Amaiur: 'Estatuko Aurrekontuek subiranotasunari eraso egiten diote'
Amaiurren iritziz, Estatuko Aurrekontuek erabakitzeko eskubidea aldarrikatzeko eta Euskadi “subiranotasunaren bidean” jartzeko akordioak pizteko “beste arrazoi” bat ematen dute.
Bilbon agerraldia egin dute Rafa Larreina eta Sabino Cuadra Amaiurreko Kongresuko ordezkariek, 2015eko Aurrekontuei osoko emendakina jarri diotela iragartzeko. Estatuko Aurrekontuek “Euskal Herriko subiranotasunari eraso” egiten diotela nabarmendu dute: “Euskadin aplikatu nahi ez dugun zorpetze muga bat ezartzen dute eta, horrez gain, zentralizazioan sakontzen dute”.
Euskal Herriko “errealitate politiko, ekonomiko eta sozialarekin” talka egiten dute PPren Aurrekontuek, Amaiurren iritziz, baita “Euskal Herriak bere etorkizuna erabakitzeko duen eskubidearekin edota bere eredu ekonomiko eta sozialarekin ere”.
“Estatuko Aurrekontuek beste arrazoi bat ematen digute Euskal Herrian erabakitzeko eskubidea aldarrikatzeko. Horrez gain, euskal herritarren beharrizanei erantzungo dieten politika ekonomiko eta sozialak martxan jartzeko beharra ere agerian uzten dute”, defendatu dute Amaiurreko ordezkariek.
Albiste gehiago politika
Neniques Roldan, Nafarroako Podemoseko koordinatzaile berria
Roldanek botoen % 51 lortu ditu, eta, era berean, Berme Demokratikoen Batzordea ere osatuta geratu da.
Alberto Martinez Osasun sailburuak lortutako akordioaren inguruko balantzea egin du Ituna onartu eta biharamunean
Osasun Ituna onartu eta biharamunean Alberto Martinez elkarrizketatu du ETBk. Osasun sailburuaren esanetan, "astelehenean bertan" lanean hasiko dira, herritarrek, gradualki bai, baina lehenbailehen aldaketak sumatu ditzaten, Lehen Arretan, batez ere. Martinezek gaineratu duenez, Itun honekin etorkizuneko euskal Osasun Sistemaren oinarriak finkatu dituzte.
Sortuk urtebete aurreratu du alderdiaren laugarren Kongresua, "askapen prozesuaren fase politiko berriak behar duen eraginkortasuna lortzeko"
Abadiñon egiten ari diren 8. Nazio Konferentzian egin du deialdia. Konferentzia horretan, kurtsoaren balantzea ere egin, eta hurrengo hilabeteetako erronkak zehaztu dituzte.
Gobernuko kideek babestu dute Osasun Ituna; oposiziokoek, aldiz, kritikatu
Ostiralean sinatutako Osasun Itunaren inguruko debatea ez da eten. Gobernuko kideek akordioa babestu duten arren, oposizioak gogor kritikatzen jarraitzen du.
ETAren 60 biktima nafarrak omentzeko plaka bat jarri dute Foru Parlamentuan
Ekitaldira bertaratu direnen artean, Maria Chivite presidentea eta Unai Hualde Nafarroako Parlamentuko presidentea izan dira.
Osasun Mahaiak ituneko 24 ildo estrategikoak babestu ditu
Hala ere, EH Bilduk, Sumarrek, LABek, ELAk, SATSEk, CCOOk eta UGTk ez dute ituna babestuko. Desadostasun handiena eragin duten gaiak hizkuntza-politikari buruzkoak eta lankidetza publiko-pribatuari buruzkoak izan dira.
Gazarako beste martxa bat "bideraezina" dela uste du Podemos Euskadik, baina beste aukera batzuk aztertzen ari dira
Martxa Globalean parte hartu zuten Maite Gartzia (koordinatzailearen ondokoa) eta Alberto Villarreal (Osasun arduraduna) ekintzaileek Egipton bizi izandako egoeren berri eman dute. Espainiak Egipton duen enbaxadorearen jokabidea kritikatu dute, martxara ez zutela joan behar esan baitzien.
Martinez: "Gaur egun garrantzitsua da osasun sistema publikoa eraldatzeko"
Alberto Martínez Eusko Jaurlaritzako Osasun sailburuak Osasun Itunaren mahaiaren bileraren garrantzia azpimarratu du. Bertan, onkologia, osasun mentala eta lehen mailako arreta bezalako arloei buruzko 24 dokumentu estrategiko onartuko dira. Martinezek azpimarratu du topaketa honek hirugarren lan-fasearen amaiera markatzen duela eta eragileen konpromisoa bilatzen duela itunaren ebaluazioan eta garapenean aurrera egiten jarraitzeko.
Euskal osasun sistemaren etorkizunari babes "sendoa eta irmoa" eman zaiola azpimarratu du Osasun sailburuak
EAEko osasun sistemaren etorkizuna diseinatuko duten ildo estrategikoen 24 dokumentuak onartu ditu ostiral honetan Osasun Itunaren Mahaiak. "Dokumentu bakar bat ere ez da aurrera ez egiteko arriskuan egon. Hirugarren fase honen babesa sendoa eta irmoa da", esan du Alberto Martinez Eusko Jaurlaritzako Osasun sailburuak.
EAJk eta EH Bilduk eserleku kopuru bera lortuko lukete Eusko Legebiltzarrean; jeltzaleak bost puntu daude gainetik
Bi alderdiek 28 eserleku lortuko lituzkete, eta PSE-EEk 11. Gauzak horrela, EAJk eta PSE-EEk osatzen duten koalizioak gehiengo absolutuari eutsiko lioke. Abstentzioa % 41ekoa izango litzateke, 2025eko ekaineko Euskal Soziometroaren arabera.