Eusko Jaurlaritza: 'Ezerk ez du terrorismoa justifikatzen'
Euskal alderdi politikoetako hainbat ordezkarik parte hartu dute, gaur, Parisen, adierazpen askatasunaren alde eta terrorismoaren kontra deitutako manifestazioan. Eusko Jaurlaritzako ordezkaritza bat ere bertan izan da, zehazki, Marian Elorza Kanpo Harremanetarako idazkari nagusia.
EAJren izenean, Izaskun Bilbao eurodiputatua Parisen izan da, eta baita EAko Miren Urrestieta eta Lorena Lacalle kideak eta Jon Iñarritu Aralarreko kidea eta Amaiurreko diputatua ere.
Marian Elorza Eusko Jaurlaritzako Kanpo Harremanetarako idazkari nagusiak adierazi du ezerk ez duela terrorismoa justifikatzen eta inork ezin duela justifikatu.
Eusko Jaurlaritzak zabaldutako oharraren arabera, Parisen gertaturikoa "bizitzarako eta askatasunerako eskubideen kontrako eraso justifikaezina da". "Ezerk ez du terrorismoa justifikatzen eta inork ezin du justifikatu, zenbait ideia erlijioso, politiko edo fundamentalistek hala nahi badute ere", azpimarratu du.
Izaskun Bilbao EAJko eurodiputatuak "bakea eta askatasuna" aldarrikatu ditu "indarkeriaren eta fanatismoaren" aurrean, EAJren, Coalicion Canariaren eta Compromiso por Galicia alderdien izenean.
"Bake, askatasun eta demokrazia alorretan munduko erreferente izatea ahalbideratu gaituzten baloreak berretsi eta babestu behar ditu Europak. Izua sortzen duten ekintzen aurrean erantzun posible bakar dago: demokrazia gehiago", azpimarratu du.
Lorena Lopez de Lacalle Eusko Alkartasunako Nazioarteko Harremanetarako idazkariak ohartarazi du, Parisen, aste honetan gertaturiko ekintzen aurrean Poliziaren erantzuna gehiegizkoa bada, litekeena dela "askatasunen galera" bat izatea. Halaber, azpimarratu du "autokritika" egitea beharrezkoa dela gizarte eredua aldatzeko.
Jon Iñarritu Amaiurreko diputatu eta Aralarreko zuzendaritzako kideak "erantzun irmoa" ematea eskatu du, "adierazpen askatasunaren defentsan". Iñarrituk aste honetan gertaturikoa gaitzetsi nahi izan du eta elkartasuna helarazi die biktimen senideei eta lagunei eta frantziarrei orokorrean.
Albiste gehiago politika
Pradalesen ustez, "gizartearen aktibazioa funtsezkoa den arren, euskarak legedia eta segurtasun juridikoa behar ditu"
Lehendakariak euskararen etorkizunari begira "jauzi kualitatiboa" emateko beharra azpimarratu du eta, testuinguru horretan, normalizazio prozesuan paradigma berri bat ezartzeko beharra adierazi du, "konfrontazioa saihestuta".
"Erdietsi dugun akordioarekin Euskal Herriko bake prozesua blindatu egin dugu"
Akordioa lortuta, espetxea saihestuko dute 2016 eta 2020 urteen artean 120 presoen ongietorriak antolatzeagatik Auzitegi Nazionalean auzipetutako 6 kideek.
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
2 urteko espetxea ezarri zaie, eta hainbat baldintza beteta, bertan behera geratuko da. Besteak beste, ezingo dute parte hartu biktimak umiliatzea eragin dezakeen ekitaldietan. Auzipetuek onartu egin dute antolatu zituzten ongietorriekin biktimei min egin zietela.
Epaileak baztertu egin du Abalos eta Koldo Garcia espetxera bidaltzea, eta kautelazko neurriei eutsi die
Hortaz, magistratuak ez du onartu Alderdi Popularra buru duen akusazioak eskatutako behin-behineko kartzelaldia. Jose Luis Abalos Garraio ministro ohiak adierazi du zabaldu diren grabaketetan ez duela bere ahotsa ezagutzen. Are gehiago, grabaketak ez ote dituzten manipulatu susmoa azaldu du. Koldo Garciak, berriz, ez deklaratzea erabaki du.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.