
Ukatu egin du Rajoyrekin hitz egin izana
Era berean, Jordi Pujolek ukatu egin du Mariano Rajoy Espainiako Gobernuko presidentearekin gaiaz hitz egin izana, eta hori zabaldu zenean "intoxikatzeko" asmoa zegoela salatu du: "Gezurra eta intoxikazio hutsa da. Hau ez da serioa".
"Ez da inolako elkarrizketarik izan honen aurrean zer egin edo nola konpondu ikusteko. Hori hala balitz, erruduna Rajoy litzateke, edo errudunetako bat gutxienez", gaineratu du.
Zure interesekoa izan daiteke
Espazio publikoetan burka eta niqaba debekatzeko Voxen proposamena atzera bota du Kongresuak
PPk eta UPNk bakarrik babestu dute eskuin muturreko alderdiaren proposamena. Juntsek kontra bozkatu du, baina bere lege-proposamena erregistratu du, debekuaren eskariari eutsiz. EAJk, berriz, gaia lantzea beharrezkoa ikusten du, eta horretarako azpi batzorde bat sortzea proposatu du.
UCO unitateko agenteek ez dituzte galderak erantzun Nafarroako Parlamentuko ikerketa batzordean, Auzitegi Gorenak hala aginduta
Santos Cerdan, Jose Luis Abalos eta Koldo Garcia auzipetzea eragin duen auziari sekretua kendu diotela azaldu du UCO unitateko agenteetako batek, Adolfo Araiz EH Bilduren bozeramaileak egindako galderaren harira.
Kongresura iritsi da burka eta niqab-a debekatzeko asmoa: PP eta Vox alde daude, baina Juntsek kontra bozkatuko du
Kataluniako alderdiak iragarri du lege proiektu propioa aurkeztuko duela espazio publikoetan belo integrala erabiltzea debekatzeko.
Eneko Andueza: "Ez ditut Estebanen adierazpenak ulertzen, Pradalesek eta Itxasok dena konpondu ostean"
Eneko Andueza PSE-EEko idazkari nagusiak "Egun on Euskadi" saioan adierazi duenez, Denis Itxaso sailburuak Imanol Pradales lehendakaria kritikatzean "marra gorria gurutzatu" zuela esanez Aitor Estebanek egindako adierazpenek, ez dute ezer onik ekartzen.
"Kontrolez kanpo dagoen merkatuan" esku hartzea beharrezkotzat jo du Otxandianok
Euskal Herrian dagoen arazorik larriena eta herritarren kezka nagusia etxebizitza dela nabarmendu du EH Bilduk, eta kritikatu du Jaurlaritzak ez duela egoerak eskatzen duen etxebizitza politikarik ezarri.
Ubarretxenak azpimarratu du "aurrerapausoak" eman direla aireportuen gaineko negoziazioan
Eusko Jaurlaritzaren bozeramaileak eskatu du Euskadik parte hartu ahal izan beharko lukeela 13.000 milioi euroko inbertsioak bideratuko dituen dokumentuan, eta tasei eta estrategiari buruz erabakitzeko ahalmena ere bai.
Alba Garcia: "Harrigarria iruditzen zait EH Bilduk horren arin jotzea euskal eskuinarengana"
Gabriel Rufianek proposatutako ezkerreko aliantzari buruz galdetuta, Alba Garcia Sumarren koordinatzaile nagusiak adierazi du EH Bilduk argi utzi duela hauteskunde-aliantza bat egitekotan EAJrekin elkartuko litzatekeela.
Diez Antxustegi, EAJk PSE-EErekin duen harremanaz: "Politikan ez gaude elkarrekin errietan ibiltzeko; ni ez naiz horrelako borroketan sartuko"
Joseba Diez Antxustegi EAJk Eusko Legebiltzarrean duen bozeramaileak Euskadi Irratiko mikrofonoen aurrean esan du, oro har, egunerokoan PSE-EErekin harremana ona dela. "Egunen batean gustatzen ez zaigun zerbait entzun behar badugu, ba onartu egin beharko dugu, baina gu ez gaude hemen horretarako".
Aireportuetan 13.000 milioi euroko inbertsioa ekarriko duen Aenaren egitasmoan parte hartzen ahaleginduko da Jaurlaritza
Ubarretxenak defendatu du Euskadiko hiru aireportuen inguruko plan estrategikoan Jaurlaritzak zer esana izan behar duela.
Espazio publikoetan burka eta niqab-a debekatzeko Voxen lege proposamenaren alde bozkatuko du PPk
Abascalen alderdiak bultzatutako ekimena astearte honetan eztabaidatuko dute Diputatuen Kongresuan.