'Ibarretxe Plana' independentziaren abiapuntu gisa proposatu du Bilduk
Hasier Arraiz EH Bilduko legebiltzarkideak 'Ibarretxe Plana' aldarrikatu du gaur Euskal Herriaren independentziarako bidean abiapuntu izateko eta aurreko lehendakariaren egitasmoa "kutxatik ateratzeko" deia egin dio Iñigo Urkullu lehendakariari.
Eusko Legebiltzarrean Kontrolerako saioa ari dira egiten ostiral honetan eta bertan egin ditu adierazpenak Arraizek.
Arraizen hitzetan, Juan Jose Ibarretxe lehendakariak autogobernu lantaldean asteazkenean esandakoekin "bat egiten" du EH Bilduk. Ibarretxek azpimarratu zuenez, 2030ean independentea izango da Euskadi, estaturik gabeko beste nazioek bezala aldebakarreko independentzia aldarrikapena egingo duelako.
Hala, koalizio abertzaleko kideak agertu duenez, "bada garaia Egibarrek 'Ibarretxe Plana' gordeta duen kutxatik ateratzeko. Hautsa kentzeko garaia da". "Ez diogu azken helburu izan behar denik, baina ganbera honetako gehiengo osoak onartu zuela kontuan hartuta, bideari ekiteko abiapuntu izan daiteke. Beste batzuk ere egon daitezke, autogobernuak berak dituen aukerak, esaterako", erantsi du.
Adierazi duenez, EH Bildu prest dago "Espainiako Estatuarekin indarrak ahitu arte negoziatzeko", hala, agerian geratuko da nazioartean "euskal herritarrek erabakitzen dutena onartzeko asmorik" ez duela Estatuak eta, horrenbestez, "independentziaren aldebakarreko aldarrikapena egiteko beste aukerarik ez dugu izango", argudiatu du.
Horrez gain, Maiatzaren 24an izango diren hauteskundeen ondotik, udal eta aldundiak "palanka" gisa erabiltzea proposatu dio EAJri.
Egitekoa, gainera, lehenbailehen egiteko deia egin die Arraizek jeltzaleei: "Aro berri honetako abaguneak aprobetxatu behar dira, garai berria garai zaharra bilaka daitekeelako", ohartarazi du. Hala, nabarmendu duenez, koalizioak EAJrekin akordioak lortzeko asmoa "mahai gainean dago oraindik".
Urkullu: 'Autogobernu lantaldea da abiapuntua'
Proposamenari ezezkoa bota dio Iñigo Urkullu lehendakariak. Adierazi duenez, ibilbide orria ezarrita dago eta Eusko Legebiltzarreko autogobernu lantaldean du oinarri. Hain justu, proposamenak lantalde horretan egiteko deia egin dio EH Bilduri: "Proposamenen bat baduzue, proposatu lantaldean".
Urkulluren hitzetan, "herri honetako sentsibilitate politiko ezberdinen artean akordioa" lortzea du helburu lantaldeak, gerora euskal gizarteak berretsi beharko duena.
Lehendakariaren aburuz, EH Bilduri "presa sartu zaio orain eta ibilbide orria aldatu nahi du. Mugitu ez denez, besteak mugiarazi nahi ditu orain", nabarmendu du.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.