Oposizioak ez dio Masi sinesten
Kataluniako Parlamentuko oposizioko alderdiek orain arte esandakoa errepikatu dute gutxi gora-behera, eta argi adierazi dute ez diotela Artur Mas Kataluniako presidenteari sinesten Jordi Pujolen kontuei buruz ezer ez zekiela esaten duenean.
Oriol Amoros ERCren ordezkariak "politika zaharra baztertzeko" eskatu dio Masi, Jordi Pujol presidente ohiaren jokabidea ordezkatzen duelako. Amorosek ukatu egin du, gainera, Pujol auzia "soilik pribatua" denik, erakunde publikoei eragiten dielakoan.
Bestalde, Alicia Sanchez-Camacho PPCren presidenteak gogor kritikatu du Masek "ezer ere ez dakiela" esatea, Jordi Pujolen "zortzigarren seme politikoa" denean. "Ez dio ezeri erantzun, eta kalterik gabe atera nahi du hemendik, baina informazioak oso larriak dira", gaitzetsi du buruzagi popularrak.
Albert Rivera Ciudadanosen presidenteak, bere aldetik, "ezinezko"tzat jo du Masek ezkutuko ondarearen inguruan ezer ez jakitea. "Badakizu zein den arazoa? Oso zaila da sinestea zu bezalako pertsona azkar bat ez zela ezertaz ohartu", azpimarratu du.
Joan Herrera ICV-EUiAren buruzagiak ere zalantzan jarri du Masek bere gertukoen ustezko "irregulartasunen" berri ez zuenik, eta Masen aitak Liechtensteinen kontu bat zuela gogorarazi du.
Presidentearen alde, Meritxell Borras CiUren bozeramaileak Generalitateko presidenteari eta CiUri min egiteko helburu bakarra izatea leporatu dio oposizioari, eta ez duela ustezko ustelkeria kasuen inguruko egia jakin nahi.
Albiste gehiago politika
Pradalesen ustez, "gizartearen aktibazioa funtsezkoa den arren, euskarak legedia eta segurtasun juridikoa behar ditu"
Lehendakariak euskararen etorkizunari begira "jauzi kualitatiboa" emateko beharra azpimarratu du eta, testuinguru horretan, normalizazio prozesuan paradigma berri bat ezartzeko beharra adierazi du, "konfrontazioa saihestuta".
"Erdietsi dugun akordioarekin Euskal Herriko bake prozesua blindatu egin dugu"
Akordioa lortuta, espetxea saihestuko dute 2016 eta 2020 urteen artean 120 presoen ongietorriak antolatzeagatik Auzitegi Nazionalean auzipetutako 6 kideek.
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
2 urteko espetxea ezarri zaie, eta hainbat baldintza beteta, bertan behera geratuko da. Besteak beste, ezingo dute parte hartu biktimak umiliatzea eragin dezakeen ekitaldietan. Auzipetuek onartu egin dute antolatu zituzten ongietorriekin biktimei min egin zietela.
Epaileak baztertu egin du Abalos eta Koldo Garcia espetxera bidaltzea, eta kautelazko neurriei eutsi die
Hortaz, magistratuak ez du onartu Alderdi Popularra buru duen akusazioak eskatutako behin-behineko kartzelaldia. Jose Luis Abalos Garraio ministro ohiak adierazi du zabaldu diren grabaketetan ez duela bere ahotsa ezagutzen. Are gehiago, grabaketak ez ote dituzten manipulatu susmoa azaldu du. Koldo Garciak, berriz, ez deklaratzea erabaki du.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.