Espainiak torturaren prebentziorako mekanismorik ez duela salatu dute
Giza Eskubideen Behatokiak eta Torturaren Aurkako Taldeak salatu dute Espainiako Estatuan ez dagoela "torturaren prebentziorako eta biktimen konponketarako mekanismorik", nahiz eta Europako Giza Eskubideen Auzitegiak eta beste erakunde batzuk zigorrak jarri.
Iratxe Urizar eta Lorea Bilbao Behatokiaren eta TATen ordezkariek Europako Giza Eskubideen ebazpena izan dute hizpide, Beatriz Etxebarriak eta Oihan Ataunek jarritako tortura salaketen harira.
Agerraldian izan dira Ohian Ataun bera, urtebeteko kartzela zigorra bete zuena presoen aldeko kartel batzuk eramateagatik, eta Jokin Etxebarria, tortura salaketa jarri zuen presoaren anaia.
Salatu dutenez, "nazioarteko Gobernuz Kanpoko Erakunde ugarik, Human Rights Watchek eta Amnesty Internationalek tarteko, Europako Kontseiluak eta Tortura Prebenitzeko Batzordeak" ere Espainiako Estatua kritikatu dute "tortura ahalbidetzen duten inkomunikazio neurria bezalakoak erabiltzen jarraitzen duelako, eta biktimen salaketak ikertzeari uko egiten diotelako".
Behatokiko eta TATeko ordezkariek uste dute "errealitatean nabarmen" geratzen dela ez dagoela "prebentziorako" neurririk. Hala, horren harira itunak eta akordioak izenpetu badituzte ere, Estatuan ez dagoela Torturaren Prebentziorako Batzorderik gogorarazi dute, eta dauden prebentziorako mekanismoak "erabat hutsalak" direla.
Era berean, eta 'Inkomunikazioa eta Tortura' txostenean 45 tortura salaketari egiazkotasuna eman bazaio ere, biktimak errespetatu gabe jarraitzen dutela uste dute.
Segiko kide izatea leporatuta epaitzen ari diren 28 gazteen kasua jarri dute mahai gainean. "Torturaren biktimei, errekonozimendutik urrun, ezikusiarena egiten diete eta tratu txarra pairatzen dute. Auzitegiak ontzat ematen ditu autoinkulpazioak, eta horretan oinarritzen dira inputazioak eta zigorrak. Baina autoinkulpazio horiek nola egin diren kritikatzen dute nazioarteko erakundeek eta auzitegiek".
Bestalde, Oihan Ataunek esan du "oso pozik" dagoela Estrasburgok emandako ebazpenarekin, baina "aho zapore gazi-gozoa" geratu zaiola, "arazoaren muinari" heldu ez zaiolako.
Abokatuek azaldu dutenez, beste lau tortura salaketa ditu eskuartean Estrasburgoko Auzitegiak.
Albiste gehiago politika
Pentsioei buruzko eztabaidari "bizkarra ez emateko" eskatu die EH Bilduk EAJri eta PSEri
EH Bilduk pentsioen inguruko eztabaidari bide emateko eskatu die EAJri eta PSEri. Akats larritzat eta kezkagarritzat jo dute 145.000tik gora lagunek egindako eskaerari bizkarra ematea.
PPk "autogobernuari buruz" hausnartzea eskatu du, "ondo kudeatu" behar baita, "ongizatea ekarri ekartzen duen arren"
Laura Garridok EAEk dituen eskumenei eta horiek kudeatzeko moduari buruzko "hausnarketa" egiteko eskatu du, "arazoak" ditugulako eskumenak ditugun eremuetan. Legebiltzarreko PPren bozeramailearen ustez, "oso argia" da etxebizitzaren auzian, besteak beste. "40 urte daramatzagu EAJrekin eta PSErekin Jaurlaritzan, eta jarraitu dituzten politikek ez dute etxebizitzaren arazoa konpondu, haien legeek tenkarazi dute merkatua", gaineratu du.
Begoña Gomez herri epaimahai batek epaitzea proposatu du Peinado epaileak, diru publikoa bidegabe erabiltzea egotzita
Datorren larunbatean epaitegira joateko dei egin dio, 18:00etan, aurretiazko agerraldia egin dezan. Espainiako Gobernuak Peinadoren erabakia kritikatu du, "surrealista" dela iritzita, eta epaimahai inpartzial batek "gauzak dagokien tokian" jarriko dituela espero du.
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.