PSE: 'Urkullu ernatu eta lanean hasi ezean, bakardadera itzuliko da'
Idoia Mendia PSE-EEko idazkari nagusiak gaur, larunbata, berriz ere esan duenez, sozialistek "askatasuna" dute, EAJrekin dituzten itunei dagokienez, eta "ernatu eta lanean hasi ezean, bakardadera itzuliko" dela ohartarazi dio Iñigo Urkullu lehendakariari.
Euskal sozialisten buruzagi izendatu eta astebetera, Mendiak PSE-EEren lurralde kongresuen egunean hitza hartu du.
Bizkaiko 180 ordezkarien -deitutakoen % 92,79- aurrean egindako hitzaldian, Mendiak Jose Luis Bilbao Bizkaiko ahaldun nagusiari "aurre egiteko" eskatu die alderdikideei. Mendiaren hitzetan, Bilbaok lurraldea "bere kortijo, bere txokoa, pribatua balitz bezala erabiltzen du".
PSE-EEko idazkari nagusiaren hitzetan, "beti" gertatu den moduan euskal sozialistak "herrigintzaren aldeko itun guztietan izango dira, beti ere -zehaztu du- euskal gizartearen mesedegarri direnean".
Lurraldeetako idazkariak
Mikel Torres Bizkaiko PSE-EEko idazkari nagusiak proposatutako Batzorde Exekutiboak alderdikideen botoen % 76 jaso du, Bilbon egindako biltzarrean. Bizkaian, Torresek Jose Antonio Pastorren lekukoa hartu du, idazkari nagusi gisa, 12 urtez Bizkaiko PSE-EEren buru izan eta gero.
Bestalde, Iñaki Arriola Gipuzkoako PSE-EEko idazkari nagusiak osatutako Zuzendaritzan "sozialismo gipuzkoarreko gazteak" nagusi dira, eta Donostian egindako Batzordean elkartutako ordezkarien % 95ek alde bozkatu du.
Gainera, Cristina Gonzalezek gidatuko duen Arabako Zuzendaritzak, bozen % 73,2 jaso du. Gonzalezen taldean ez dago alderdikide kritikorik.
Zure interesekoa izan daiteke
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.
Pradales lehendakariak Tzitzikostas komisarioak Euskal Y-ari emandako "bultzada" txalotu du
Lehendakariak "plangintzatik gauzatzera pasatzea" eskatu du, eta, horretarako, beharrezkotzat jo du Parisko Gobernuaren inplikazioa eta konpromisoa. Gainera, 2026ko hasieran goi-bilera bat egitea espero du, "Euskadiren garapenerako lotura estrategiko" horretan aurrera egiteko.
EHUko errektorearen eta Unibertsitate sailburuaren arteko bilera pribatua izango da
Hitzordua, egin, egingo da: ez da data zehatza zehaztu, baina azaroaren 19a baino lehen izango da, orduan agertuko baita errektorea Eusko Legebiltzarrean.
Arnaldo Otegiren ustez, Ertzaintzak dena ondo egiten duela esateak "ez dio inolako mesederik egiten Ertzaintzari"
Arnaldo Otegi EH Bilduko idazkari nagusiak Ertzaintza "berreskuratzearen" alde egin du, horretarako beste polizia-eredu bat aplikatuz. Bere ustez, euskal gizartea gero eta gehiago ari da aldentzen Ertzaintzatik.
Estrasburgoko auzitegiak ebatzi du Espainiak ez zituela urratu Junqueras, Sanchez eta Turullen eskubide politikoak
Giza Eskubideen Europako Auzitegiak behin-behineko espetxealdiari buruz eta horrek eskubide politikoetan izan zuen eraginari buruzko iritzia eman du. Estrasburgon egoitza duen epaitegiak aho batez baztertu ditu auzi-jartzaileen argudioak eta kartzelan mantentzearen erabakia justifikatuta zegoela nabarmendu du.
Juntsek Espainiako Gobernuarekiko haustura formalizatu du: tramitean diren legeak eta gerora etor litezkeenak blokeatuko ditu, eta ez ditu aurrekontuak babestuko
Juntsek iragarri du osoko zuzenketak aurkeztuko dituela Espainiako Gobernuak legeak aurkezten dituen guztietan, kontrako botoa emango duela dagoeneko izapidetzen ari direnetan, eta ez dituela babestuko 2026rako aurrekontuak.
Unibertsitate sailburuak gaur deituko dio EHUko errektoreari, tentsioa baretzen saiatzeko
Unibertsitateetako sailburuak Radio Euskadin iragarri du "lehen orduan" jarriko dela harremanetan EHUko errektore Joxerramon Bengoetxearekin, 2026ko unibertsitate-aurrekontuari buruzko desadostasun publikoa ixteko bilera baten data zehazteko.
Pradales lehendakariak "gizartea aktibatzeko" deia egin du, euskal selekzioak ofizial izan daitezen aurrera egiteko
Imanol Pradales lehendakaria 41 euskal kirol federaziotako presidenteekin bildu da gaur arratsaldean. Bileran, selekzio horien ofizialtasuna sustatzeko moduaz hitz egin dute, Euskadiren nazioarteko proiekzioa indartzeko. Besteak beste, Pradalesek ziurtatu du ofizialtasunaren partida ez dela "bulegoetan soilik jokatzen”, eta motibazioaren eta aktibazio sozialaren beharra aldarrikatu du.
Delituen gorakadaz eta segurtasunaren pertzepzioaz aritu dira Bilbon, Basque Segurtasun Foroan
Segurtasun mota guztiei buruz aritu dira dinamika parte-hartzaile batean 50 eragile inguru, Bilboko alkatea eta Segurtasun sailburua buru izan dituen ekitaldian. Gizartearen sentimenduak kontuan hartuz egin behar den lana dela azpimarratu du Juan Mari Aburtok. Bingen Zupiriaren ustez, berriz, alderdi politiko batzuek nahita lotzen dituzte segurtasun eza eta migrazioa. Eztabaidari heldu eta modu gardenean aurre egiteko beharra nabarmendu du.