Katalunia, Eskozia eta erabakitzeko eskubidea, Zurriolan irudikatuta
Gure Esku Dago plataformak mosaiko erraldoia egin du Donostiako Zurriola hondartzan. Ekimenean parte hartu duten milaka lagunek bandera katalana osatu dute, ondoren eskoziarra, geroago orri zuri bat eta, azkenik, hautestontzi bat.
Erabakitzeko eskubidearen alde eta Kataluniako kontsultari babesa emateko egindako mosaikoa egiteko 5.000 lagun batzeko helburua jarri izan dute, baina azken egunotan 10.000 pertsonak baino gehiagok izena emanda zuten.
Antolatzaileen esanetan, gaurkoa inoiz aterkiekin egindako mosaikorik handiena osatu dute Zurriolan. Gainera, parte-hartzaileek eguraldia lagun izan dute, ez baitu inolako eragozpenik eragin.
Donostiako mosaikoko parte-hartzaileek 11:00etan hasi dituzte prestaketa lanak, Kursaaletik gertuenen dagoen Zurriolako bazterretik eta, 13:00ak aldera, diseinuak eratzeari ekin diete.
Ekitaldian, Anjel Oiarbide Gure Esku Dago plataformako bozeramaleak esan duenez, Euskal Herriak "sentsibilitate guztiak eta mota eta jatorri guztietako pertsonak elkartuko dituen hautestontzia eraiki behar du", hortik abiatuta "Euskal Herriak bere etorkizuna erabakitzeko" behar dituen "akordioak lortzeko".
Horren haritik, Oiarbideren esanetan, mosaikoa "normaltasun eta normalizaziorako bidean beste pauso bat da".
"Eskoziako herritarrek hitza hartu eta erabaki izan dutela" gogorarazi eta gero, plataformako kideak adierazi du horren moduko egoerak ez direla "arazo ezta gatazka ere", "normalak" direlako.
Oiarbidek ekitaldia hasi baino lehen Euskadi Irratian esan duenez, "mosaiko estatiko bat da, airetik grabatutakoa, eta irudi zoragarria ikusi ahal izango da Kursaal inguruan".
"Egutegiak markatu aurretik herritarrek jarrera bat markatu behar dugu. Jarrera hori, pausoak eman ahala, ikusi ahala, sentitu ahala, barneratuko dugu etorkizuna gure esku dagoela", Oiarbideren esanetan.
Horren ildotik, gaineratu duenez, "nik uste dut herri bakoitzak bere ezaugarriak dituela, bere erritmoa, ezin dugu lo hartu, baino lehenbizi etxeko lan asko ditugula iruditzen zait".
"Erabakitzeko eskubidea normaltasunez praktikara eramatea, ariketa bere egitea. Eta guk uste dugu normaltasun praktika horretara iristeko aurten pauso batzuk eman direla. Etxarrin pauso bat eman zen, ekainaren 8an beste pauso bat eman zen, baina joan den igandean Arrankudiagan ere bai. Gaur beste pauso bat emango dugu, pauso guztiak dira beharrezko eta pauso txikirik ez dago", baieztatu du.
Gure Esku Dagok egindako mosaikoaren prestaketa lanak
Zure interesekoa izan daiteke
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.
Euskararen aurkako "oldarraldia marra gorri guztiak gainditzen" ari dela salatu du EH Bilduk
Euskalgintzaren Kontseiluak larunbat honetarako Bilbao Arenan antolatu duen ekitaldian parte hartzeko deia egin du koalizio subiranistak, "euskaltzaleen indar eta batasun erakustaldiarekin" bat egiteko.
Jon Insausti: "Politika ez da pankartetatik edo sare sozialetatik egiten"
Urriaren 29an hartu zuen Gipuzkoako hiriburuko aginte-makila, Eneko Goiak uko egin ostean, baina dio ez duela "minutu bat ere" galdu.
Ibarrola eta Garcia Adanero Iruñeko zinegotzien dimisioa eskatu dute, "diskurtso xenofoboak" egiteagatik
EH Bildu, Geroa Bai eta Contigo-Zurekin taldeek egindako dimisio eskaera babestuko du PSNk. Sexu-eraso bat leporatzen zitzaien gizonen eta Udal Gobernuaren aurka, "kontrastatu gabe eta zorroztasunik gabe, gezurrak eta faltsukeriak" zabaltzea leporatu diete Ibarrolari eta Garcia Adanerori.
Eusko Legebiltzarrak "eztabaidak errespetuz" egiteko deia egin du, De Andresi aipamen berezirik egin gabe
PPko presidenteak EH Bilduren "sarraskia" etorriko zela esan ondoren, koalizio abertzaleak babesa eskatu zion Legebiltzarreko Mahaiari baina honek ez dio zigorrik ezarri De Andresi.