AHTa Bilbora 2019an heltzea zalantzan jarri du Ibon Aresok
Abiadura Handiko Trena 2019. urtean martxan izango dela iragarri zuen Sustapen Ministerioak, baina epe horren inguruan “zalantzak” dauzkala adierazi du gaur Ibon Areso Bilboko alkateak.
Aresok azpimarratu du AHTren lanei bultzada emateko nahitaezkoa dela aurrekontuekin laguntzea eta, egun, ez dagoela diru nahikorik nabarmendu du. Trena amaitzeak “berebiziko garrantzia” duela gaineratu du, “Euskadiko barne-metroa” bilakatuko baita.
Areso Madrilen izan da gaur, Nueva Economia Forumeko gosari informatiboan. “Hiri inteligenteei” eskainitako Saioa izan da gaurkoa.
Obren amaiera 2013, 2014 eta 2015 urteetarako ere iragarri zutela gogoratu du Bilboko alkateak eta, horregatik, 2019an amaitzearen inguruan bere “zalantzak” agertu ditu, “borondate politikoarekin batera, baliabide ekonomikoak ere beharrezkoak direlako”:
Udalean urte asko eman ondoren, iragarpenen aurrean “zuhurtziaz” jokatuko duela esan du.
Bilbok pairatzen duen “desabantaila” ere salatu du, beste hiri handi askok AHTarekin konexioa baitute dagoeneko.
Bestalde, erretiroa hartzeko gogoak dituela onartu du Ibon Aresok (legealdia amaitzean hartuko du). Hainbat urtez Udalean lanean aritu ondoren “merezi duela” esan die kazetariei.
Juan Maria Aburto EAJko hautagaiari buruz, “hautagai bikaina” dela nabarmendu du. “Zintzotasuna da bere ezaugarri nagusia”, gaineratu du.
“Azkuna pertsona bat zen. Ni beste modu batekoa naiz, eta Aburto beste batekoa izango da. Txarrena Azkuna imitatzea litzateke. Hautagai bakoitza den modukoa izan behar da”.
Zure interesekoa izan daiteke
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" zegoelako
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek eta jada senda-agiria eman diotela. Ostiralean Gonzalez Amador Ayusoren bikotekidearen auziperatzea ezagutu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.