3.587 tortura salaketa erregistratu dituzte EAEn
Eusko Jaurlaritzak 1960 eta 2013 artean Euskadin izandako tortura kasuen ikerketa egitea agindu zion 2014ko martxoan Francisco Etxeberria auzitegi medikuak Euskal Herriko Unibertsitatean (EHU) gidatzen duen Kriminologiako Euskal Institutuko taldeari, eta, ikerketaren lehen hilabeteetan, 3.587 salaketarekin osatutako lehen errolda egin dute.
Paco Etxeberriak berak eta Jonan Fernandez Eusko Jaurlaritzako Bake eta Bizikidetza idazkariak prentsaurrekoa eskaini dute. Ikerketaren helburua torturak azken 50 urteetan Euskadin izan duen benetako eraginaren berri ematea dela azaldu dute, bai eta aintzatespena, konponketa eta prebentzioari lotutako ondorioak zehaztea ere.
Bake eta Bizikidetza Planaren seigarren ekimena da ikerketa hau, planak berak zehaztutako hiru konpromiso handietako lehenaren barruan: iragana argitzea.
Ikerlana 2016ko irailean osatzea espero dute. Ordura arte, lanak hiru fasetan egingo dira. Lehen fasean (6-8 hilabete artean), salaketak zenbatetsi dira, tratu txarren eta torturen prebalentziari buruzko informazio agiri erabilgarrien azterlanaren txostena eginda eta hainbat iturritako informazioa aztertuta, errolda osatzeko.
Bigarren fasea (9-12 hilabete artean) egiaztapena izango da, eta horretarako 200 kasu adierazgarri ikertuko dituzte, eta 40 kasu enblematikoren azterketa egingo dute. Hirugarren fasean (3-5 hilabete artean), amaierako txostena osatuko dute, ondorioak eta gomendioak adierazita .
Lehen fasearen txostena ostiral honetan eman diote Paco Etxeberriak eta bere taldeak Jonan Fernandezi, 2014ko martxoaren eta abenduaren artean egindakoa.
Hain zuzen ere, 3.587 kasu salatu dituzte, eta horietatik 2.820 kasu aztertu dira orain arte: 2.394 gizonei dagozkie, eta 426 emakumeei.
1.319 Polizia Nazionalaren aurkakoak dira, 1.174 Guardia Zibilaren aurkakoak, eta 271 Ertzaintzaren kontrakoak. 914 kasu 1980ko hamarkadan gertatu ziren; 687, 1990ekoan; 540, 2000koan; eta 474, 1970ekoan. Kasu horietan guztietan, oraingoz, 1.183 kaltedunek berretsi dute torturen edo tratu txarren ondoriozko salaketa.
Albiste gehiago politika
Sarek manifestazioa deitu du Donostiako Aste Nagusiko azken egunerako, presoen etxerako bidea "indartu eta arintzeko"
Asteazken honetan emandako prentsaurrekoan, Beñat Uribe-Etxeberria Sareren bozeramaileak adierazi du mobilizazioa eginda "aldarrikapena txertatu" nahi dutela jaiegun horietan. Hala, manifestazioa deitu du Donostiako Aste Nagusiko azken egunerako, abuztuaren 16rako, presoen etxerako bidea "indartu eta arintzeko".
Miguel Tellado eta Aitor Estebanen arteko tira-bira, Cerdanen afera eta curriculum makillatuak direla eta
Asteartean argitaratutako elkarrizketa batean Cerdanek egindako baieztapenek eragin dute bi politikarien arteko hizka-mizka.
Nafarroako herri-lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina eta Jose Luis Abalosek agerraldia egiteko eskaerak. Agerraldiak urriaren erdialdean hasiko dira.
Santos Cerdanek errugabea dela adierazi du: "Ez dut UCOk esan duen ezer egin"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du bera ez dela Koldo edo Jose Luis Abalosekin izandako elkarrizketetan egon, eta gaineratu du hura ez omen dela bere ahotsa.
Nafarroako PPren presidenteak curriculumeko datu faltsu bat zuzendu du Parlamentuaren webgunean
'Diario de Noticias' egunkariaren arabera, Javier Garciak bere fitxa aldatu du Nafarroako Parlamentuan, inoiz egin omen ez duen gradu baten izena aldatzeko.
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.